மீட்பதெப்படி? – கவிதை

**ayyasamy ram** · **ayyasamy ram** Sat 29 Aug 2015 - 21:11

அந்தகார இருட்டினில்
அடுக்கடுக்காய் சொற்கள்
நிசப்த வெளியில் சஞ்சரித்து
வந்து விழும் கவிதையாய்
எழுத நினைக்கையில்
உறக்கம் கெடுக்ககும்
வெளிச்சமென
உறுமும் துணை எண்ணி
ஒத்திபோட்டேன் எழுத்தை
–
விடியலில்
கலந்து வைத்த
காபியில் கரைந்தன
சில வார்த்தைகள்
–
மிக்சியில் சட்னியில்
அரைபட்டு பொடியாகின
இன்னும் சில சொற்கள்
–
குழம்புக்காய் கரைத்த
புளியில் கரைந்தன
அடுத்தடுத்த வரிகள்
–
அடுப்படியில் எரிந்தது
துடித்துக் கொண்டிருந்த
கவிதையின் உயிர்
–
கலந்தும் கரைத்தும்
பொடித்தும் எரித்தும்
வார்த்தைகளைத் தொலைத்தபின்
என்னுள் இருந்த கவிதையை
எப்படி தான் மீட்பது
–
—————————
கே.சாந்தகுமாரி, சென்னை
நன்றி- மங்கையர் மலர்

**M.Jagadeesan** · **M.Jagadeesan** Sun 30 Aug 2015 - 15:54

சில கவிதைகள் கருவிலேயே மடிந்துவிடுகின்றன . சில கவிதைகள் உருவம் பெறாமலேயே உயிரிழந்து விடுகின்றன. எல்லாவற்றிற்கும் சூழ்நிலைதான் காரணம் .

எழுதாக் கவிதை.
============
காலை வேளை எழுந்தேனா
கவிதை எழுத நினைத்தேனா

காகிதம் எடுத்து வைத்தேனா
கவிதை புனைய முனைந்தேனா

ஐயா ! சாமி ! என்றதொரு
அழுகுரல் தெருவில் கேட்டேனா

ஓடிச் சென்று பார்த்தேனா
ஒல்லிய உருவம் கண்டேனா

பசியின் கொடுமை எல்லாமே
கசியும் கண்களைப் பார்த்தவுடன்

ஓடிச் சென்று அவனுக்கு
ஒருவாய் சோறு போட்டேனா

மீண்டும் கட்டிலில் அமர்ந்தேனா
கவிதை எழுத முனைந்தேனா

வீரிட்டு அழுதது என்குழந்தை
வாரி எடுத்து அணைத்தேனா

கலந்து வைத்த பசும்பாலை
குழந்தை குடிக்கக் கொடுத்தேனா

ஓங்கிய பசியும் அடங்கியதால்
தூங்கிய குழந்தையைக் கண்டேனா

தொட்டிலில் குழந்தையைப் போட்டேனா
கட்டிலில் வந்து அமர்ந்தேனா

மீண்டும் கவிதை எழுதிடவே
முயன்று நானும் பார்த்தேனா

கண்ணைப் பறிக்கும் மின்னலுடன்
விண்ணைப் பிளக்கும் இடியோசை

சூறைக் காற்றும் பேய்மழையும்
கோர தாண்டவம் ஆடியதால்

காகிதம் காற்றில் பறந்ததுவே
கவிதை நெஞ்சமும் முறிந்ததுவே.

**ayyasamy ram** · **ayyasamy ram** Sun 30 Aug 2015 - 16:48

M.Jagadeesan wrote:சில கவிதைகள் கருவிலேயே மடிந்துவிடுகின்றன . சில கவிதைகள் உருவம் பெறாமலேயே உயிரிழந்து விடுகின்றன. எல்லாவற்றிற்கும் சூழ்நிலைதான் காரணம் .

எழுதாக் கவிதை.
============
காலை வேளை எழுந்தேனா
கவிதை எழுத நினைத்தேனா

காகிதம் எடுத்து வைத்தேனா
கவிதை புனைய முனைந்தேனா

ஐயா ! சாமி ! என்றதொரு
அழுகுரல் தெருவில் கேட்டேனா

ஓடிச் சென்று பார்த்தேனா
ஒல்லிய உருவம் கண்டேனா

பசியின் கொடுமை எல்லாமே
கசியும் கண்களைப் பார்த்தவுடன்

ஓடிச் சென்று அவனுக்கு
ஒருவாய் சோறு போட்டேனா

மீண்டும் கட்டிலில் அமர்ந்தேனா
கவிதை எழுத முனைந்தேனா

வீரிட்டு அழுதது என்குழந்தை
வாரி எடுத்து அணைத்தேனா

கலந்து வைத்த பசும்பாலை
குழந்தை குடிக்கக் கொடுத்தேனா

ஓங்கிய பசியும் அடங்கியதால்
தூங்கிய குழந்தையைக் கண்டேனா

தொட்டிலில் குழந்தையைப் போட்டேனா
கட்டிலில் வந்து அமர்ந்தேனா

மீண்டும் கவிதை எழுதிடவே
முயன்று நானும் பார்த்தேனா

கண்ணைப் பறிக்கும் மின்னலுடன்
விண்ணைப் பிளக்கும் இடியோசை

சூறைக் காற்றும் பேய்மழையும்
கோர தாண்டவம் ஆடியதால்

காகிதம் காற்றில் பறந்ததுவே
கவிதை நெஞ்சமும் முறிந்ததுவே.