திருமந்திரம் விளக்கப்படங்கள்

Namasivayam Mu · Namasivayam Mu Fri Aug 28, 2015 2:30 pm

First topic message reminder :

திருமந்திரம்
நந்தியின் சீடரான சுந்தரநாதர் கயிலாசத்திளிருந்து புறப்பட்டு தமிழகம்வந்து திருவாவடுதுறையில் இறந்து கிடந்த மூலன் உடலில் புகுந்து திருமூலர் என்ற பெயரில் மூவாயிரம் பாடல்களை தமிழில் தான் எழுதினார். அதுவே திருமந்திரம் எனப்படுகிறது. கடவுளைப்பற்றிய பல ரகசியங்கள் திருமந்திரத்தில் பொதிந்து கிடக்கிறது.தமிழ் தெரிந்தவர்கள் மட்டுமே திருமந்திரம் பயில வாய்ப்பு பெற்றவர்கள் அதனால்தானோ என்னவோ திருமூலர் தமிழில் திருமந்திரத்தை எழுதி உள்ளார்
திருமந்திரத்திற்குப் பண்டைக்காலத்தில் உரை எழுதப்படவில்லை. 20ஆம் நூற்றாண்டின் நடுப்பகுதியிலிருந்துதான் இதற்குப் பலராலும் உரைகள் எழுதப்பட்டு வந்துள்ளது. இதனால், பல பாட்டுக்களில் கூறப்பட்டிருப்பவைக்கு, வேறுபட்ட, முரண்பட்ட கருத்துக்கள் கொடுக்கப்பட்ட நிலைதான் காணப்படுகிறது.
திருமந்திரத்தில் பொதிந்துள்ள கருத்துக்களை புரிந்து கொள்வதற்கு அதன் பாடலை உரையில்லாமல் மூலத்தையே வாசித்து பொருள் உணரவேண்டும் என்பது என் கருத்து. இருப்பினும் நான் திருமந்திரத்தை வாசிக்கும்பொழுது எனக்குள் தோன்றிய அகக்காட்சிகளை என்னால் முடிந்தவரை படங்களாகப் பதிவு செய்து உங்கள் பார்வைக்கு வழங்குகிறேன்

[You must be registered and logged in to see this image.]

வேதங்கள் ஆட மிகுஆகமம் ஆடக்
கீதங்கள் ஆடக் கிளறண்டம் எழாடப்
பூதங்கள் ஆடப் புவனம் முழுதாட
நாதங் கொண்டாடினான் ஞானானந்த கூத்தே—திருமந்திரம்
*****
கூத்து ---நடனம்,சுவாசம்,இயக்கம்

Namasivayam Mu · Namasivayam Mu Fri Oct 16, 2015 9:33 am

[You must be registered and logged in to see this image.]

அவமும் சிவமும் அறியார் அறியார்
அவமும் சிவமும் அறிவார் அறிவர்
அவமும் சிவமும் அருளால் அறிந்தால்
அவமும் சிவமும் அவன் அருளாமே--திருமந்திரம் 2340

அவம்---பிறப்பு, சிவம் ---பிறவாமை

Namasivayam Mu · Namasivayam Mu Sat Oct 17, 2015 4:47 pm

[You must be registered and logged in to see this image.]

ஆரே அறிவார் அடியின் பெருமையை
யாரே அறிவார் அங்கவர் நின்றது
யாரே அறிவார் அறுபத்தெட்டு ஆக்கையை
யாரே அறிவார் அடிகாவல் ஆனதே--திருமந்திரம் 2126

Namasivayam Mu · Namasivayam Mu Sun Oct 18, 2015 4:08 pm

[You must be registered and logged in to see this image.]

தானே தனக்கு பகைவனும் நட்டானும்
தானே தனக்கு மறுமையும் இம்மையும்
தானே தான் செய்த வினைப் பயன் துய்ப்பானும்
தானே தனக்கு தலைவனும் ஆமே—திருமந்திரம்

Namasivayam Mu · Namasivayam Mu Mon Oct 19, 2015 10:47 am

[You must be registered and logged in to see this image.]

உடம்பும் உடம்பும் உடம்பைத் தழுவி
உடம்பிடை நின்ற உயிரை அறியார்
உடம்போடு உயிரிடை நட்பு அறியாதார்
மடம்புகு நாய் போல் மயங்குகிறாரே---திருமந்திரம் 2148

சசி · சசி Mon Oct 19, 2015 11:11 am

அருமையான பாடல் ஐயா மிக்க நன்றி

Namasivayam Mu · Namasivayam Mu Mon Oct 19, 2015 12:57 pm

Sasiiniyan Sasikaladevi wrote:அருமையான பாடல் ஐயா மிக்க நன்றி

[You must be registered and logged in to see this link.]

வாழ்க வளமுடன்
அன்பு மலர்

Namasivayam Mu · Namasivayam Mu Tue Oct 20, 2015 4:23 pm

[You must be registered and logged in to see this image.]

திகைக்கின்ற சிந்தையுள் சிங்கங்கள் மூன்று
நகைக்கின்ற நெஞ்சுள் நரிக்குட்டி நாலு.
வகைக்கின்ற நெஞ்சினுள் ஆனைகள் ஐந்து
பகைக்கின்ற நெஞ்சுக்கு பால் இரண்டு ஆமே---திருமந்திரம்
***

சிங்கங்கள்---காமம்,வெகுளி,மயக்கம்.

நரிக்குட்டிகள்---மனம்,புத்தி,சித்தம்,அகங்காரம்.

ஆனைகள்---ஐம்புலன்கள்

பால் இரண்டு-------மனம் ஓடுதல்,ஒழிதல்

Namasivayam Mu · Namasivayam Mu Sat Oct 24, 2015 2:06 pm

[You must be registered and logged in to see this image.]

போகின்ற வாறே புகுகின்ற அப்பொருள்
ஆகின்ற போதும் அரன் அறிவான் உளன்
சாகின்ற போதும் தலைவனை நாடுமின்
ஆகின்ற அப்பொருள் அக்கரை ஆகுமே-----திருமந்திரம்

Namasivayam Mu · Namasivayam Mu Mon Oct 26, 2015 10:17 am

[You must be registered and logged in to see this image.]

அண்டங்கள் ஏழினுக்குஅப்புறத்து அப்பால்

உண்டு என்ற சத்தி, சதாசிவத்து உச்சிமேல்

கண்டம் கரியான் கருணை திருவுருக்

கொண்டு,அங்கு உமைகாணக் கூத்து உகந்தானே
---திருமந்திரம்

Namasivayam Mu · Namasivayam Mu Wed Oct 28, 2015 12:24 pm

[You must be registered and logged in to see this image.]

முத்தியை, ஞான முழுத்தமிழ் ஓசையை
எத்தனை காலமும் ஏத்துவர் ஈசனை;
நெய்த்தலை பால்போல் நிமலனும் அங்கு உளன்;
அத்தகு சோதி; அது விரும்பாரே---திருமந்திரம்

Sponsored content · Sponsored content

திருமந்திரம் விளக்கப்படங்கள்

திருமந்திரம் விளக்கப்படங்கள்

Re: திருமந்திரம் விளக்கப்படங்கள்

Re: திருமந்திரம் விளக்கப்படங்கள்

Re: திருமந்திரம் விளக்கப்படங்கள்

Re: திருமந்திரம் விளக்கப்படங்கள்

Re: திருமந்திரம் விளக்கப்படங்கள்

Re: திருமந்திரம் விளக்கப்படங்கள்

Re: திருமந்திரம் விளக்கப்படங்கள்

Re: திருமந்திரம் விளக்கப்படங்கள்

Re: திருமந்திரம் விளக்கப்படங்கள்

Re: திருமந்திரம் விளக்கப்படங்கள்

Re: திருமந்திரம் விளக்கப்படங்கள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக