சிவ தாண்டவம்

First topic message reminder :

:

ஜூன் 18 2004 அன்று ஜெனீவாவில் உள்ள அணுத்துகள் ஆராய்சி மையத்தில் சிவதாண்டவ சிலை நிறுவப்பட்டது.

பிரபஞ்சம் முழுவதும் நீக்கமற நிறைந்திருக்கும் இயக்கத்தின் அழகிய குறியீட்டு வெளிப்பாடாக இயற்பியலாளர் சிவதாண்டவத்தை கருதுகின்றனர்.

மீச்சிறிய அணுவினுள் இருக்கும் இயக்கங்களையும் மிகப் பிரம்மாண்டமான எண்ணிலடங்கா தாராமண்டலங்களின் இயக்கங்களையும் காண்கின்றனர் அறிவியலாளர்,
எங்கும் நீக்கமற நிறைந்திருக்கும் இயக்கம். சுழல்கள். வீச்சுக்கள்
குமிழிகளென எழுந்து கரையும் பொருண்மையும் ஆற்றலும் ஒன்றோடொன்று தந்நிலை மாறிடும்.

"பூமியில் எங்கு சென்றாலும் ஓர் அசைவும் உயிர்ப்பும் உள்ளது. தோற்றத்தில் ஜடமாக இருக்கும் பாறைகள், உலோகம், மரம், களிமண்...எல்லாவற்றுக்குள்ளும் உள்ளார்ந்த இயக்கம் உண்டு. அணுக்கருவை எலக்ட்ரான்கள் வலம் வந்து கொண்டிருக்கின்றன. ...திடப்பொருளாகக் காணப்படும் எல்லாவற்றுக்குள்ளும் அதிவேக இயக்கம் உள்ளது. நமது வாழ்க்கையின் ஒவ்வொரு தருணமும் சிவபெருமானின் அற்புத நடனத்தைப் போலவே அமைந்துள்ளது.
சிவதாண்டவம் அறிவியல், சமயம் மற்றும் கலை ஆகியவற்றின் இணைப்பு ஆகும்.

சிருஷ்டியின் இரவில் இயற்கை அசைவற்று உள்ளது.
சிவ சங்கல்பம் இல்லாமல் அது நடனமிட முடியாது. சிவபெருமான் தனது ஆனந்தத்துவத்தில் எழுகிறார். அந்த நடனம் ஜட இயற்கையை விழித்தெழ வைக்கும் நாத அலைகளை உருவாக்குகிறது. ஆகா! இயற்கையும் சிவபெருமானைச் சுற்றிச் சுழன்று அவரது மகோன்னதத்தைக் காட்டும் விதமாக நடனமாடுகிறது


"சிருஷ்டியும் அழிவும் லயத்துஅன் வெளிப்படுவது என்பது பருவக்காலங்களின் சுழற்சியிலும் உயிர்களின் ஜனன-மரணத்திலும் மட்டுமல்ல, ஜடப்பொருண்மையின் அடிப்படைத்தன்மையிலேயே அந்த லயம் உள்ளது என்பதனை நவீன இயற்பியல் நமக்கு காட்டியுள்ளது.
நவீன இயற்பியலாளருக்கு
சிவ தாண்டவம் என்பது
அணுவுக்கு உள்ளே இருக்கும்
துகள்களின் தாண்டவமே ஆகும்.
...பல நூற்றாண்டுகளுக்கு முன்னரே பாரத கலைஞர்கள் சிவதாண்டவத்தினை செப்புத்திருமேனி விக்கிரங்களாக வடித்தனர்.

இன்று நவீன இயற்பியலாளர்கள் மிகவும் நவீன தொழில் நுட்பத்துடன் பிரபஞ்ச தாண்டவத்தின் இயக்கங்களை பதிவு செய்கின்றனர்.
(சிவ பெருமானின்) பிரபஞ்ச தாண்டவ உருவகம்
பழமையான தொன்மத்தையும்,
ஆன்மிக கலையையும்,
நவீன இயற்பியலையும்
ஒருங்கிணைக்கிறது."

"ஒவ்வொரு பிரபஞ்ச சுழலுக்கு முன்னருமாக அண்ட சராசரங்களும் உதயமாவதை மிக அழகிய உன்னதமான வடிவி காட்டுவது பிரபஞ்ச தாண்டவ வடிவமாகும். நடனங்களின் தலைவனான நடராஜராக சிவபெருமான் நான்கு கரங்களுடன் திகழ்கிறார். அவரது வலது மேல் கரத்தில் உள்ள டமரு சிருஷ்டியின் நாதத்தை காட்டுகிறது. இடது மேல்கரத்தில் சுழலும் நெருப்பு ஜுவாலைகள் உள்ளன. அது இப்போது முகிழ்த்தெழும் புதிய பிரபஞ்சமும் காலத்தில் பல பில்லியன் ஆண்டுகளுக்கு பின்னர் அழிந்துவிடும் என்பதனைக் காட்டுகிறது.


எங்குந் திருமேனி எங்குந் சிவசக்தி
எங்குஞ் சிதம்பரம் எங்குந் திருநட்டம்
எங்குஞ் சிவமாயிருத்தலால் எங்கெங்கும்
எங்குஞ் சிவனரு டன்விளை யாட்டே (திருமந்திரம் 2721)

சிவானந்தக் கூத்து



தேவர் சுரர் நரர் சித்தர் வித்தியாதரர்
மூவர்கள் ஆதியின் முப்பத்து மூவர்கள்
தாபதர் சத்தர் சமயம் சராசரம்
யாவையும் ஆடிடும் எம்மிறை யாடவே----திருமந்திரம்

***
இறை---சுவாசம்

Namasivayam Mu wrote:அண்டத்தில் உள்ளது பிண்டத்தில்  என்பார்கள்.பொதுவாக அண்டம் என்றால் இந்த பிரபஞ்சத்தையும் , பிண்டம் என்றால் நமது உடலையும் கூறுவார்கள். ஆனால் அண்டத்தில் அண்டம், அண்டத்தில் பிண்டம், பிண்டத்தில் அண்டம், பிண்டத்தில் பிண்டம் உள்ளன. நமது உடலில் பிண்டத்தில் பிண்டம் நமது கழுத்துக்கு கீழ் உள்ள பகுதி ஆகும். பிண்டத்தில் அண்டம் கழுத்துக்கு மேல் உள்ள தலை பகுதி ஆகும். அண்டத்திற்கும் பிண்டதிற்கும் இடையில் கண்டம் உள்ளது.

அதே போல் அண்டத்தில் அண்டம் ஆகாயம் ஆகும்.அண்டத்தில் பிண்டம் நமது பூமி மற்ற சூரிய, சந்திர, நட்சத்திரங்கள் ஆகும். அந்த ஆகாயத்தில் சூரியனைப் போல் பல்லாயிரக்கணக்கான சூரியர்கள் உள்ளார்கள். அண்டத்தில் உள்ள  வேறுபட்ட நட்சத்திரங்களைப் போலவே பிண்டமாகிய உடலும்  பல்வேறுபட்ட  உறுப்புகளையும்  செல்களையும்  கொண்டுள்ளன.

பஞ்ச பூதங்கள் எனப்படுபவை,
நீர்
நெருப்பு
காற்று
நிலம்
ஆகாயம்
ஆகிய ஐந்தாகும். இவைகளைக் கொண்டு தான் இந்த உலகம் இயங்கிக் கொண்டு இருக்கின்றது .பஞ்சபூதங்கள்  அண்டத்திலும் பிண்டத்திலும் இயற்கையாகவே ஒருசேர  அமையப் பெற்றிருப்பதால்  அண்டமும் பிண்டமும்  ஒன்றினுள் ஒன்று அடக்கம்  ஆகிறது.



வேதங்கள் ஆட மிகுஆகமம் ஆடக்
     கீதங்கள் ஆடக் கிளறண்டம் எழாடப்
     பூதங்கள் ஆடப் புவனம் முழுதாட
     நாதங் கொண்டாடினான் ஞானானந்த கூத்தே— திருமந்திரம்

அண்டத்துக்கும்  பிண்டத்துக்கும்  உள்ள தொடர்பை திருமூலரின் இப்பாடல்
தெளிவாகப் புலப்படுத்துகிறது. இங்கே கூத்து என்பது  நடனம். அதாவது பிரபஞ்ச இயக்கம். உடல் இயக்கத்துக்கு  அடிப்படையானது கூத்தாகிய சுவாசம் பிரபஞ்ச சுழற்சியும்  உடல் இயக்க சுழற்சியும்  கூத்தாகிய தாண்டவம் ஆகும் என்பது திருமூலர் கருத்து.

மேற்கோள் செய்த பதிவு: 1162800
நேற்று இதை நான் சித்தர் பாடல்களில் பதிவு செய்தேன்.

Namasivayam Mu wrote:திருமூலர்  சிவதாண்டவத்தின்  வடிவினை திருவம்பலச்சக்கரத்தின் மூலமாக வெளிப்படுத்து கிறார். பிரபஞ்சம் இயங்குவதற்கு  அடிப்படையில் இருவிசைகள் தேவைப்படுகின்றன . அவை ஒன்று நேர்விசை மற்றொன்று எதிர்விசை. இதனைப் பின்வரும் பாடல்களில் பிரிபாஷையில் தெரிவித்துள்ளார்



இருந்த இவ் வட்டங்கள் ஈராறு இரேகை
இருந்த இரேகைமேல் ஈராறு இருத்தி
இருந்த மனைகளும் ஈராறு பத்து ஒன்று
இருந்த மனை ஒன்றில் எய்துவன் தானே.—திருமந்திரம்



தான் ஒன்றி வாழ் இடம் தன் எழுத்தே ஆகும்/  
     தான் ஒன்றும் அந்நான்கும் தன் பேர் எழுத்து ஆகும்/
  தான் ஒன்றும் நாற்கோணம் தன் ஐந்து எழுத்தாகும்/  
  தான் ஒன்றிலே ஒன்றும் அவ் அரண்தானே---திருமந்திரம்

மேற்கண்ட பாடல்களை பின் வரும்   காட்சிப் படமாக
விளக்க முற்பட்டுள்ளேன். இச்சக்கரத்தில்  நேர்விசையாக + குறியீடும் எதிர்விசையாக x  குறியீடும்  கொடுக்கப்பட்டுள்ளது. நேர்விசை சிவமாகவும் எதிர்விசை சக்தியாகவும் பொருள் கொள்ள வேண்டும்
தெரிந்தோ தெரியாமலோ  ஆங்கிலேயர்கள்  இந்த சக்கரத்தினை தமது தேசியக் கொடியில் வைத்து உலக மெல்லாம்  ஆண்டனர்.

மேற்கோள் செய்த பதிவு: 1162432
நேர்விசை சிவனாகவும்

எதிர்விசை சக்தியாகவும்

மற்றும் ஆங்கிலேயர் இந்த சக்கிரத்தை கொடியில் அமைத்ததையும் பதிவு செய்தமைக்கு நன்றி.

Namasivayam Mu wrote:சிவானந்தக் கூத்து



தேவர் சுரர் நரர் சித்தர் வித்தியாதரர்
மூவர்கள் ஆதியின் முப்பத்து மூவர்கள்
தாபதர் சத்தர் சமயம் சராசரம்
யாவையும் ஆடிடும் எம்மிறை யாடவே----திருமந்திரம்

***
இறை---சுவாசம்

மேற்கோள் செய்த பதிவு: 1168987

அருமை நன்றி.

பழ.முத்துராமலிங்கம் பதிவு செய்த கருத்துக்களுக்கு நன்றி

அருமை சிவ தாண்டவ விளக்கம்.

தென்னாடுடைய சிவனே போற்றி!
எந்நாட்டவர்க்கும் இறைவா போற்றி!!

விமந்தனி wrote:அருமை சிவ தாண்டவ விளக்கம்.

தென்னாடுடைய சிவனே போற்றி!
எந்நாட்டவர்க்கும் இறைவா போற்றி!!

மேற்கோள் செய்த பதிவு: 1169010

வாழ்க வளமுடன்

சுந்தரக் கூத்து


பரமாண்டத் தூடே பராசக்தி பாதம்
பரமாண்டத் தூடே படரொளி ஈசன்
பரமாண்டத் தூடே படர்தரு நாதம்
பரமாண்டத் தூடே பரன்நடம் ஆடுமே---திருமந்திரம்

பிரபஞ்சத்தில்  ஒவ்வொரு அணுவிலும்
பராசக்தியின் மற்றொரு வடிவமாகிய ஆதிசக்தியை
தனது திருவடியாகக் கொண்டு
பேரொளி வடிவினனாகிய சிவன்
நாதவடிவில்  ஆடுகின்றான்

பாதம் உருவாய் தோன்றும்
ஒளி  அருவுருவாய்  விளங்கும்
நாதம் அருவமாய் நிற்கும்
அண்டத்தில் பொருள்கள் எல்லாம் தம்முள்
சக்தி ஒன்றாய் நிற்கப்பெற்றவை.
உயிர்கள் எல்லாம் தமது அறிவுக்கு அறிவாய்
சிவம் தமக்குள் நிற்கப்பெற்றவை
பக்குவமுற்ற ஆன்மா சிவத்தை தன்னுள் பேரொளியாக  தரிசிக்கும்.
அது சிவத்தை சொரூபத் திருமேனியாகவும் நாதமாக எங்கும் வியாபித்து
இருத்தலையும் உணரும். இவ்வியாபகத்தை திருமூலர் படர்தரு நாதம் என்றார்
உருவாய் நிற்பது சக்தி
அருவுருவாய் வியாபிப்பது சிவம்

பொற்பதிக் கூத்து



தெற்கு வடக்கு கிழக்கு மேற்கு உச்சியில்
அற்புதமானது ஓர் அஞ்சு முகத்திலும்
ஒப்பில் பேரின்பத்து உபய உபயத்துள்
தற்பரன் நின்று தனி நடம் செய்யுமே ----திருமந்திரம்

தற்பரம் பொருள் ஆகிய சிவபெருமான்,உருவம்,அருவம்,அருவுருவம்
ஆகிய திருமேனிகளை தாங்கிஅருட்செயல் புரிவான்.அருவுருவம் ஆகிய சிவலிங்கத் திருமேனி நான்கு திசைகளுக்கும் மேற்பக்கத்திற்கும் ஒவ்வொரு முகமாக ஐந்து முகம் கொண்டது. ஐந்து முகங்களும் ஐந்தொழில்களை அருளும்.