சிறப்பான சிற்றுண்டி இட்லி

**ayyasamy ram** · **ayyasamy ram** Fri Aug 28, 2015 9:04 am

First topic message reminder :

காலையில் சாப்பிடும் உணவுகளில் தென்னிந்திய உணவான இட்லிதான் சிறந்த உணவு என அண்மைய ஆய்வு ஒன்று கூறுகிறது. காலையில் சாப்பிடப்படும் மற்ற உணவுகளைக் காட்டிலும் பன்மடங்கு சத்து இட்லியில் உள்ளது என்கிறது அந்த ஆய்வு.

அரிசி மற்றும் உளுத்தம் பருப்பை ஊற வைத்து அரைத்து புளிக்கச்செய்து பின் ஆவியில் வேக வைத்துச் சாப்பிடுவதால், இதில் கார்போஹைட்ரேட் மற்றும் புரோட்டீன் அதிகம் உள்ளது. மேலும் இதில் நார்ச்சத்து அதிகமாகவும் குளுட்டன் இல்லாமலும் உள்ளது. இட்லி மாவை நொதிக்க வைக்கும் முறையினால் அதில் புரதங்களின் இருப்புத் தன்மை அதிகமாகும். மேலும் ‘வைட்டமின் பி’ சத்தின் அளவு அதிகம் இருக்கும்.

இட்லியில் உடலுக்கு வலுதரும் உளுத்தம் பருப்பு சேர்க்கப்படுவதால் இதை நாள்தோறும் காலை உணவாக உண்பவர்கள் சுறுசுறுப்புடனும் களைப் பின்றியும் செயல்பட முடியுமாம். ஆவியில் வேக வைக்கும் முறையில் சமைக்கப்படும் இட்லியில் கொழுப்புகள் சுத்தமாக இருக்காது. இதனால் உடலில் தேவையற்ற கொழுப்புகள் சேர்வதைத் தடுக்கலாம்.

**மாணிக்கம் நடேசன்** · 14/12/2009

காஞ்சிபுரம் இட்டிலி செய்வது எப்படி என்று கொஞ்சம் சொல்லுங்கள் ஐயா.

mbalasaravanan · mbalasaravanan Thu Sep 10, 2015 2:53 pm

சில எடை குறைப்பு மருந்து விற்பனையாளர்கள் நம் உணவை தவறாக சொல்கிறார்கள் ஆனால் உணவே மருந்தென வாழ்ந்தவர்கள் நாம் என்பதற்கு எடுத்துக் காட்டு தான் இட்லி

**krishnaamma** · **krishnaamma** Mon Sep 14, 2015 1:49 am

மாணிக்கம் நடேசன் wrote:காஞ்சிபுரம் இட்டிலி செய்வது எப்படி என்று கொஞ்சம் சொல்லுங்கள் ஐயா.

மேற்கோள் செய்த பதிவு: 1161709

நான் குறிப்பு போட்டிருக்கேனே மாமா, இன்று கூட எங்காத்தில் அது தான்....... புன்னகை

**krishnaamma** · **krishnaamma** Mon Sep 14, 2015 1:53 am

Namasivayam Mu wrote:
krishnaamma wrote:
shobana sahas wrote:
கவிதை அருமை அய்யா .
அய்யா , 10...15 சாப்பிட்ட காலம் எல்லாம் போச்சு அய்யா . இப்போ 2 தான் .
அய்யா, நல்லெண்ணெய் , இட்லி பொடி பற்றியும் ஒரு வரி நீங்கள் எழுதி இருக்கலாம் . ம்ம்ம்ம். அருமை நினைத்து பார்பதற்கே . ஐ .ராம் அய்யா படமும் போட்டு இருப்பார் என்று நினைத்து வந்தேன் ...
மேற்கோள் செய்த பதிவு: 1159464

அதற்கு எதற்கு வருத்தம் ஷோபனா ...இதோ பாருங்கள் இட்டிலி மிளகாய் பொடி, ரவா இட்லி

மேற்கோள் செய்த பதிவு: 1159569

ஆகா அருமை

மேற்கோள் செய்த பதிவு: 1161705

மிக்க நன்றி ஐயா புன்னகை

....நீங்கள் என்னுடைய 'கிருஷ்ணாம்மாவின் சமையல்' பக்கத்தை பாருங்களேன் புன்னகை

**krishnaamma** · **krishnaamma** Mon Sep 14, 2015 10:06 am

மாணிக்கம் நடேசன் wrote:காஞ்சிபுரம் இட்டிலி செய்வது எப்படி என்று கொஞ்சம் சொல்லுங்கள் ஐயா.

மேற்கோள் செய்த பதிவு: 1161709

இதோ அந்தந போட்டோ மற்றும் குறிப்பு மாமா புன்னகை

பொதுவாக நான் இட்லி தட்டிலேயே செய்து விடுவேன், நேற்று 'அஞ்சறைப்பெட்டி' இல் விட்டு செய்தேன் புன்னகை

சிறப்பான சிற்றுண்டி இட்லி - Page 2 U5h8YLAZRGC2WjTo0dIB+IMG-20150912-WA0055

காஞ்சிபுரம் இட்லி அதாவது குடலை இட்லி - இது காஞ்சிபுரம் கோவிலில் செய்வது; ரொம்ப நல்லா இருக்கும். ஒரு முறை முயன்று பாருங்கள் புன்னகை

தேவையானவை:

அரிசி 1 கப்
உளுத்தம் பருப்பு 3/4 கப் ( சமயத்தில் அரிசிக்கு சமமாகவும் உளுந்து போடுவோம் )
மிளகு 1 டீ ஸ்பூன் உடைக்கவும்
சீரகம் 1 டீ ஸ்பூன் உடைக்கவும்
சுக்கு பொடி 1/2 டீ ஸ்பூன்
பெருங்காயப்பொடி 1/4 டீ ஸ்பூன்
நெய்
உப்பு
கறிவேப்பிலை

செய்முறை :

அரிசி உளுந்து இரண்டையும் ஒன்றாகவே நனைத்து ஒன்றாகவே அரைக்கணும்.
ஒரு... ஒரு மணி ஊறினால் போறும்.
கொஞ்சம் 'கர கர' பாக அரைக்கணும் .
இந்த இட்லிக்கு அரைப்பது தான் ரொம்ப முக்கியம்.
உப்பு போட்ட கரைத்து அப்படியே ஒரு 12 மணிநேரம் வைக்கணும்.
மறுநாள் காலை, நெய்யை உருக்கி மாவில் விட்டு நன்கு கலக்கவும்.
மேலும் அதில் உடைத்த மிளகு, சீரகம், சுக்கு பொடி, பெருங்காயப்பொடி மட்டும் கறிவேப்பிலை போட்டு நன்கு கலக்கவும்.
மாவு இட்லி மாவு பதத்தில் இருக்கணும்.
பிறகு எண்ணெய் தடவிய இட்லி தட்டுகளில் மாவை விட்டு இட்லி செய்யவும்.
சுவையான 'காஞ்சிபுரம் இட்லி' தயார் .
தொட்டுக்கொள்ள ஏதும் வேண்டாம் வெறுமனவே சாப்பிடலாம் நல்லா இருக்கும்.
வேண்டுமானால் தோசைமிளகாய் பொடி நல்லா இருக்கும்.
இட்லி மேல நல்லெண்ணெய் விட்டு கொண்டும் சாப்பிடலாம்.

குறிப்பு : சாதாரணமாக இந்த 'குடலை இட்லி' என்பதை இலைகளில் தான் செய்வா புன்னகை நாங்கள் வீடுகளில் செய்யும் போது சின்ன சின்ன கிண்ணிகள் அல்லது தம்ளர்களில் செய்வோம். இப்போவெல்லாம் இட்லி தட்டிலே செய்கிறோம். ஏன் என்றால், அப்படி வைக்கும் போது வேக ரொம்ப நாழி ஆகிறது புன்னகை நீங்க வேண்டுமானால் குட்டி குட்டி கணினிகளில் எண்ணெய் தடவிவிட்டு மாவை விட்டு இட்லி பண்ணலாம்

**மாணிக்கம் நடேசன்** · 14/12/2009

இறக்குமதி செய்து கொண்டேன், மிக்க நன்றி அக்கா.

**krishnaamma** · **krishnaamma** Mon Sep 14, 2015 10:40 pm

மாணிக்கம் நடேசன் wrote:இறக்குமதி செய்து கொண்டேன், மிக்க நன்றி அக்கா.

மேற்கோள் செய்த பதிவு: 1162442

நல்லது மாமா.....செய்து பாருங்கள் அருமையாக இருக்கும் புன்னகை

..................... :நல்வரவு:

Sponsored content · Sponsored content

சிறப்பான சிற்றுண்டி இட்லி

சிறப்பான சிற்றுண்டி இட்லி

Re: சிறப்பான சிற்றுண்டி இட்லி

Re: சிறப்பான சிற்றுண்டி இட்லி

Re: சிறப்பான சிற்றுண்டி இட்லி

Re: சிறப்பான சிற்றுண்டி இட்லி

Re: சிறப்பான சிற்றுண்டி இட்லி

Re: சிறப்பான சிற்றுண்டி இட்லி

Re: சிறப்பான சிற்றுண்டி இட்லி

Re: சிறப்பான சிற்றுண்டி இட்லி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக