40 கிலோமீட்டர் தூரத்திற்கு சாலை அமைத்த ‘மலை மனிதர்’

**ayyasamy ram** · **ayyasamy ram** Fri Aug 28, 2015 7:59 am

-

தனியொரு ஆளாக, 22 ஆண்டுகளாக 25 அடி உயரத்திற்கு
மலையைக் குடைந்து 360 அடி நீளம், 30 அடி அகலத்திற்குச்
சாலை அமைத்த ‘மலை மனிதர்’ என அழைக்கப்படும்
பீகார் மாநிலத்தின் தஸ்ரத் மாஞ்சியைச் சிறப்பிக்கும்
விதமாக அவரது உருவம் பொறித்த அஞ்சல் தலை
வெளியிடப்படும் என இரு நாட்களுக்கு முன் இந்திய அரசு
அறிவித்தது.
–
இந்நிலையில், மகாராஷ்டிராவின் அகமது நகரைச் சேர்ந்த
இன்னொரு ‘மலை மனிதரின்’ தன்னலமற்ற கடும்
உழைப்பும் வெளிச்சத்திற்கு வந்துள்ளது. அகமது நகரின்
குண்டேகாவ் கிராமத்தைச் சேர்ந்த ராஜாராம் பாப்கர்,
84 (படம்), என்ற அந்த ஓய்வு பெற்ற ஆசிரியர், கடந்த
57 ஆண்டு களாக ஏழு மலைகளைக் குடைந்து 40 கிலோ
மீட்டர் தூரத்திற்குச் சாலை அமைத்துத் தந்துள்ளார்.
–
—————————————
தமிழ்முரசு, சிங்கப்பூர்