மலேசிய ரிங்கிட் வரலாற்றில் இல்லாத அளவு கடும் சரிவு!

**சிவா** · **சிவா** Wed Aug 26, 2015 2:03 am

கோலாலம்பூர் – வரலாற்றில் இல்லாத அளவிற்கு சந்தையில் இன்று அமெரிக்க டாலருக்கு நிகரான மலேசிய ரிங்கிட்டின் மதிப்பு கடும் வீழ்ச்சியை சந்தித்துள்ளதாக ப்ளூம்பெர்க் (Bloomberg) இணையதளம் தகவல் வெளியிட்டுள்ளது.

இன்று காலை நிலவரப்படி, ஓர் அமெரிக்க டாலருக்கு, 0.9 சதவிகிதம் வீழ்ச்சியடைந்த மலேசிய ரிங்கிட்டின் மதிப்பு 4.24 ஆகப் பதிவானது. 17 வருடங்களுக்குப் பிறகு மலேசிய ரிங்கிட் சந்திக்கும் மிகப் பெரிய வீழ்ச்சி இது எனக் கூறப்படுகின்றது.

கடந்த 1997-ம் ஆண்டு மலேசிய ரிங்கிட் மிகப் பெரிய வீழ்ச்சியை சந்தித்தது. அதன் பிறகு தற்போது அதைவிடக் கடுமையாக மலேசிய ரிங்கிட் சரிந்துள்ளது குறிப்பிடத்தக்கது.

அதேவேளையில், சிங்கப்பூர் டாலருக்கு நிகரான மலேசிய ரிங்கிட்டின் மதிப்பு தொடர்ந்து சரிந்து வருகின்றது.

மலேசிய ரிங்கிட் தொடர் வீழ்ச்சி: 1அமெரிக்க டாலருக்கு 4.26 ரிங்கிட்டாகப் பதிவு!

இன்று ஒரு சிங்கப்பூர் டாலருக்கு நிகரான மலேசிய ரிங்கிட்டின் மதிப்பு 3.0049 ரிங்கிட் எனப் பதிவாகி சரிவைக் கண்டுள்ளது குறிப்பிடத்தக்கது.

கோலாலம்பூர் – உலக சந்தையில் தொடர்ந்து வீழ்ச்சியை சந்தித்து வரும் மலேசிய ரிங்கிட்டின் மதிப்பு, இன்று காலை மேலும் சில புள்ளிகள் சரிந்து, அமெரிக்க டாலர் ஒன்றுக்கு 4.2610 / 2660 என்ற நிலையில் பதிவாகியுள்ளது.

நேற்று மாலை 5 மணி நிலவரப்படி 4.2475 / 0415 ஆக இருந்த ரிங்கிட் இன்று மேலும் சரிவை சந்தித்துள்ளது.

அதேவேளையில், சிங்கப்பூருக்கு நிகரான மலேசிய ரிங்கிட்டின் மதிப்பு இன்று காலை நிலவரப்படி, 1 சிங்கப்பூர் டாலருக்கு 3.03 ரிங்கிட்டாகப் பதிவாகியுள்ளது.