நெல்லுக்கு வேலியிட்ட திருவிளையாடல்..!

-

திருநெல்வேலியில் ஒரு தடவை பன்னிரண்டாண்டு
காலம் மழையின்மையால் நாட்டில் கடுமையான
பஞ்சம் ஏற்பட்டது. மக்கள் பசியால் வாடித் துன்புற்று
துயருற்றனர். பசியால் பலர் உயிரிழந்தனர்.

வேதசன்மா என்னும் சிவமறையோன். நாம் இருக்கும்
நெல்லை நகர் வருவாராயின் துயர் நீங்கும் என
சிவபெருமான் அருள் செய்தார்.

இதனால் வேத சன்மா இறைவன் பாதம் போற்றித்
தொண்டு செய்வதற்கு நெல்லைநகர் வந்து சேர்ந்தான்.
வற்றாது வளம் கொழிக்கச் செய்யும் சீவந்தி
பொருநையில் நீராடி நெல்லையப்பரை வணங்கி நிற்க
இறைவன் அவருக்கு நிறையவே செல்வங்களை
வழங்கினார்.

அது முதல் அவன் இறைவன் வழங்கிய செல்வங்களைக்
கொண்டு தினமும் செந்நெல் அறுத்துச் சிவபெருமானுக்கு
அமுதாக்கி பூசை செய்து வந்தார். பஞ்சகாலத்தில்
இறைவன் வேதசன்மாவின் பக்தியை சோதிக்க எண்ணி
தாம் அளித்த செல்வத்தை குறைவுறச் செய்தார்.

நாளடைவில் பூசைக்கு ஏதுமில்லா நிலைக்கு ஆளான
வேதசன்மா இறைவனை வேண்டி மழை பொழிந்து
அருள்புரியுமாறு வேண்டினார். இறைவனுக்கு அமுது
படைக்க வேண்டிய நெல்லை சந்நிதி முன் உலரப்
போட்டுவிட்டு பொருநையை நோக்கி நீராட சென்றார்.

அது சமயம் இறைவன் திரு அருளால் மேகம் திரண்டது
மழை பொழிந்தது. நீராடி கொண்டிருந்த வேதசன்மா
இறைவன் அமுதுக்கு உலர்த்திய நெல் என்ன ஆயிற்றோ
எனக் கலங்கி நெல்லை வெள்ளம் கொண்டு சென்றால்
என்ன செய்வது இறைவன் பசித்திருப்பாரே
வீடு வீடாகச் சென்று சேகரித்த நெல் இதனை இழந்தால்
வேறு நெல்லும் இல்லையே எனச் சிந்தித்து மனம்கலங்கி
ஆலயத்தில் நுழைந்தார்.

அப்பொழுது தாம் உலர்த்திய நெல்லைச் சுற்றி மாரிநீரே
உயர்ந்து வேலியாகக் காத்து நிற்பதையும் நடுவே வெயில்
காய்வதையும் கண்டு அதிசயித்து பாண்டிய மன்னனிடம்
சென்று கூறினான்.

மன்னன் அதை கண்டு அதிசயித்து வேணுவன நாதர்
தாள் பணிந்து உலகுக்காக மழை பெய்வித்து நெல்
மட்டிலும் நனையாது காத்த பரம்பொருளே
உனதுபெயர் இன்று முதல் நெல்வேலி நாதரென்று
வழங்குவதாக என்று வேண்டினான்.

அது முதல் வேணுவன நாதர் திருப்பெயர் நெல்வேலிநாதர்
எனவும் வழங்கலாயிற்று.

இத்திருவிளையாடல் தை மாதம் பூச விழாவில் நான்காம்
திருநாளன்று நடைபெற்று வருகின்றது.
–
—————————————-
நன்றி- மாலை மலர்

நல்ல பகிர்வு ராம் அண்ணா

அருமை அய்யா. நன்றி .