ஸ்ரீதேவிதான் ரோல் மாடல்!

சின்னத்திரையில் அழகான நாயகியாக நடிபபவர்கள்தான்
பேர்வாங்கமுடியும் என்ற கருத்தை மாற்றி பெரும்பாலான
டி.வி. ரசிகர்களின் பராட்டைப் பெற்றவர் கிருத்திகா.
–
இவர் “கேளடி கண்மணி’ தொடரில் மூளை வளர்ச்சி இல்லாத
பெண்ணாக மாயா கேரக்டரில் நடிக்கிறார். “இந்த துணிச்சல்
எப்படி வந்தது?’ அவரிடமே கேட்டோம்.

“வழக்கமான கேரக்டரில்தோன்றுவது பத்தோடு ஒன்று
பதினொன்றாகப் போய்விடும். இதுமாதிரி சேலஞ்சிங்
கேரக்டரில் நடித்ததால்தான் தனித்துத் தெரிகிறேன். இதில்
ஒரு ஆபத்தும் உள்ளது. அடுத்தடுத்து இதேமாதிரி கேரக்டரில்
முத்திரை குத்த வாய்ப்பிருக்கிறது.

அது சினிமாவில் அதிகம். சின்னத் திரையில் குறைவாக
இருக்கும்’ என்ற நம்பிக்கையில் நடித்தேன்.

இந்தக் கேரக்டரில் நடிப்பதால் ஏதாவது பாதிப்பு ஏற்பட்டதா?

இந்தச் சீரியலில் ஏழு வயது பெண்ணாக வெகுளித்தனமாக
நடிப்பதில் சில பாதிப்புகள் உண்டு. ஷூட்டிங் முடிந்தும் சக
நடிகர் – நடிகைகளிடம் பேசும்போது தவறி அப்படியே
பேசியுள்ளேன். சமயத்தில் அவர்கள் திகைத்துப் போனாலும்
நான் சமாளித்துவிடுவேன்.

வீட்டில் சில சமயம் என் கணவருடன் பேசும்போது என்னையும்
அறியாமல் நான் கண்களை விரித்தபடி குழந்தைத்தனமாய்
பேசிவிடுவதுண்டு. என்னை கன்ட்ரோல் செய்து வருகிறேன்.

இந்தக் கேரக்டரில் நடிக்க மூளை வளர்ச்சி குன்றியவர்களைச்
சந்தித்தீர்களா?

அப்படி யாரையும் பார்க்கவில்லை. இதற்கு நான் பயிற்சி
எடுத்தது ஸ்ரீதேவி நடித்த “மூன்றாம் பிறை’ படத்தைப்
பார்த்துதான். ஸ்ரீதேவியை மனத்தில் நினைத்துக் கொண்டு
என்னைத் தயார் செய்து கொண்டேன்.

டி.வி. ரசிகர்கள் மத்தியில் வரவேற்பு எப்படி?

சிலர் டைரக்டரிடம் இநத ரோலில் நடிப்பது உண்யாகவே
மூளை வளர்ச்சி குன்றிய பெண் தானா? என்று
கேட்டிருக்கிறார்கள். பொது இடங்களில் சில பெண்கள்
என்னை அடையாளர் கண்டு பார்ப்பார்கள். ஆனால் நடை,
உடையில் வித்தியாசம் தெரிவதால் பேசமாட்டார்கள்.

சரி, டி.விக்கு வந்தது எப்படி?

படிக்கும்போதே மாடலிங் செய்தேன். அப்போது தெலுங்கு
இ-டி.வி.யில் ஒரு தயாரிப்பாளர் என்னைப் பார்த்து அவரது
சீரியலில் நடிக்க அழைத்தார். அதன் பின் மூன்று தெலுங்கு
சீரியல்களில் நடித்தேன். அதன்வழி தமிழில் “கேளடி
கண்மணி’ வாய்ப்பும் வந்தது.

அடுத்து சினிமாதானே?

ஹேப்பி டேஸ் என்ற சினிமாவில் நடித்திருக்கிறேன்.
இருந்தாலும் சினிமாவைவிட டி.வி.தான் எனக்கு
விருப்பமானது. சினிமாவில் எனக்கேற்ற கேரக்டரில் நடிக்க
அழைத்தால் நடிப்பேன்.
–
——————————-

– வீ. லோகநாதன்
கல்கி