குறுந்தொகை.....தொடர் பதிவு !

சசி · சசி Sat Aug 22, 2015 8:20 am

First topic message reminder :

அருளும் அன்பும் நீக்கித் துணை துறந்து
பொருள்வயிற் பிரிவோர் உரவோர் ஆயின்,
உரவோர் உரவோர் ஆக
மடவம் ஆக மடந்தை நாமே.
கோப்பெருஞ்சோழன்

சசி · சசி Sat Jan 16, 2016 5:58 pm

M.Jagadeesan wrote:குறுந்தொகை விளக்கம் நன்று ! இடையில் என்னுடைய பணி விட்டுப் போய்விட்டது . இனி நானும் தொடர முடிவு செய்துள்ளேன் . தொடர்ந்து செய்துவரும் சசி அவர்களுக்கு நன்றி !

[You must be registered and logged in to see this link.]

நன்றி ஐயா.

**விமந்தனி** · **விமந்தனி** Sat Jan 16, 2016 9:40 pm

அருமை! அருமை!! வெகு அருமையாக இருக்கிறது!!! இலக்கிய வகுப்பிற்குள் அமர்ந்திருப்பது போல.... நான் இன்று தான் கண்டேன் இந்த திரியை. மிக அருமை...

சசி மற்றும் ஜெகதீசன் ஐயாவிற்கு நன்றிகள்.

தொடருங்கள்.

**Dr.S.Soundarapandian** · **Dr.S.Soundarapandian** Sat Jan 16, 2016 9:47 pm

சசி · சசி Sun Jan 17, 2016 7:56 pm

விமந்தனி wrote:அருமை! அருமை!! வெகு அருமையாக இருக்கிறது!!! இலக்கிய வகுப்பிற்குள் அமர்ந்திருப்பது போல.... நான் இன்று தான் கண்டேன் இந்த திரியை. மிக அருமை...

சசி மற்றும் ஜெகதீசன் ஐயாவிற்கு நன்றிகள்.

தொடருங்கள்.

[You must be registered and logged in to see this link.]

நன்றி அக்கா . தொடர்ந்து எழுத முயற்சிக்கிறேன்.

சசி · சசி Fri Jan 22, 2016 10:24 pm

144 பாலை _செவிலித்தாய் கூற்று

கழிய காவி குற்றும், கடல
வெண் தலைப் புணரி ஆடியும், நன்றே
பிரிவு இல் ஆயம் உரியது ஒன்று, அயர
இவ் வழிப் படுதலும் ஒல்லாள் அவ் வழிப்
பரல்பாற் படுப்பச் சென்றனள் மாதோ
செல் மழை தவழும் சென்னி
விண் உயர் பிறங்கல் விலங்கு மலை நாட்டே

மதுரை ஆசிரியன் கோடங் கொற்றனார்

மனதை மயக்கும் கழனியில்
காவி மலர்களை பறித்தும்
காவிய கதைகள் பேசியும்!

கடலில் மேலெழும் அலைகளின்
ஆர்வத்தினால் பொங்கும்
வெண் நுரையில்
பாதம் வைத்து பாசாங்கு
இல்லாது பாவைகளுடன்
ஓடியும் ஆடியும்
விளையாட்டில் ஈடுபாடும்
கொண்டவளும்!

தன்னில் பாதியாக கருதும்
ஆயத்தாரும் உடனிருக்க
அவள் அதிலெல்லாம்
ஆனந்தம் கொள்ளாது
மனம் செல்லாது!

விரைந்து கடந்து
செல்லும் கரிய மேகங்களை
தவழும் உச்சியை உடைய
உயர்ந்த மலைகளைக் கொண்டதும்

அந்த வெம்மை மிகுந்த பாலையின்
பாட்டையின் வழியே செல்கையில்

வழியில் பருக்கைக் கற்கள்
அவள் அழகு பாதம் தனில்
கல்லாய் முள்ளாய் குத்துகையில்
அவள் பாதம் நோக
அவனோடு சென்றாள்!

**விமந்தனி** · **விமந்தனி** Sat Jan 23, 2016 11:21 pm

வழியில் பருக்கைக் கற்கள்
அவள் அழகு பாதம் தனில்
கல்லாய் முள்ளாய் குத்துகையில்
அவள் பாதம் நோக
அவனோடு சென்றாள்!

சூப்பர் சசி!

சசி · சசி Mon Feb 22, 2016 8:37 am

குறிஞ்சி _தலைவி கூற்று பாடல் 60

குறுந் தாட் கூதளி ஆடிய நெடு வரைப்
பெருந்தேன் கண்ட இருங்கால் முடவன்,
உட்கைச் சிறு குடை கோலிக் கீழ் இருந்து,
சுட்டுபு நக்கியாங்கிக் காதலர்
நல்கார் நயவார் ஆயினும்
பல் கால் காண்டலும் உள்ளதுக்கு இனிதே.

பரணர்

உயர்ந்த மலையின் கண்
குறுகிய அடியை உடைய
கூதளஞ் செடி அசைந்தாடுகின்ற
உயர்ந்த மலையில் உள்ள
தேனடையை கண்டு

இருகாலும் இழந்தவன்
தேனடையை
உண்பதற்கு ஆசைக் கொண்டு
தன் உள்ளங்கையை
உயர்ந்த மலையின் கீழ்
அமர்ந்து கொண்டு
நாக்கால் நக்கி தேன்சுவையை
அனுபவித்தது போல!!

தன் காதலர்
கருணை கொண்டு
என்னைக் காணாமல்
சென்றாலும் நான்
அவரை காணும் போதெல்லாம்
நான் மகிழ்ச்சியில் உறைந்து
போவேன்!!

அவரை காணும் போதெல்லாம்
தேன் தருகின்ற
இன்பம் போல
காதலும் தருகின்றதே!!

ஆசிரியர் முடவனுக்கும்
ஆசைகள் உள்ளது
அவனுடைய இயலாமையை
எப்படி நிறைவேற்றுகிறான்
என்பதையும் கூறி

காதலி தன் காதலர்
தன் பிரிவிடை
ஆற்றாமையை தன் தோழிக்கு
கூறியதாகவும் உள்ள பாடல்.

சசி · சசி Mon Feb 22, 2016 4:11 pm

முடவன் கொம்பு தேனுக்கு ஆசைப்பட்ட கதை இதிலிருந்து தான் வந்திருக்கும் போல்.

**Dr.S.Soundarapandian** · **Dr.S.Soundarapandian** Mon Feb 22, 2016 6:34 pm

நன்றி சசி அவர்களே !

குறுந்தொகை ஓலைச் சுவடி , சோழவந்தான் கிண்ணிமடத்தில் இருந்ததாக ஒரு குறிப்பைப் பார்த்து அதைத் தேடினோம் ! ஆனால் சுவடித் தடத்தைக் கூடச் சோழவந்தானில் கண்டுபிடிக்கமுடியவில்லை !

சசி · சசி Mon Feb 22, 2016 9:19 pm

Dr.S.Soundarapandian wrote:நன்றி சசி அவர்களே !

குறுந்தொகை ஓலைச் சுவடி , சோழவந்தான் கிண்ணிமடத்தில் இருந்ததாக ஒரு குறிப்பைப் பார்த்து அதைத் தேடினோம் ! ஆனால் சுவடித் தடத்தைக் கூடச் சோழவந்தானில் கண்டுபிடிக்கமுடியவில்லை !

[You must be registered and logged in to see this link.]

நன்றி ஐயா. உங்கள் தேடல் வெற்றி பெற வாழ்த்துக்கள் ஐயா.தங்களுக்கு கிடைத்தால் எனக்கு தெரிய படுத்துங்கள் ஐயா.

Sponsored content · Sponsored content

குறுந்தொகை.....தொடர் பதிவு !

குறுந்தொகை.....தொடர் பதிவு !

Re: குறுந்தொகை.....தொடர் பதிவு !

Re: குறுந்தொகை.....தொடர் பதிவு !

Re: குறுந்தொகை.....தொடர் பதிவு !

Re: குறுந்தொகை.....தொடர் பதிவு !

Re: குறுந்தொகை.....தொடர் பதிவு !

Re: குறுந்தொகை.....தொடர் பதிவு !

Re: குறுந்தொகை.....தொடர் பதிவு !

Re: குறுந்தொகை.....தொடர் பதிவு !

Re: குறுந்தொகை.....தொடர் பதிவு !

Re: குறுந்தொகை.....தொடர் பதிவு !

Re: குறுந்தொகை.....தொடர் பதிவு !

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக