குறுந்தொகை.....தொடர் பதிவு !

சசி · சசி Sat Aug 22, 2015 8:20 am

First topic message reminder :

அருளும் அன்பும் நீக்கித் துணை துறந்து
பொருள்வயிற் பிரிவோர் உரவோர் ஆயின்,
உரவோர் உரவோர் ஆக
மடவம் ஆக மடந்தை நாமே.
கோப்பெருஞ்சோழன்

**M.Jagadeesan** · **M.Jagadeesan** Fri Aug 28, 2015 11:58 am

நெருப்பின் அன்ன செந்தலை அன்றில்
இறவின் அன்ன கொடு வாய்ப் பெடையொடு
தடவின் ஓங்கு சினைக் கட்சியில் பிரிந்தோர்
கையற நரலும் நள்ளென் யாமத்துப்
பெருந் தண் வாடையும் வாரார்
இஃதோ தோழி! நம் காதலர் வரவே
...................மதுரை மருதன் இள நாகனார்

தோழி : பிரிந்து சென்ற உந்தன் தலைவன்
..............திரும்ப வந்துன் கரம் பிடித்துத்
..............திருமணம் செய்வான் கவலற்க பெண்ணே !

தலைவி : வரவேண்டிய காலத்து வாராத தலைவன்
...............வருவான் எனநான் எப்படி நம்புவேன் ?
...............நெருப்பைப் போல சிவந்த செந்தலை
...............கொண்ட அழகிய அன்றில் பறவை
...............இறால் மீனின் வடிவம் போல
...............வளைந்த மூக்கைக் கொண்ட துனையொடு
...............தடா மரத்தின் உயர்ந்த கிளையில்
...............கட்டிய கூட்டின் உள்ளே அமர்ந்து
...............விடாது ஒலிக்கும் இரவிடை யாமத்தும்
...............வாடைக் காற்று வீசி எம்மை
...............வருத்தும் இந்த கூதிர் காலத்தும்
...............வாராத தலைவன் வந்து எம்மை
...............வரைவு செய்வான் என்பது எங்ஙனம் ?

இந்த பதிவைத் துவங்கியவர் நன்றி கூறியுள்ளார் M.Jagadeesan

**ayyasamy ram** · **ayyasamy ram** Fri Aug 28, 2015 12:23 pm

குறுந்தொகை.....தொடர் பதிவு ! - Page 4 3838410834

**krishnaamma** · **krishnaamma** Fri Aug 28, 2015 2:47 pm

**M.Jagadeesan** · **M.Jagadeesan** Fri Aug 28, 2015 9:21 pm

யாயும் ஞாயும் யார் ஆகியரோ
எந்தையும் நுந்தையும் எம்முறைக் கேளிர்
யானும் நீயும் எவ்வழி அறிதும்
செம்புலப் பெயல்நீர் போல
அன்புடை நெஞ்சம் தாம் கலந்தனவே .

..............................செம்புலப் பெயல் நீரார் .

நான் யாரோ ? நீ யாரோ ?
உன்னை நானும் , என்னை நீயும்
கண்டதும் இல்லை ! கேட்டதும் இல்லை !

நம்முடைய பெற்றோர் யார்யாரோ ?
சொந்தமும் இல்லை ! பந்தமும் இல்லை !

உன்னை முதன்முதலாகப் பார்த்த நாளில்
கண்கள் கலந்தன ! காதல் பிறந்தது !
தேசங்கள் மறந்தோம் ! மொழிகள் மறந்தோம் !
மதங்கள் மறந்தோம் ! சாதிகள் மறந்தோம் !
செம்மண்ணில் பெய்த மழைநீர் தானும்
செந்நிறம் பெற்றுக் திகழ்வது போல
இருவர் மனமும் இரண்டறக் கலந்ததே !

குறிப்பு : இப்பாடலின் ஆசிரியர் பெயர் தெரியவில்லை . பாடலில் வரும் " செம்புலப் பெயல்நீர் " என்ற சொற்களே ஆசிரியர் பெயராயிற்று .
இப்பாடல் மூலமாக அக்காலத்தில் சொந்தங்களில் திருமணம் நடைபெறவில்லை என்பதையும் அறிகிறோம் .

shobana sahas · shobana sahas Sat Aug 29, 2015 1:43 am

M.Jagadeesan wrote:யாயும் ஞாயும் யார் ஆகியரோ
எந்தையும் நுந்தையும் எம்முறைக் கேளிர்
யானும் நீயும் எவ்வழி அறிதும்
செம்புலப் பெயல்நீர் போல
அன்புடை நெஞ்சம் தாம் கலந்தனவே .

..............................செம்புலப் பெயல் நீரார் .

நான் யாரோ ? நீ யாரோ ?
உன்னை நானும் , என்னை நீயும்
கண்டதும் இல்லை ! கேட்டதும் இல்லை !

நம்முடைய பெற்றோர் யார்யாரோ ?
சொந்தமும் இல்லை ! பந்தமும் இல்லை !

உன்னை முதன்முதலாகப் பார்த்த நாளில்
கண்கள் கலந்தன ! காதல் பிறந்தது !
தேசங்கள் மறந்தோம் ! மொழிகள் மறந்தோம் !
மதங்கள் மறந்தோம் ! சாதிகள் மறந்தோம் !
செம்மண்ணில் பெய்த மழைநீர் தானும்
செந்நிறம் பெற்றுக் திகழ்வது போல
இருவர் மனமும் இரண்டறக் கலந்ததே !

குறிப்பு : இப்பாடலின் ஆசிரியர் பெயர் தெரியவில்லை . பாடலில் வரும் " செம்புலப் பெயல்நீர் " என்ற சொற்களே ஆசிரியர் பெயராயிற்று .
இப்பாடல் மூலமாக அக்காலத்தில் சொந்தங்களில் திருமணம் நடைபெறவில்லை என்பதையும் அறிகிறோம் .

[You must be registered and logged in to see this link.]

இந்த பாடலை தான் "இருவர்" படத்தில் "நறுமுகையே நறுமுகையே " என்று திரு . வைரமுத்து கொஞ்சம் மாற்றி எழுதியிருப்பார் .
நல்ல விளக்கம் ஜெகதீசன் அய்யா . நன்றி . மூளைக்குணவு திரியில் புதிர் போடுங்கள் அய்யா . ஆவலுடன் எதிர்பார்கிறேன் .

சசி · சசி Sat Aug 29, 2015 8:37 am

ஆடு அமை புரையும் வனப்பின் பணைத் தோள்
பேர் அமர்க் கண்ணி இருந்த ஊரே
நெடுஞ் சேண் ஆர் இடையதுவே நெஞ்சே,
ஈரம் பட்ட செவ்விப் பைம் புனத்து
ஓர் ஏர் உழவன் போலப்
பெரு விதுப்பு உற்றன்றால் நோகோ யானே.

ஓரேருழவனார்

அழகாய் காற்றில் அசையும்
மூங்கிலை ஒத்த அழகை உடையவளே!!

உன் வனப்பினால் பருத்த தோள்களை உடையவளே!
உன் கூரிய கரிய விழிகளால் காதல் யுத்தம் செய்கிறவளே!

நீயோ அரியவளாய் இருக்கிறாய்
நீ இருக்கும் இடமோஅரியதர்க்கு அரிய இடத்தில் இருக்கிறது!

ஒற்றை ஏர் உடைய உழவன் பருவத்தே உழுவதற்க்கு விரைதலை போல!

என் நெஞ்சமானது உன்னை எண்ணி
உரிய பருவத்தே கண்டு களித்திட துடிக்கிறது!

பல ஏருடையவன் பிறருடைய உதவி கொண்டு காலத்தே உழுது விடுவான்
ஓர் ஏருடையவன் அவ்வோரேரைக் கொண்டுதான் உழ வேண்டியவனாகிறான்!

அதே போல என் வாலிப பருவம் உன்னை பருவத்தே கண்டு களித்திட முடியாமல் யான் வருந்துகிறேன்!!

**M.Jagadeesan** · **M.Jagadeesan** Sat Aug 29, 2015 9:45 am

மிகவும் நன்று !

சசி · சசி Sat Aug 29, 2015 10:25 am

நன்றி ஐயா

Namasivayam Mu · Namasivayam Mu Sat Aug 29, 2015 12:09 pm

Sasiiniyan Sasikaladevi wrote:அன்பையும் அருளையும்
பொழியும் கணவர் நீர்!!

உம் மொழி கேட்காமல்
உம் கண் நோக்காமல்
என்னால் வாழ இயலாது!!

எனை பிரிந்து சென்று
பொருள்ஈட்டி வரும்
அணிகலன்களால்
எனக்கு எந்த அழகும்
சேர்ந்து விடாது!!

நீர் என்னுடன் இருந்தாலே
அத்தனை அழகையும்
ஒரு சேர பெறுவேன்!!!

உமது அன்பை பிரிந்து
வாழ
திராணியற்றவள்!!

நீர் அறிவில் சிறந்தவராக
இருந்தாலும்
பொன்னும் பொருளும்
ஈட்டுவதற்காக
எனை பிரிந்து
செல்வது அறிவீனம்!!!

உம்மை பொறுத்தவரை
நான் மடந்தையே!!

[You must be registered and logged in to see this link.]

Sasiiniyan Sasikaladevi wrote:அன்பையும் அருளையும்
பொழியும் கணவர் நீர்!!

உம் மொழி கேட்காமல்
உம் கண் நோக்காமல்
என்னால் வாழ இயலாது!!

எனை பிரிந்து சென்று
பொருள்ஈட்டி வரும்
அணிகலன்களால்
எனக்கு எந்த அழகும்
சேர்ந்து விடாது!!

நீர் என்னுடன் இருந்தாலே
அத்தனை அழகையும்
ஒரு சேர பெறுவேன்!!!

உமது அன்பை பிரிந்து
வாழ
திராணியற்றவள்!!

நீர் அறிவில் சிறந்தவராக
இருந்தாலும்
பொன்னும் பொருளும்
ஈட்டுவதற்காக
எனை பிரிந்து
செல்வது அறிவீனம்!!!

உம்மை பொறுத்தவரை
நான் மடந்தையே!!

[You must be registered and logged in to see this link.]
நன்று

சசி · சசி Tue Sep 01, 2015 8:31 am

கவுவக் கடு்கங்குரையள் காமர் வனப்பினள்
குவவு மென் முலையள் கொடிக் கூந்தலளே
யாங்கு மறந்து அமைகோ, யானே ஞாங்கர்க்
கடுஞ் சுரை நல் ஆன் நடுங்கு தலைக் குழவி
தாய் காண் விருப்பின் அன்ன,
சா அய் நோக்கினள் மா அருளே.

சிறைக்குடி ஆந்தையார்

Sponsored content · Sponsored content

குறுந்தொகை.....தொடர் பதிவு !

குறுந்தொகை.....தொடர் பதிவு !

Re: குறுந்தொகை.....தொடர் பதிவு !

Re: குறுந்தொகை.....தொடர் பதிவு !

Re: குறுந்தொகை.....தொடர் பதிவு !

Re: குறுந்தொகை.....தொடர் பதிவு !

Re: குறுந்தொகை.....தொடர் பதிவு !

Re: குறுந்தொகை.....தொடர் பதிவு !

Re: குறுந்தொகை.....தொடர் பதிவு !

Re: குறுந்தொகை.....தொடர் பதிவு !

Re: குறுந்தொகை.....தொடர் பதிவு !

Re: குறுந்தொகை.....தொடர் பதிவு !

Re: குறுந்தொகை.....தொடர் பதிவு !

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக