அறிமுகம்

Prabhu Ilamathi · Prabhu Ilamathi Fri Aug 21, 2015 2:43 pm

பெயர்:பிரபு இளமதி
சொந்த ஊர்:தாராபுரம்
ஆண்/பெண்:ஆண்
ஈகரையை அறிந்த விதம்:Surfing
பொழுதுபோக்கு:
தொழில்:மென்பொருள் பொறியாளர்
மேலும் என்னைப் பற்றி:
அனைவருக்கும் வணக்கம்,
எழுத்துக்களின் வன்மை சொல்லுதர்கறிய பெருஞ்செய்தி. எழுத்துகள் மிகப் பெரிய தவம். என் சிந்தையில் சினுங்குகின்ற அனைத்து சிந்தனைகளையும் சிரிக்க வைக்கவே இந்த எழுத்துகளை நான் தொழுகிறேன். தமிழின் நுட்பத்தால் தடுமாறும் பாமறத் தமிழர்களுள் நானும் ஒருவன். ற, ர கரத்தை முறைப்பதும், ழ, ல கரத்தை முரணிப்பதும் அவ்வப்போது செவ்வனே நிகழும். மனிதன் ஏதேனும் ஒரு வடிகாலைத் தேடியே அலைகின்றான், என்னைப் பொருத்த வரையில் எனது எழுத்துக்களே எனது வடிகால். என் காமத்தை, காதலை, கோபத்தை, ஏமத்தை, மோகத்தை, விரகத்தை நான் எழுதியே கரைத்துக்கொள்கிறேன். இணையத்தில் பிரசுரிக்க வேண்டும் என்பது என் எழுத்துகளை விசும்பின் கீழ் வீசப்படும் நோக்கம் அல்ல, என்னைப்போல் உணர்வுத் தழல்களிடம் வகை வகையான இவ்வுணர்வுப் பொட்டலங்கள் சென்றடைய வேண்டும் என்பதற்காகவே. தனி மனித வாழ்க்கையில் தோற்றவர்களும் தனி மனித வாழ்க்கையில் ஜெயித்துக் காட்டியவர்களும் இவ்வெழுத்துகளால் அமைதி, ஆனந்தம் கொண்டவர்களே.
என் வார்த்தை வித்தைகளை மேடையேற்றும் வண்ணம் எம் எழுத்துக்கள் துள்ளிவிளையாடும் என்றே எண்ணுகிறேன்.
எழுதுவதென்று முடிவெடுத்துவிட்டால் ஒன்றுக்கொன்று சம்பந்தம் இருக்காது என்று சொன்ன கவியரசுக் கண்ணதாசன்யே நினைவு கூற என் மனம் விரும்புகிறது. அதைப்போல்தான் நான் எழுதிய எழதப்போகின்ற அனைத்து கவிளும் கட்டுரைகளும்......

இங்கு இருக்கும் அனைத்து தமிழ் ஆர்வளர்களும் என் எழுத்தார்வத்தை ரசித்தும், அனைத்தும், திருத்தியும் என் நிம்மதியை அதிகரிக்கச் செய்வீர்கள் என்று நம்புகிறேன்.

அடியேனை தங்களுள் ஒருவனாய் ஏற்றுக்கொண்டமைக்கு நன்றிகள் பல ஆயிரம்.!!!!

**M.Jagadeesan** · **M.Jagadeesan** Fri Aug 21, 2015 2:49 pm

பிரபு இளமதியே ! வருக !

சிவனாசான் · சிவனாசான் Fri Aug 21, 2015 7:28 pm

இளமதி பிரபுவே தங்கள் வரவு நல்வரவாகட்டும். உம் படைப்பை கணினி ஈகரையில் பதிந்து பலர் அறிய செய்வாய் ..வருக வருக ஆக்கம் தருகவே .....

**T.N.Balasubramanian** · **T.N.Balasubramanian** Fri Aug 21, 2015 8:24 pm

அறிமுகத்திற்கு நன்றி , இளமதி . நல்வரவு .
உங்களை பற்றி மிகவும் அதிகமாக செய்திகள் .
நீங்கள் உங்களை பற்றி ,

தமிழின் நுட்பத்தால் தடுமாறும் பாமறத் தமிழர்களுள் நானும் ஒருவன்.

.
என்று கூறி உள்ளீர் .
பாமர தமிழன் என்று பதிவிட தவறினாலும் ,
கவிதைகள் வடிக்கும் உம்மை ,
பா மறத் தமிழன் என்றே கூறுவேன் .
ஆம் , பாக்கள் வடிக்கும் , மறத்தமிழன்
என்ற அறிமுகம் எனக் கொள்வோம் .

ரமணியன்