கடந்து செல்லும் மேகங்கள்

கவியரசன்(கவிச்சுடர்) · 16/07/2015

கோடை மழைத்துளிகள்
வானவில் பிரசவிக்க
மூன்றில் ஒரு பங்கு
மின்னலாய் அவள் வருகை

வானவில் தொட
சிறகடித்த பறவைகளாய்
மனம்
அக்குளிரிலும் எச்சில்
விழுங்க வைத்த அவள்
தேகம்

அவசரம் இன்றி அணுவணுவாய்
அவளுள் ஊடுருவும்
மழைத்துளிகள் போல் என்
கண்கள்

தொலைவிலிருக்கும் எரிமலை
போல் அவள்
மழையில் ஒரு
கதகதப்பு

அவள் பார்வை கதிர் வீச்சில்
காதலெனும்
புற்று நோய்
தொற்றுகிறது

எத்தனை தியானங்கள் செய்திருப்பேன்
ஒன்றிலும் கிட்டாத
ஒருநிலை இன்று நிகழ்கிறது
என்னுள்

சிரிப்பா அது இல்லை
விரிந்து கிடந்த என்
சிந்தனைகளை எல்லாம்
குவித்து விட்ட
குவியாடி அது

இம்மாநிலத்தில் இதுவரை
நான் காணாத
மாநிறம் அவள்

கொலுசில்லை, பொட்டில்லை
வளையலில்லை முக்கியமாய்
மெட்டி இல்லை
ஆம் அவள் நவீனத்துள்
அடைபட்ட மணமாகா தேவதைதான்

மனம் தவிக்கிறது
பச்சை குழ்ந்தை
பசிக்கழுவது போல

ஆனால் நீ வந்த
மகிழூந்தில் உன்னோடு
ஒரு நாள் செல்ல
என் ஒருமாத வருவாய்
போதாது பெண்ணே

ஈரத்துணி கொண்டு
இதுநாள் வரை வயிற்றை
இனி வயதையும்
கட்டிக்கொள்கிறேன்

**T.N.Balasubramanian** · **T.N.Balasubramanian** Mon Aug 17, 2015 4:25 pm

நன்றாக உள்ளது .

ஆனால் நீ வந்த
மகிழூந்தில் உன்னோடு
ஒரு நாள் செல்ல
என் ஒருமாத வருவாய்
போதாது பெண்ணே

ஈரத்துணி கொண்டு
இதுநாள் வரை வயிற்றை
இனி வயதையும்
கட்டிக்கொள்கிறேன்

சிறிது புரியவில்லை , இருப்பினும் அருமை .

வலையலில்லை முக்கியமாய் .--வளையல் என்று இருக்க வேண்டுமோ ?
சீர் செய்து விடட்டுமா ?

ரமணியன்

கவியரசன்(கவிச்சுடர்) · 16/07/2015

T.N.Balasubramanian wrote:நன்றாக உள்ளது .

ஆனால் நீ வந்த
மகிழூந்தில் உன்னோடு
ஒரு நாள் செல்ல
என் ஒருமாத வருவாய்
போதாது பெண்ணே

ஈரத்துணி கொண்டு
இதுநாள் வரை வயிற்றை
இனி வயதையும்
கட்டிக்கொள்கிறேன்

சிறிது புரியவில்லை , இருப்பினும் அருமை .

வலையலில்லை முக்கியமாய் .--வளையல் என்று இருக்க வேண்டுமோ ?
சீர் செய்து விடட்டுமா ?

ரமணியன்