“காக்னிடிவ் பிஹேவியர் தெரபி

**ayyasamy ram** · **ayyasamy ram** Mon Aug 10, 2015 1:25 pm

இந்த கட்டுரை ஒரு முக்கியமான,
ஆனால் நோய் என்ற விழிப்புணர்வு அதிகமில்லாத
மனதைப் பாதிக்கும் பிரச்சனை பற்றியது.
–
“ஐந்து சதவிகித மக்களுக்கு ஓசிடி இருக்கிறது.
கட்டாயம் இதுபற்றி எழுத வேண்டும்’ என்ற
வேண்டுகோளுடன் இது பற்றி மனநல மருத்துவர்
டாக்டர் பாரதி விஸ்வேஸ்வரன் பேசினார்.
–
“ஓடிசி என்பது மீண்டும், மீண்டும் அர்த்தமில்லாத
சிந்தனை தோன்றுவதால், செய்யக்கூடிய செயல்கள்
அல்லது ஏற்படக்கூடிய பாதிப்புகள் பற்றியது.
(அப்செஷன் என்பது அதீதமான எண்ணத் தாக்கம்;
இதைப் படித்து விட்டு எல்லாரும் பயப்பட வேண்டிய
அவசியமில்லை)’
–
இதில் பொதுவாக நான்கு வகை உண்டு.
–
* அசுத்தம், அழுக்கு, அறுவறுப்பு போன்ற எண்ணங்கள்
தொந்தரவு செய்வதால், அளவுக்கதிகமாக, எல்லை மீறி
சுத்தத்தை எதிர்பார்ப்பார்கள். அடிக்கடி குளிப்பது,
பொருட்களைப் பலமுறை கழுவி வைப்பது, பலமுறை
கைகழுவுவது என்று செயல் படுவார்கள்.
–
வீட்டிலிருப்பவர்கள் “சுத்தக்காரி’ என்று சொல்வார்களே
தவிர இதை நோய் என்று உணரமாட்டார்கள். இதனால்
வரும் பிரச்னைகள் என்னவென்றால் மீண்டும் மீண்டும்
பாத்திரங்களைக் கழுவுவது, வீட்டை சுத்தம் செய்வது
போன்ற செயல்களால் வீட்டில் நேரத்துக்கு வேலை நடக்காது.
–
பிள்ளைகள் பள்ளியிலிருந்து வந்தால், வாசலிலேயே
துணிகளை நனைக்கச் செய்து, ஒவ்வொரு முறை வெளியே
சென்று வரும்போது குளிக்கச் செய்து, சுத்தத்தை
அனைவரிடமும் எதிர் பார்ப்பதால், அவர்களுக்கு கோபமும்
எரிச்சலும் உண்டாகக் கூடும்.
வேறுவழியில்லாமல் குடும்பத்தார் இதற்கு ஈடு
கொடுப்பார்கள்.
–
* சந்தேகத்தால் வரக்கூடிய குழப்பம். ஒரு செயலை
செய்தோமா இல்லையா அல்லது சரியாக செய்தோமா
என்ற சந்தேகத்தால் மீண்டும் மீண்டும் செய்வது, அடுப்பை
அணைத்தோமா, வீட்டைப் பூட்டினோமா என்பது போன்ற
சந்தேகங்களால், பல முறைகள் சரிபார்த்துக் கொண்டே
இருப்பார்கள்.
–
மாணவர்களுக்கு இந்தப் பிரச்னை எப்படி பாதிக்குமென்றால்,
படித்த முதல் பாடத்தையே, சரியாகப் படித்தோமா எனற
சந்தேகத்தால் படித்துக் கொண்டிருப்பார்கள். அல்லது பென்சில்
டப்பாவை சரிபார்த்து சரிபார்த்து ஓய்ந்து போவார்கள்.
–
* வியாதிகள் பற்றிய சிந்தனை –
–
ஒரு சின்ன தலைவலி வந்தால் கூட, அது ட்யூமராக இருக்குமோ,
அல்லது வேறு வியாதியாக இருக்குமோ என்பது போன்ற பயம்.
“டாக்டர் ஷாப்பிங்’ என்பார்கள். ஒரு வியாதியும் இல்லை
என்று டாக்டர் சொன்னால் கூட டாக்டரை மாற்றுவதும்,
மீண்டும் மீண்டும் பரிசோதனைகள் செய்வதும் இவர்கள் கட்டுப்
பாடு இல்லாமல் நடக்கும். இப்போதெல்லாம், வியாதிகளைப்
பற்றி இணையதளத்தில் அதீத ஆர்வத்தோடு நிறைய படித்த
இன்னும் குழப்பிக் கொள்கிறார்கள்.
–
இதுதவிர ஆரோக்கியம் சம்மந்தப்பட்ட புத்தகங்களுக்கும்
நிகழ்ச்சிக்களுக்கும் முக்கியத்துவம் கொடுப்பார்கள்.
–
* வேண்டாத எண்ணத்தில் தொடங்கி, சங்கிலித் தொடர் போல
தொடர்ந்து பல அர்த்தமற்ற சிந்தனைகள் உண்டாவது – இதை
ஞாபக மறதி அல்லது கவனக் குறைவு என்று பிறர் புரிந்து
கொள்வார்கள்.
–
இவர்கள் எல்லாம் மூளை அல்லது மனநிலை பாதிக்கப்பட்டவர்கள்
கிடையாது. இந்த ஓசிடி என்பதைத்தவிர மற்ற எல்லாவிதத்திலும்
சாதாரணமாக இருப்பார்கள். அதனால்தான் இதை ஒரு நோய் என்றே
புரிந்துகொள்ள மாட்டார்கள். “இவ்வளவு படித்திருக்கிறேன்,
சம்பாதிக்கிறேன், நான் என்ன மென்டலா?’ என்ற கோபப்படுவார்கள்.
–
பொதுவாக இந்த நோய் பதின் பருவத்தில் தோன்றுகிறது.
வயதானவர்களிடமும் இது தோன்றக் கூடும். இது பரம்பரையாக
வரும் சாத்தியக் கூறு அதிகம். மூளையில் செரொடெனின் என்ற
ரசாயனத்தின் அளவு குறைவதால் இது தோன்றுகிறது.
–
இதற்கு வைத்தியம் இருக்கிறது. முதலில், அறிகுறிகளின் தீவிரத்தைக்
குறைக்கக் கூடிய மருந்துகள் தரப்படும். இதன் பிறகு “காக்னிடிவ்
பிஹேவியர் தெரபி’ என்ற மனதளவிலான சிகிச்சை தரப்படும்.
இதுபோன்ற எண்ணங்கள் வராமலிருக்க என்ன செய்ய வேண்டும்,
எப்படி மனதை அமைதியாக வைத்துக் கொள்ள வேண்டும், உடலையும்
மனதையும் ஆரோக்கியமாக வைத்துக் கொள்ளும் யுக்திகள்
போன்றவற்றை சொல்லித் தாருங்கள்.
–
இவை இரண்டையும் சேர்த்துச் செய்யும்போது நல்ல பலன் தெரியும்.
மொத்தத்தில், ஸ்ட்ரெஸ் இல்லாமல் பார்த்துக் கொள்வது அவசியம்.
–
————————————

– உஷா
மங்கையர் மலர்

**T.N.Balasubramanian** · **T.N.Balasubramanian** Mon Aug 10, 2015 6:29 pm

ஆம், OCD குணமுள்ள ஆட்களை , முதலில் பார்க்கையில் ,
மற்றவர்களுக்கு அவர்கள் "ஒரு மாதிரி போலிருக்கே "
என்ற எண்ணத்தை உண்டாகும் சாத்ய கூறுகள் உண்டு .

நன்றி பகிர்வுக்கு ayyasami ram

ரமணியன்

shobana sahas · shobana sahas Wed Aug 12, 2015 2:18 am

T.N.Balasubramanian wrote:ஆம், OCD குணமுள்ள ஆட்களை , முதலில் பார்க்கையில் ,
மற்றவர்களுக்கு அவர்கள் "ஒரு மாதிரி போலிருக்கே "
என்ற எண்ணத்தை உண்டாகும் சாத்ய கூறுகள் உண்டு .

நன்றி பகிர்வுக்கு ayyasami ram

ரமணியன்

மேற்கோள் செய்த பதிவு: 1156953

அய்யய்யோ ... எனக்கு இது இருக்கே .... அழுகை

ஆனால் என்னை பார்த்தல் "ஒரு மாதிரி " என்று தோன்றாது ... அடுப்பை அணைத்து விட்டேனா ...
germs நடனம் ஆடுவது போல... இப்படி ... நான் என்னை மாற்றிக்கொள்ள இரண்டு ஆண்டுகளாக முயற்சி செய்துகொண்டு வருகிறேன் ... அதில் ஓரளவு பலனும் கிடைத்துள்ளது ....

**T.N.Balasubramanian** · **T.N.Balasubramanian** Wed Aug 12, 2015 6:53 am

பதிவு போட்டு ,பதிவு பட்டனை அமுக்கி விட்டேனா என்ற சந்தேகத்துடன் மறுமுறை அமுக்காதவரையில் ,
நீங்கள் "அது மாதிரி" இல்லை என்று சந்தோஷத்துடன் இருங்கள் .
இந்த மறுமொழி பதிவை , திரும்ப திரும்ப படிக்கலாம் . அது OCD இல் வராது

ரமணியன்

shobana sahas · shobana sahas Wed Aug 12, 2015 7:25 am

T.N.Balasubramanian wrote:பதிவு போட்டு ,பதிவு பட்டனை அமுக்கி விட்டேனா என்ற சந்தேகத்துடன் மறுமுறை அமுக்காதவரையில் ,
நீங்கள் "அது மாதிரி" இல்லை என்று சந்தோஷத்துடன் இருங்கள் .
இந்த மறுமொழி பதிவை , திரும்ப திரும்ப படிக்கலாம் . அது OCD இல் வராது

ரமணியன்

மேற்கோள் செய்த பதிவு: 1157113
சிரி