பயங்கரவாதியை பிடித்து கொடுத்த இரு இளைஞர்களுக்கு சூரிய சக்ரா விருது

**ayyasamy ram** · **ayyasamy ram** Wed Aug 12, 2015 6:05 am

-
ஸ்ரீநகர்:
பயங்கரவாதியை பிடித்து கொடுத்த இரு இளைஞர்களுக்கு சூரிய சக்ரா விருதுக்கு பரிந்துரைக்கப்பட்டுள்ளது.

ஜம்மு - காஷ்மீர் மாநிலம் உதம்பூரில், கடந்த 5ம் தேதி, எல்லை பாதுகாப்பு படையினரை தாக்கிய, பாக்.பயங்கரவாதி முகமது நவீத், உள்ளுர் மக்களின் ஒத்துழைப்பில் கைது செய்யப்பட்டான். மும்பை தாக்குதல் போன்று மீண்டும் ஒருபயங்கர சதி திட்டத்தை நிறைவேற்ற இந்தியாவிற்குள் ஊடுருவிய அவனை கசாப்-2 என்றே ஊடகங்கள் வர்ணித்தன. நவீத்திடம் நடத்திய விசாரணையில், 'இந்தியாவில் நுழைவதற்கு, 45 நாட்களுக்கு முன், பாகிஸ்தானில், லஷ்கர் -இ- தொய்பா முகாமில் பயிற்சி பெற்றேன்' என்று தெரிவித்தான்.

வீர தீர இளைஞர்களுக்கு ஒரு சபாஷ்

இந்நிலையில் நவீத்தை பிடித்து பாதுகாப்பு படையினரிடம் ஒப்படைத்த ராகேஷ் குமார் ஷர்மா, பிக்ரம்ஜித் ஆகிய இரு இளைஞர்களுக்கு மத்திய அரசு சூரிய சக்ரா விருது வழங்கி கவுரவிக்க உள்ளது. இந்தியாவில் நாசவேலையில் ஈடுபட பயங்கர சதி திட்டத்துடன் ஊடுருவியவனை இரு இளைஞர்களும் துணிச்சலுடன் அவனை பிடித்து பாதுகாப்புபடையினரிடம் ஒப்படைத்தனர். தப்பியோட முயன்ற அவனை தக்க நேரத்தில் பிடித்து கொடுத்ததால், பெரும் நாசவேலை தவிர்க்கப்பட்டது. இதையடுத்து அந்த இளைஞர்களை கவுரவிக்கும்விதமாக, உயரிய விருதிற்கான உத்தரவை டி.ஜி.பி. ராஜேந்திரகுமார் நேற்று அறிவித்து மத்திய அரசுக்கு பரிந்துரைத்துள்ளார்
-
தினமலர்