டமால்… டுமீல்… (ஜே.எஸ். ராகவன்)

**ayyasamy ram** · **ayyasamy ram** Tue Aug 11, 2015 9:53 am

-

ரூ. 40,000 செலவில் ஹிலாரி கிளின்டன் முடி அலங்காரம் செய்து கொள்கிறாராம்.

வெள்ளை மாளிகைக்கு மேட்சிங்காக முடியின் நிறத்தை மாற்றிக் கொள்ளவா?

***

பெண் டைரக்டர் இடம் பெறாத கம்பெனிகள் மீது நடவடிக்கை.

வீட்டிலேதான் அவங்க கேக்கிற கேள்விகளை சமாளிக்க முடியலே. கம்பெனி போர்ட் மீட்டிங்கிலுமா என்று தயங்குகிறார்களா?

***

மது விற்பவர்கள், குடிப்பவர்களைத் துடைப்பத்தால் விளாச பீகாரில் மகளிர் பஞ்சாயத்து முடிவு.

ஊறுகாய், வடை, சில்லி சிக்கன்னு சைட் டிஷ் விற்பவர்களும் இந்தத் தாக்குதலில் அடி பெறுவார்களா?

***

டிபன் பாக்ஸை சக ஊழியர் விளையாட்டாக ஒளித்து வைத்ததால் மூண்ட கைகலப்பில் ஒருவர் அடித்துக் கொலை.

A hungry man is an angry man! ன்னு சும்மாவா சொல்லியிருக்காங்க?

***

200 பயணிகளுடன் கிளம்பிய ஏர் இந்தியா விமானம், உள்ளே ஓடிய எலியால் தரை இறங்கியது.

இனி விமானம் கிளம்பும்முன் ஒரு பூனையை CAT-SCAN செய்ய வைத்து எலிகளை விரட்டலாமே.

***

எமன் வேடமணிந்த ஒருவர், மும்பை சர்ச்கேட் ரயில் நிலையத்தில் விதிகளை மீறினால் மரணம் உண்டாகும் என்று பிரசாரம் செய்கிறாராம்.

நிஜ எமனுக்கே பெப்ப்பே காட்டும் தில் உடையவர்கள், இதனால் திருந்தப் போகிறார்களா?

***

சீனா, தென் கொரியாவுக்கு தெரு நாய்களை ஏற்றுமதி செய்ய எர்ணாகுள ஊராட்சி முடிவு.

நாய்களை விற்ற காசு மலையாளிகளுக்கு கசக்காது போலிருக்கு!

***

அரசு ஊழியரை அறைவது சிறிய குற்றமாம் — கோவா துணை முதல்வர்.

மறு கன்னத்தைக் காட்டாததுதான் பெரிய குற்றம் என்பாரா?

***

விலை உயர்ந்த கைக்கடிகாரத்தைப் பிறர் பார்க்கும்படி காட்டிக் கொண்டிருந்த அமைச்சருக்கு மோடி எச்சரிக்கை.

அதில் தொங்கியிருந்த price tag-ஐ எடுக்க மறந்துவிட்டாரா?

***

ஓடையில் முதலையைக் கரண்டியால் அடித்துத் தப்பிய ஒடிசா பெண்மணி.

புலியை முறத்தால் அடித்து விரட்டிய தமிழ்ப் பெண்மணியின் அடுத்த ஜென்மப் பிறவியாக இருப்பாரோ?

***

ஹெல்மெட் அணிவதின் அவசியம் தெரிந்தும் சிலர் அணிவதில்லை.

ஏற்கனவே தலைகனம். கூடுதல் கனத்தைத் தாங்க மறுக்கிறார்களா?

***

**விஸ்வாஜீ** · **விஸ்வாஜீ** Tue Aug 11, 2015 10:20 am

அருமை நண்பரே
சிரிப்பு

**T.N.Balasubramanian** · **T.N.Balasubramanian** Tue Aug 11, 2015 7:26 pm

நன்றி அய்யாசாமி !
JS ராகவன் , எங்க பேட்டைகாரர் .
லோகல் வார இதழ்களில் (மாம்பலம் டைம்ஸ் ) இவர் பதிவுகள் வரும் .

ரமணியன்

**T.N.Balasubramanian** · **T.N.Balasubramanian** Tue Aug 11, 2015 7:35 pm

ரூ. 40,000 செலவில் ஹிலாரி கிளின்டன் முடி அலங்காரம் செய்து கொள்கிறாராம்.

வெள்ளை மாளிகைக்கு மேட்சிங்காக முடியின் நிறத்தை மாற்றிக் கொள்ளவா?

அவர்கள் அமெரிக்க கரன்சி படி $700 க்கும் குறைவு ..
நம் ஊரில் பெண்கள் இந்திய கரன்சியில் ஆயிரக்கணக்கில்
முடி அலங்காரத்திற்கு செலவு செய்கிறார்கள்.

ரமணியன்

**T.N.Balasubramanian** · **T.N.Balasubramanian** Tue Aug 11, 2015 7:39 pm

ஓடையில் முதலையைக் கரண்டியால் அடித்துத் தப்பிய ஒடிசா பெண்மணி.

கரண்டியில் மீதமிருந்த அவர் சமைத்த உணவு துகள்கள் தான் , முதலையை ஓட வைத்தது போலும் .
ரமணியன்

இந்த பதிவைத் துவங்கியவர் நன்றி கூறியுள்ளார் T.N.Balasubramanian

shobana sahas · shobana sahas Wed Aug 12, 2015 2:40 am

T.N.Balasubramanian wrote:
ரூ. 40,000 செலவில் ஹிலாரி கிளின்டன் முடி அலங்காரம் செய்து கொள்கிறாராம்.

வெள்ளை மாளிகைக்கு மேட்சிங்காக முடியின் நிறத்தை மாற்றிக் கொள்ளவா?

அவர்கள் அமெரிக்க கரன்சி படி $700 க்கும் குறைவு ..
நம் ஊரில் பெண்கள் இந்திய கரன்சியில் ஆயிரக்கணக்கில்
முடி அலங்காரத்திற்கு செலவு செய்கிறார்கள்.

ரமணியன்

மேற்கோள் செய்த பதிவு: 1157040

அய்யா நானும் இதையே தான் சொல்ல நினைத்தேன் ... $700 அவர்களுக்கு ஒரு பணமே இல்லை ... ஹில்லரி கிளிண்டன் ஒரு வருடத்திற்கு எவ்வளோ டாலர்ஸ் வரி பணம் செலுத்துகிறார் என்பது தெரிந்தால் .........