வங்கிகளில் நகைகளை அடகு வைத்தவர்களுக்கு நெருக்கடி

தங்கம் விலை தொடர்ந்து சரிந்து வருவதால், வங்கிகளில்
நகைகளை அடகு வைத்துள்ளவர் களுக்கு, வட்டி தவணைத்
தொகை செலுத்த கோரி, 'நோட்டீஸ்' அனுப்பி வங்கிகள்
நெருக்கடி கொடுத்து வருகின்றன.

நகைகள் ஏலம் போகாமல் இருக்க, தனியார் நிறுவனங்களை
நோக்கி பொதுமக்கள் படையெடுக்கின்றனர். இதை தங்களுக்கு
சாதகமாக பயன்படுத்திக் கொள்ளும் தனியார் நிதி நிறுவனங்கள்,
கூடுதல் வட்டியை, அடகு வைப்பவர்கள் மீது திணிப்பதாக
குற்றச்சாட்டு எழுந்துள்ளது.

தேசிய வங்கிகள், தனி யார் வங்கிகள், கிராமப்புற கூட்டுறவு
வங்கிகள், நிதி நிறுவனங்கள், தங்கத்தை ஈடு பொருளாக வைத்து,
பொதுமக்களுக்கு கடன் வழங்கி வருகின்றன.
-
தங்கத்தின் எடை மதிப்பில், 60 சதவீதம் வரையிலான மதிப்புத்
தொகையை, கடன் வழங்க வங்கிகளின் தலைமையும்,
ரிசர்வ் வங்கியும் அனுமதி வழங்கி உள்ளன.தனியார் வங்கிகள்,
நிதி நிறுவனங்கள், 80 சதவீதம் வரையிலும் கடன்களை வழங்கி
வருகின்றன.

-
தினமலர்

நன்றி ராம் அண்ணா ............நானும் இதையே போடவந்தேன் !

மானியம் ரத்தாகிறது?:

விவசாயிகளுக்கு, ஒரு லட்சம் ரூபாய் வரையிலான நகைக் கடனுக்கு, அரசு அளிக்கும், 3 சதவீத மானியத்தை ரத்து செய்ய, மத்திய பட்ஜெட்டில் அறிவிப்பு வெளியானது. நடப்புஆகஸ்ட் மாதத்தில் இருந்து மானியம் ரத்தாகும் என, எதிர்பார்க்கப்பட்டது.

ஆனால் இதுவரை, அதற்கான அறிவிப்பு வரவில்லை. விரைவில், மானிய ரத்து அறிவிப்பு வரலாம் என, வங்கி நிர்வாகங்கள் கூறுகின்றன. இதனால், வங்கிகளுக்கு மேலும் நெருக்கடி அதிகரிக்கும்.

தங்க நாணயம் இல்லை:

தங்கம் விலையில் தொடர்ந்து சரிவு ஏற்பட்டு வருவதால், நஷ்டத்தில் இருந்து தப்பித்துக் கொள்ள, தங்க நகைக் கடை உரிமையாளர்கள், தங்க நாணய விற்பனையை தற்காலிகமாக நிறுத்தி உள்ளனர்.தங்கத்தின் விலை, தொடர்ந்து சரிந்து வருவதால், தங்கத்தின் மீது முதலீடு செய்ய மக்கள் மத்தியில் ஆர்வம் அதிகரித்துள்ளது.

இதில், ஆபரணத் தங்கம் வாங்கினால், சேதாரம் வழங்க வேண்டும் என்பதால், தங்கத்தின் மீது முதலீடு செய்வோரின் பார்வை, தங்க நாணயங்கள் மீது திரும்பியது. தமிழகத்தில், ஜூலை 1ல் துவங்கி, நேற்று வரை, ஆறு லட்சம் தங்க நாணயங்கள் விற்று தீர்ந்துள்ளன.

நகைக் கடை உரிமையாளர்கள், தங்களின் இருப்பு நாணயங்களை விற்று தீர்த்து விட்ட நிலையில், பெங்களூரு, சென்னை, மும்பை, கோல்கட்டா உள்ளிட்ட நகரங்களில் உள்ள, பெரிய வியாபாரிகளிடம் ஆர்டர் கொடுத்து, தங்க நாணயங்களை பெற வேண்டிய நிலைக்கு தள்ளப்பட்டனர்.நாணய விற்பனையில், வியாபாரிகளுக்கு நஷ்டம் ஏற்படுவதால், நாணய விற்பனையை, வியாபாரிகள் தற்காலிகமாக நிறுத்தியுள்ளனர்.

தினமலர்