5 லட்சம் வீடுகளில் மாடிதோட்டம்

முதல்வர் ஜெயலலிதாவின் உத்தரவை அடுத்து,
மாநிலம் முழுவதும், மாடித் தோட்ட திட்டத்தை
விரிவுப்படுத்தும் பணியை, தோட்டக்கலைத்
துறை அதிகாரிகள் துவக்கி உள்ளனர்.

தமிழகத்தில், ஆண்டுதோறும், 2.28 கோடி டன்
காய்கறிகள் உற்பத்தியாகின்றன; அவை
போதுமான அளவில் இல்லை. எனவே, வெளி
மாநிலங்களில் இருந்து, காய்கறிகளை
இறக்குமதி செய்ய வேண்டிய நிலை ஏற்படுகிறது.

எனவே, நகரங்களில் வசிக்கும் மக்கள், தங்கள்
வீடுகளில், காய்கறி உற்பத்தி செய்யும் மாடித்
தோட்ட திட்டத்தை, அரசு செயல்படுத்தி வருகிறது.

* இத்திட்டம் முதலில், சென்னை, கோவை
மாநகராட்சியில் துவங்கப்பட்டது; பின், திருச்சி,
சேலம், மதுரைக்கு விரிவுப்படுத்தப்பட்டது.

* மாடித் தோட்டம் திட்டத்திற்காக, ஆண்டுதோறும்,
5 கோடி ரூபாயை அரசு செலவிடுகிறது.

* இத்திட்டத்தில் சேர, 2,650 ரூபாய் கட்டணம்; இதில்,
50 சதவீதத்தை அரசு வழங்குகிறது. எனவே,
1,325 ரூபாய் செலுத்தினால் போதும்.

* கத்திரி, வெண்டை, தக்காளி, பச்சைமிளகாய்,
கொத்தவரை, செடி அவரை, முள்ளங்கி, கீரைகள்,
கொத்துமல்லி உள்ளிட்ட விதைகள் வழங்கப்படும்.

* பாலிதீன் பைகள், விரிப்பு, பூவாளி, முள்கரண்டி
உள்ளிட்ட சிறு கருவிகள், உரங்கள், பூச்சிக்கொல்லி
மருந்துகள் வழங்கப்படும்.இந்த திட்டத்தை,
மாநிலம் முழுவதும் செயல்படுத்த முதல்வர்
உத்தரவிட்டு உள்ளார்.

தோட்டக்கலைத் துறை அதிகாரி ஒருவர்
கூறியதாவது:
முதல்வர் ஆலோசனைப்படி, மாடித் தோட்டம் திட்டம்,
அடுத்த மாதம் விரிவுப்படுத்தப்படும். முதற்கட்டமாக,
சென்னையில் இத்திட்டத்தை, பெரியளவில் செயல்
படுத்த ஏற்பாடு நடக்கிறது.

இதற்காக, பூங்கா உள்ளிட்ட மக்கள் கூடும்,
100 இடங்களில், விற்பனை மையங்கள்அமைக்கப்படும்.
இங்கு, மாடித் தோட்ட பொருட்கள் மற்றும் சாகுபடி
கையேடு வழங்கப்படும். பின், ஒவ்வொரு மாவட்டமாக
திட்டம் விரிவுப்படுத்தப்படும்.

குறைந்தபட்சம், ஐந்து லட்சம் வீடுகளில் மாடித்
தோட்டத்தை செயல்படுத்த, இலக்கு நிர்ணயிக்கப்பட்டு
உள்ளது. முதல்வர் உத்தரவுப்படி, கட்டணத்தை பாதியாக
குறைக்க ஏற்பாடு செய்யப்படுகிறது.இவ்வாறு,
அவர் கூறினார்.
–
————————————–
தினமலர்

அருமையான திட்டம் அய்யா . நல்ல பதிவு .