தமிழ் இலக்கணம்

First topic message reminder :


தமிழாசிரியர் வகுப்பினுள் நுழைந்தார். மாணவர்கள் அனைவரும் எழுந்து நின்று ,"வணக்கம் அய்யா! " என்றனர்.

" மாணவர்கள் அனைவருக்கும் வணக்கம். அமருங்கள். இன்று என்ன பாடம்?"

" இலக்கணம் அய்யா! "

" நல்லது. எல்லோரும் இலக்கணப் புத்தகம் எடுத்து வைத்துக்கொள்ளுங்கள்."

அப்பொழுது சரவணன் என்ற மாணவன் எழுந்து " அய்யா! பள்ளிக்கு வரும் வழியில் ஒரு கடையில் " இங்கு சிமெண்ட் விற்க்கப்படும்" என்று எழுதியிருந்தது. அது சரியா அய்யா?" என்று கேட்டான்.

ஆசிரியர் சரவணனை, அவன் சொன்னதைக் கரும்பலகையில் எழுதிக்காட்டுமாறு கேட்டுக்கொண்டார். சரவணனும் ," இங்கு சிமெண்ட் விற்க்கப்படும் " என்று எழுதினான்.

உடனே தமிழாசிரியர், " விற்கப்படும் " என்று எழுதுவதே சரி. " விற்க்கப்படும் " என்று எழுதுவது தவறு. வல்லெழுத்து " ற் " க்குப் பக்கத்தில் ஒற்றெழுத்து வருதல் கூடாது. உங்கள் நினைவுக்காக ஒரு குறிப்புத் தருகிறேன்.அதாவது "ய், ர், ழ் " ஆகிய மூன்று எழுத்துக்களுக்குப் பக்கத்தில்தான் ஒற்று எழுத்து வருதல் வேண்டும்.உதாரணமாக " நாய்க்குட்டி, நீர்க்குமிழி, தமிழ்த்தாய் " என்று எழுதுவதுதான் சரி. பிற ஒற்று எழுத்துக்களுக்குப் பக்கத்தில் ஒற்று எழுத்து வருவது பிழை."

" ஐயா! அப்படியானால் " கேப்டன் விஜயகாந்த் " என்று எழுதுவது பிழையா?" என்று சரவணன் கேட்டான்.

" உறுதியாகச் சொல்வேன்; அவ்வாறு எழுதக்கூடாது. " கேப்டன் விஜயகாந்து " என்றுதான் எழுதவேண்டும். சிலர் டீக்கடைக்குச் சென்று "ஒரு ஸ்ட்ராங்க் டீ போடப்பா! என்று கேட்பார்கள். சிலர் "பேங்க்" என்று எழுதுவார்கள்.ஆங்கில வார்த்தைகளை அப்படியே தமிழில் எழுதுவதால்தான் இதுபோன்ற குழப்பங்கள் வருகின்றன. "பேங்க் "என்ற வார்த்தைக்குப் பதிலாக " வங்கி " என்ற வார்த்தையைப் பயன்படுத்தலாமே! "ஸ்ட்ராங்க் டீ " என்பதற்குப் பதிலாக " கெட்டியான டீ " என்று சொல்லலாமே! " என்று ஆசிரியர் சொன்னார்.

வாழ்த்துகள், எழுத்துகள் என எழுதுதல் பிழை என்று கருதுவார் உளர். அவர்களுக்காக ஒரு விளக்கம். திருக்குறள் உரையாசிரியர் பரிமேலழகர் "எழுத்துக்கள் எல்லாம் அகரத்தை முதன்மையாக உடையது போல' என்று உரை எழுதுமிடத்து எழுத்துக்கள் என்றாண்டிருப்பது காண்க. அன்றியும் நன்னூல் விருத்தியுரைக்கு குறிப்புரை எழுதிய பெரும்புலவர் ச.தண்டபாணி தேசிகரும் எழுத்துக்கள் என்றே எழுதியுள்ளார். தொல்காப்பியத்துக்கு சுருக்கமான உரை எழுதியுள்ள மூத்த தமிழறிஞர் தமிழண்ணல் அவர்களும் எழுத்துக்கள் என அவ்வுரையில் எழுதியுள்ளார். இவ்வாறு எழுத்துக்கள் என்று வல்லொற்று மிகுவதற்கு முன்னோர் சான்று உண்டு.

எழுத்துக்கள் என்பது சரியென்றால் வாழ்த்துக்கள் என்று எழுதுவதும் சரிதானே? எழுத்து, வாழ்த்து இரண்டும் வன் தொடர்க் குற்றுகரங்கள். அதனால் அன்பர்களே, "எமதுள்ளம் நிறைந்த நல்வாழ்த்துகள்' எனவும், நல்வாழ்த்துக்கள் எனவும் இருவகையானும் சொல்லலாம், எழுதலாம்.

நன்றி : தினமணிக் கதிர் .

திரு .இரமணியன் அவர்களே !

" வாழ்த்துகள் " என்பது சரியா ? அல்லது  "வாழ்த்துக்கள் " என்பது சரியா ? இந்த இரண்டும் சரி என்று  கூறுவார் உளர் . ஆனால் தமிழறிஞர் திரு .முத்துக் கண்ணப்பன் அவர்கள் " வாழ்த்துக்கள் " என்றே எழுதவேண்டும் என்பார் .

நன்றி Jagadeesan !

வாழ்த்துகள் என்று எழுதினாலும் மார்க் குறைக்க மாட்டீர்கள் அல்லவா ?
வாழ்த்துக்கள் என்று எழுதினாலும் தவறு எனக் கூற மாட்டீர்கள் அல்லவா ?

ரமணியன்

எனக்கும் ஒரு வெகு நாளைய சந்தேகம் ஒன்று.

என் மதிப்பில் உயர்தோர்க்கும், வயதில் மூத்தோர்க்கும் பொதுவாக 'மதிப்பிற்குரியவர்க்கு..' என்று ஆரம்பித்து மடலிடுவது வழக்கம்.

இதில் ஒவ்வொருமுறையும் எழுதும் போது 'மதிப்பிற்குரியவர்க்கு..' என்ற வார்த்தையில் ஏதோ ஒன்று தவறாக இருப்பது போன்றே மனதிற்கு படுகிறது. ஒரு முறைக்கு இருமுறை சரி பார்த்தாலுங்கூட...  இந்த வார்த்தைக்கு சரியான எழுத்துக்களை தான் சேர்த்திருக்கிறேனா என்று சந்தேகம் எழுகிறது.

நீங்கள் தான் ஐயா இது சரியான எழுத்துக்கள் அடங்கிய வார்த்தை தானா என்று விளக்கம் அளிக்கவேண்டும்.

மதிப்பிற்கு + உரியவருக்கு  = மதிப்பிற்குரியவர்க்கு

எனவே  "மதிப்பிற்குரியவர்க்கு " என்று எழுதுவதில் தவறில்லை . ஆனால் மொட்டையாக மதிப்பிற்குரியவர்க்கு என்று எழுதுவதைவிட

ஆசியர்களுக்கும் , அரசு உயர் அதிகாரிகளுக்கும் கடிதம் எழுதும்போது " மதிப்பிற்குரிய ஐயா ! " என்று எழுதவேண்டும் .

முதமைச்சருக்கு எழுதும்போது ," மாண்புமிகு முதல்வர் அவர்களுக்கு! " என்றும்
அமைச்சருக்கு எழுதும்போது ," மாண்புமிகு அமைச்சர் அவர்களுக்கு " என்றும்
ஆளுநருக்கு எழுதும்போது " மேன்மை தங்கிய /மேதகு ஆளுநர் அவர்களுக்கு ! " என்றும்
உறவினர்களுக்கும் , நண்பர்களுக்கும் எழுதும்போது ," அன்புள்ள  " என்றும்  எழுதலாம் .

அன்புள்ள Jagadeesan க்கு ,
தகவலுக்கு நன்றி .

ரமணியன்

மதிப்பிற்கு + உரியவருக்கு = மதிப்பிற்குரியவர்க்கு

எனவே "மதிப்பிற்குரியவர்க்கு " என்று எழுதுவதில் தவறில்லை .

விளக்கத்திற்கு மிகவும் நன்றி ஐயா.

M.Jagadeesan wrote:மதிப்பிற்கு + உரியவருக்கு  = மதிப்பிற்குரியவர்க்கு

எனவே  "மதிப்பிற்குரியவர்க்கு " என்று எழுதுவதில் தவறில்லை . ஆனால் மொட்டையாக மதிப்பிற்குரியவர்க்கு என்று எழுதுவதைவிட

ஆசியர்களுக்கும் , அரசு உயர் அதிகாரிகளுக்கும் கடிதம் எழுதும்போது " மதிப்பிற்குரிய ஐயா ! " என்று எழுதவேண்டும் .

முதமைச்சருக்கு எழுதும்போது ," மாண்புமிகு முதல்வர் அவர்களுக்கு! " என்றும்
அமைச்சருக்கு எழுதும்போது ," மாண்புமிகு அமைச்சர் அவர்களுக்கு " என்றும்
ஆளுநருக்கு எழுதும்போது " மேன்மை தங்கிய /மேதகு ஆளுநர் அவர்களுக்கு ! " என்றும்
உறவினர்களுக்கும் , நண்பர்களுக்கும் எழுதும்போது ," அன்புள்ள  " என்றும்  எழுதலாம் .

மேற்கோள் செய்த பதிவு: 1152954

vilakkaththukku மிக்க நன்றி ஐயா
.
.
எங்கள் வீடுகளில் இருக்கும் பெரியவர்களுக்கு எழுதும்போது நாங்கள் "அனேக தெண்டங்களுடன் தேவரீர்........" என்றும், சிறியவர்களுக்கு எழுதும்போது, "அனேக ஆசீர்வதங்களுடன் சிரஞ்சீவி...." என்றும் எழுத ஆரம்பிப்போம் ஐயா

சென்ற தலைமுறை மக்கள் நீங்கள் குறிப்பிட்டபடிதான் எழுதுவார்கள் .ஆனால் இப்போதுதான் கடிதம் எழுதும் வழக்கமே குறைந்துவிட்டதே !

M.Jagadeesan wrote:சென்ற தலைமுறை மக்கள் நீங்கள் குறிப்பிட்டபடிதான் எழுதுவார்கள் .ஆனால் இப்போதுதான் கடிதம் எழுதும் வழக்கமே குறைந்துவிட்டதே !

மேற்கோள் செய்த பதிவு: 1153105

நிஜம் ஐயா ...............நான் எங்க அப்பா அம்மா மற்றும் தாத்தா  பாட்டி (மாமனார் மாமியார்) இருந்தவரை அப்படித்தான் எழுதினேன் ஐயா .........சின்னவாளுக்கு எழுதும்போது இப்பவும் சிரஞ்சீவி என்று தான் எழுதறேன்

ஜெகதீசன் அய்யா ரொம்ப நன்றி .. தினமும் எங்களுக்கு பாடம் நடத்துங்கள் .பயன் பெறுகிறோம் .