எனக்கொரு பாய் ப்ரெண்ட் இருக்கான்!

-
பெயருக்கு ஏற்ற மாதிரி பளிச்சென்ற ஓவியமாக பளபளக்கிறார் ஓவியா. கேள்விகளுக்கு இவரிடம் இருந்து பதில் வருவதற்கு முன்னர் முந்திக் கொண்டு பேசிவிடுகிறது கண்கள். யப்பா…! அவ்வளவு எக்ஸ்ப்ரஸிவ். இந்த மலையாள மைனாவிடம் சம்ஸாரித்ததில் இருந்து….

படங்கள் குறைந்ததும் கிளாமருக்கு மாறிட்டீங்களாமே?
எனக்கு படங்கள் குறைஞ்சுடுச்சுன்னு யார் சொன்னா? இப்பவும் நான் தமிழ், தெலுங்கு, மலையாளம், கன்னடம்னு நாலு மொழியிலும் நாயகியாக நடிக்கிறேன். நான் கிளாமர் பண்றது ஒண்ணும் புதுசு இல்ல. கிளாமர் பண்ண மாட்டேன் நீச்சல் டிரெஸ் போடமாட்டேன். போத்திகிட்டுதான் நடிப்பேன்னா வீட்டிலயேதான் இருக்கணும்.
கிளாமர் எல்லோராலும் செய்துவிட முடியாது. அதுக்கு ஏத்த உடல் அமைப்பு இருக்கணும். கிளாமர் – ஹோம்லி ரெண்டுக்கும் என் உடம்பு பொருந்தக்கூடியது.
-

-
அப்போ லிப் லாக் காட்சியில் நடிக்கச் சொன்னால்…?
அந்த கேரக்டருக்கும் அந்த மூடுக்கும் லிப் லாக் தேவையெனும் பட்சத்தில் செய்யலாம். நடிப்பில் அதுவும் ஒரு பகுதிதான். சும்மாவெல்லாம் லிப் லாக் காட்சியில் நடிக்க மாட்டேன்.

நீங்க ஒரு க்யூட்டான ஆர்ட்டிஸ்ட்தான். ஆனாலும் சரியான பிரேக் கிடைக்கலையே?
நம்பர் ஒன், நம்பர் மூ ஆகணும் என்ற ஆசை எனக்குக் கிடையாது. கிடைக்கிற வேடங்களில் என்னை சிறப்பாக வெளிப்படுத்தவே நினைக்கிறேன்.

பாய் ஃப்ரெண்ட்ஸ்? இல்லனு மட்டும் சொல்லிடாதீங்க…
அதிகமில்லை ஜென்டில்மேன்! ஒரே ஒருத்தன்தான் இருக்கான். எப்போதும் என்னுடனே இருக்கும் அவன் பேர் “அப்பு’. நல்லா கும்முனு இருப்பான். அவ்ளோ துறுதுறுனு.. செம் ஸ்மார்ட். அப்பு ஈஸ் மை ஸ்வீட் லிட்டில் பெட் டாக்.
--

-
ஸ்கூலில் கூட யாருமில்லையா?
ஸ்கூல் லைஃப்ல சகமாணவர்களுடன் பழகியிருக்கேன். அது படிப்போடு சரி.

பிடித்த காஸ்ட்யூம்?
ஜீன்ஸ், டீஷர்ட்தான் பிடிச்ச டிரெஸ். என்றாலும் பாவாடை தாவணியில் நான் செமயா இருப்பேன்னு சொல்வாங்க.

யாருடன் செல்ஃபி எடுத்துக்க ஆசை?
நம்ம தேசப்பிதா காந்தி, மதர் தெரசா, முன்னாள் ஜனாதிபதி அப்துல்கலாம், ஏ.ஆர். ரஹ்மான் என்று பெரிய பட்டியலே வெச்சிருக்கேன்.

காதல் என்பது எப்படி இருக்கணும்?
லவ் இஸ் வெரி குட் ஃபீலிங்! அது உணர்வுப் பூர்வமா இருக்கணும்.
காதலிப்பதற்கு முன் எப்படி வேணும்ன்னாலும் இருக்கலாம். காதலிக்கத் தொடங்கிய பிறகு ஏமாத்துறது என்பது இருக்கக் கூடாது.
அழகுக்காக சொத்துக்காக செய்றது எல்லாம் காதலில் சேராது. ஒருவரை ஒருவர் புரிந்து கொண்டு எதிர்கால வாழ்வை சிறப்பாக அமைத்துக் கொள்வதற்கு ரிகர்சல் பார்க்கிற மாதிரி காதல் தொடரணும்.
வெறும் டைம் பாஸுக்காக செய்றது எல்லாம் காதல் கிடையாது அதை காதல்ன்னும் சொல்ல முடியாது.

அப்போ காதல் திருமணம்தான்னு சொல்லுங்க?
இப்போதைக்கு என்னை நிலை நிறுத்திக்கணும் என்கிற எண்ணம்தான் இருக்கு. 34 வயதாகியும் இன்னும் பல பேர் ஹீரோயினா நடிச்சிட்டு இருக்காங்க. நான் ரொம்ப சின்னப் பொண்ணு. கல்யாணத்துக்கு அவசரமில்லை. இன்னும் போக வேண்டிய தூரம் அதிகம். சாதிக்க வேண்டியது அதிகம். முதலில் சாதிப்போம், பிறகு காதலிப்போம்!

– சபீதா ஜோசப்

குமுதம்