குருவியார் கேள்வி பதில் - தினத்தந்தி

விஜய் சேதுபதி, யதார்த்த நாயகன் என்ற நிலையில் இருந்து அதிரடி நாயகனாக மாறுகிறாராமே, அப்படியா? (வி.பிரபு, சங்கரன்கோவில்)

தனுஷ் தயாரிக்க, விக்னேஷ் சிவன் டைரக்ஷனில், ‘நானும் ரவுடிதான்’ படத்தில் விஜய் சேதுபதி அதிரடி நாயகனாக நடித்து இருக்கிறார். இந்த படம் வெற்றி பெற்றால், தொடர்ந்து அதுபோன்ற வேடங்களில் நடிக்க அவர் முடிவு செய்து இருக்கிறாராம்!

***
இப்போது உள்ள கதாநாயகிகளில் ஓட்டப்பந்தயம், நீளம் தாண்டுதல், அகலம் தாண்டுதல், உயரம் தாண்டுதல் போன்ற விளையாட்டு வீராங்கனையாக நூற்றுக்கு நூறு பொருத்தமான கதாநாயகி யார்? (ஆ.மாதேஷ், மேலூர்)

‘பேராண்மை’ புகழ் தன்ஷிகா! நீளம், அகலம், உயரம் தாண்டுவதற்கும், நீண்ட தூர ஓட்டத்துக்கும் பொருத்தமானவர், இவர்தான்!

***

பிரபல கதாநாயகர்கள் பலருக்கு ஜோடியாக நடித்து வரும் அனுஷ்கா, ரொம்ப உயரமாக தெரிகிறாரே...குள்ளமான கதாநாயகர்கள் அவருக்கு ஜோடியாக நடிக்கும்போது, அது கேமராவில் தெரியாதா? (ஆர்.மகேஷ், திருவண்ணாமலை)

குள்ளமான கதாநாயகர்கள் அனுஷ்காவுடன் நடிக்கும்போது, ‘ஸ்டூல்’ போட்டுக் கொள்கிறார்களாம்!

***

தமிழ் பட உலகில் இப்போது தயாராகிக் கொண்டிருக்கும் படங்களில், மிகுந்த எதிர்பார்ப்புக்குரிய ‘டைரக்டரின்’ படம் எது? (சோ.காமராஜ், ஸ்ரீபெரும்புதூர்)

‘தாரை தப்பட்டை!’ இந்த படத்தை பாலா டைரக்டு செய்து வருகிறார். சசிகுமார் கதாநாயகனாக நடிக்கிறார். வரலட்சுமி, கதாநாயகியாக நடிக்கிறார்!

***

‘புலி’ படத்தில் ஹன்சிகா, சுருதிஹாசன் ஆகிய இருவரில் யாருக்கு அதிக வாய்ப்பு கொடுக்கப்பட்டு இருக்கிறது? (வெ.குமரன், உடையாப்பட்டி)
-

-
ஹன்சிகா, சுருதிஹாசன் ஆகிய இருவருக்குமே சமமான வாய்ப்பு கொடுக்கப்பட்டிருப்பதாக டைரக்டர் சிம்புதேவன் கூறுகிறார்!

***

கமல்ஹாசன் நடித்துள்ள ‘விஸ்வரூபம்–2’ திரைக்கு வருமா, வரும் என்றால் எப்போது வரும்? (ஆர்.கோபி, ஈரோடு)

‘விஸ்வரூபம்–2’ திரைக்கு எப்போது வரும்? என்பது ஆஸ்கார் பிலிம்ஸ் ரவிச்சந்திரனுக்கே தெரிந்த ரகசியம்!

***

நயன்தாரா சம்பளம் ரூ.2 கோடி என்கிறார்கள், சிலர். இரண்டரை கோடி என்கிறார்கள், இன்னும் சிலர். அவர் எவ்வளவுதான் சம்பளம் வாங்குகிறார்? (கோ.சங்கரமூர்த்தி, திருப்பாப்புலியூர்)
-

-

-
நயன்தாராவின் தற்போதைய சம்பளம், இரண்டரை கோடி. அதை மூன்று கோடியாக உயர்த்தலாமா? என்று அவர் யோசித்துக் கொண்டிருக்கிறாராம்!

***

சிவகார்த்திகேயன் தனக்கு ஜோடியாக இவரைத்தான் ஒப்பந்தம் செய்ய வேண்டும் என்று நிபந்தனை விதிக்கிறாராமே...? (சு.கமலக்கண்ணன், செய்யார்)

என் ‘கால்ஷீட்’ கிடைக்காதவர்கள் கிளப்பி விட்ட வதந்தி அது! கதாநாயகிகள் விஷயத்தில், நான் தலையிடுவதில்லை’’ என்கிறார், சிவகார்த்திகேயன்!

***

பழைய கதாநாயகி சுலக்ஷனா இப்போது எங்கே இருக்கிறார், அவருக்கு எத்தனை குழந்தைகள்? (எம்.ரமணன், வேதாரண்யம்)

சுலக்ஷனா, சென்னையில்தான் இருக்கிறார். அவருக்கு தோளுக்கு மேல் வளர்ந்த 2 மகன்கள் இருக்கிறார்கள்!

***

‘காக்கா முட்டை’ படத்தை தயாரித்த தனுஷ், தொடர்ந்து படங்களை தயாரிப்பாரா? (ஜெ.விக்டோரியா, திருச்சி)

தொடர்ந்து படம் தயாரிப்பதற்காகத்தான் தனுஷ் சொந்த பட நிறுவனத்தை தொடங்கியிருக்கிறார்!

***

‘சவுகார்பேட்டை’ படத்தில் பேய் யார், பேயோட்டி யார்? (சி.கோகுல், தேனி)
-

-

பேய், ராய் லட்சுமி. அதை ஓட்டும் மந்திரவாதி, ஸ்ரீகாந்த்!

***

குருவியாரே, அந்தக்காலத்தில் வெளிவந்த 16 வயதினிலே படத்துக்கும், சமீபத்தில் திரைக்கு வந்த 36 வயதினிலே படத்துக்கும் என்ன ஒற்றுமை? (ஆர்.சாமிக்கண்ணு, நாகர்கோவில்)

இரண்டுமே கதாநாயகிக்கு முக்கியத்துவம் உள்ள கதையம்சம் கொண்ட படம். 16 வயதினிலே படத்துக்குப்பின், ஸ்ரீதேவி மிகப்பெரிய புகழ் பெற்றார். அதேபோல், 36 வயதினிலே படத்துக்குப்பின், ஜோதிகாவுக்கு பாராட்டுகள் குவிந்ததுடன், அவர் தொடர்ந்து நடிப்பாரா? என்ற எதிர்பார்ப்பையும் ஏற்படுத்தி இருக்கிறது!

***

‘மாரி’ படத்தில், காஜல் அகர்வால் என்ன வேடத்தில் நடிக்கிறார்? (எஸ்.கதிரேசன், பேரணாம்பட்டு)

‘பேஷன் டிசைனர்’ ஆக நடித்து இருக்கிறார்!

***
பேய் படங்களை தயாரிக்கும் தயாரிப்பாளர்கள், சரித்திர படங்களையும், புராண படங்களையும் தயாரிக்க முன்வருவதில்லையே? (என்.ராமகிருஷ்ணன், பழனி)

பேய் வசூல் செய்கிற அளவுக்கு சரித்திரமும், புராணமும் வசூல் செய்யாது என்று தயாரிப்பாளர்கள் நம்புவதால்தான்...!

***

ஆண்ட்ரியா பயந்த சுபாவமா, துணிச்சல் மிகுந்தவரா? (கே.சித்தார்த், மதுரை)

‘பயம்’ என்றால் கிலோ என்ன விலை? என்று கேட்கிற அளவுக்கு துணிச்சல் மிகுந்தவர், ஆண்ட்ரியா!

***

டான்ஸ் மாஸ்டர்–டைரக்டர் பிரபுதேவா கதாநாயகனாக அறிமுகமான படம் எது? அவர் கதாநாயகனாக நடித்து திரைக்கு வராத படம் எது? (டி.மகாராஜன், வேலூர்)

பிரபுதேவா கதாநாயகனாக அறிமுகமான படம், ‘காதலன்!’ அவர் கதாநாயகனாக நடித்து திரைக்கு வராத படம், ‘களவாடிய பொழுதுகள்!’

***
பிரியா ஆனந்தின் ‘பிரியத்துக்குரிய’ நடிகர்கள் யார்–யார்? (ஜி.செல்வா, கரூர்)

அதர்வாவும், கவுதம் கார்த்திக்கும்!

***

நித்யா மேனனின் பூர்வீகம் கர்நாடகாவா? (கே.நடராஜன், திருவண்ணாமலை)

நித்யா மேனனின் பூர்வீகம், கேரளா. அவர் வசிப்பது, கர்நாடகாவில்...!
-
--------