வீட்டுக்கு வந்த வெற்று பார்சல்: பல் இளிக்கும் ஆன்லைன் வர்த்தகம்!

திருச்சி: பிரபல ஆன்லைன் வர்த்தக நிறுவனம் ஒன்று, வாடிக்கையாளர் பதிவு செய்த பொருளுக்கு பதிலாக வெற்று பார்சலை அனுப்பி வைத்த சம்பவம், திருச்சியில் அதிர்ச்சியை ஏற்படுத்தி உள்ளது.

ஆன் லைன் வர்த்தகம் இந்தியாவில் கொடிகட்டி பறந்துகொண்டிருக்கி றது. கிளிக் செய்தால் போதும் அடுத்த சில நாட்களில் வீடுதேடி பொருள் வரும். அலைச்சல் இல்லை என்பதும், வீட்டுக்கே பொருள் வரும் என்பதுதான் பிளஸ்.

பிலிப்கார்ட் இந்தியா, ஸ்நாப் டீல், அமேசான், ஆஸ்க் மி பசார், அமேசான், ஜாஸ்பர் இன்போடெக், செரியன் ரீடெய்ல் என விதவிதமான இணைய தளங்கள் ஆன்லைன் ஷாப்பிங்கில் கொடிகட்டிப் பறக்கின்றன. பிரபலமான பொருட்களை உங்கள் வீடுதேடி தந்து ஆச்சர்யமூட்டும் அதேநேரம், ஆன்லைன் விற்பனையில் மோசடி புகார்களும் அடிக்கடி எழுந்துகொண்டேதான் உள்ளன.

திருச்சி ராஜாகாலணியைச் சேர்ந்த குகன் ராஜ் ஆன்லைன் மூலம் பொருட்கள் வாங்குவதில் மிகுந்த நம்பிக்கை கொண்டவர். அவரது மனைவி ஆன்லைனில் புக் செய்த வளையலுக்கு பதில் வெற்று வெற்று பெட்டியை அனுப்பியுள்ளது பிரபல ஆன்லைன் வர்த்தக நிறுவனம்.

இதுகுறித்து நம்மிடம் பேசிய குகன்ராஜ், “ஒரு வாரத்திற்கு முன் எனது மனைவி அந்த நிறுவனத்தின் இணைய தளத்தில் அவருக்கு பிடித்த வளையல்களை ரூபாய் 510 க்கு புக் செய்திருக்காங்க. இன்னும் இரண்டு நாளில் கிடைக்கும்னு சொல்லவே பணத்தை வைச்சிக்கிட்டு காத்திருந்தாங்க. எதிர்பார்த்தபடி, கடந்த வியாழக்கிழமை பார்சலை கொண்டுவந்து கொடுத்தாங்க.

அந்த பார்சலை பிரித்துபார்த்தபோது வெறும் பாக்ஸ் மட்டுமே இருந்துச்சு. பார்சல் கொடுத்தவரை கேட்டால் எங்களுக்கு பார்சல் கொடுப்பது மட்டும்தான் வேலை. நீங்கள் கம்பெனிக்கு போன் செய்துகேட்டுக்கங்க என்று பதில் சொல்லிவிட்டு சென்றுவிட்டார்.



நான்அந்த கம்பெனியின் கஸ்டமர் கேர் நம்பருக்கு போன் செய்துகேட்டேன். போனை எடுத்த ஒரு பெண்மணி 'எங்க எக்ஸிகியூட்டிவ் ஆபிசர் உங்களை சந்திப்பாங்க' ன்னு சொல்வி கட் பண்ணிட்டாங்க. ஆனா இதுவரை ஒருத்தரும் வந்து பார்க்கல. பணத்தையும் கொடுத்துட்டு யாருக்கிட்ட போய் இதுக்கு முறையிடுறதுன்னு தெரியாமல் தவிச்சிக்கிட்டு கிடக்கிறோம். நுகர்வோர் நீதிமன்றத்தில் வழக்குபோட திட்டமிட்டிருக்கிறேன். இதை சட்டபடி கொண்டுபோக உள்ளோம்" என்றார்.

வளையலுக்கு பதிலாக வெற்று பாக்ஸை அனுப்பி வைத்த சம்பவம் திருச்சி மக்களை அதிர்ச்சியடைய வைத்துள்ளது.

சி.ஆனந்தகுமார்

எல்லா நாடுகளிலும் online வர்த்தகத்தில் ஈடுபடும் வலைத்தளங்கள் பொருட்களுக்கு பணம் கொடுப்பது / திருப்பி கொடுப்பது சம்பந்தமாக ஒரு நடைமுறை வைத்திருப்பார்கள். அதை terms & condition இல் படித்து பார்த்துவிட்டு திருப்தி அளிக்கும் விதமாக இருந்தால் மட்டுமே அந்த நிறுவனத்தில் பொருட்கள் வாங்க வேண்டும்.

ஆனாலும் இந்த அவசர யுகத்திற்கு இது தேவையாய் தான் இருக்கிறது. கணினி காலம் இது கண்டதையும் வாங்கி குவிக்கிறோம்.

நம்பிக்கை இல்லாத ஆன்லைன் வர்த்தகத்தில் வாங்குவது தவிர்க்கலாம்...!

return policy என்று உண்டு . பிடிக்காத பொருளையும் , சேதமடைந்த பொருளையும் ,
கேட்டு இருக்கும் பொருளாக ஒன்றிருக்க வேறேன்றை அனுப்பி இருந்தாலோ ,
மேற்கண்ட ஷரத்துப்படி திருப்பி அனுப்ப முடியும் .
ரமணியன்

என்ன சரா ,இதெல்லாம் கவனிக்கக் கூடாதா ?
நீங்க இருக்கும் திருச்சிலே இப்பிடி நடக்க விடலாமா ??

ரமணியன்

பொருள் மாரி வருவது அடிகடி நடக்கிறது ஆனால் வெறும் பார்சல் வருவது அதிர்ச்சி அழிகின்றன ....