குருபெயர்ச்சியால் ஜெ.,க்கு பிரச்னை : கருணாநிதி முதல்வர் வாய்ப்பு

First topic message reminder :


-
சென்னை : இன்று நடைபெறும் குருபெயர்ச்சியால் முதல்வராக இருக்கும் ஜெயலலிதாவிற்கு பிரச்னைகள் ஏற்படும் எனவும், திமுக தலைவர் கருணாநிதி மீண்டும் முதல்வராக பொறுப்பேற்பார் எனவும் ஜோதிடர்கள் கணித்துள்ளனர்.

குருப்பெயர்ச்சி :


எண் கணித பஞ்சாங்கத்தின்படி குரு பகவான் ஆயில்ய நட்சத்திரம் கடக ராசியில் இருந்து மகம் நட்சத்திரம் சிம்மராசிக்கு இன்று இரவு பெயர்ச்சி அடைகிறார். ஓராண்டு காலம் நீடிக்கும் குருவால் அரசு மற்றம் அரசியலில் குறிப்பிடத்தக்க மாற்றங்கள் நிகழும் எனவும், புதிய கூட்டணிகளால் மக்களுக்கு நன்மை ஏற்படும் எனவும் ஜோதிடர்கள் கணித்துள்ளனர். தமிழகத்தில் தற்போதிருக்கும் அரசியல் சூழலில், பெரிய அளவில் மாற்றத்தை இந்த குருபெயர்ச்சி ஏற்படுத்தும் என கூறப்படுகிறது.


ஜெ.,க்கு பிரச்னை :


மகம் நட்சத்திரத்தில்ல் பிறந்த ஜெ.,க்கு இந்த குருப்பெயர்ச்சி அவ்வளவு சாதகமாக இல்லை என்றே கூறப்படுகிறது. இவருக்கு இன்னும் ஓராண்டிற்கு சனி புத்தி உள்ளதாம். சனி புத்தியில் குரு திசை ஏற்பட்டால் பின்னடைவை ஏற்படுத்துமாம். மகுடத்தை பறிக்கும் வாய்ப்பு ஏற்படுமாம். சனி புத்தி உச்சம் பெற்றிருப்பதால் பல்வேறு பிரச்னைகளை சந்திக்கும் நிலை ஏற்பட வாய்ப்பு இருப்பதாக கூறப்படுகிறது.


கருணாநிதிக்கு சாதகம் :


மிருகசிரீடம் நட்சத்திரத்தில் பிறந்த கருணாநிதிக்கு, இந்த குருப்பெயர்ச்சியில் சந்திரன் உச்சம் பெற்றிருப்பதால் அவர் சொல்வதே வேத வாக்காக அமையுமாம். குரு 3ம் இடத்தில் இருந்து 4ம் இடத்திற்கு வருவதால் இந்த ஓராண்டு அரசியலில் சாதக பலன்களை தராதாம். இருந்த போதிலும் 2016ம் ஆண்டு மே மாதம் குரு, கருணாநிதியின் ராசிக்கு 5ம் இடத்திற்கு செல்வதால் இழந்த பதவி கிடைக்குமாம். இதனால் அவர் மீண்டும் முதல்வர் பதவியில் அமரும் சாதக நிலை ஏற்படுமாம்.
--

தினமலர்