இந்தியப் பெருங்கடலில் சீன நீர்மூழ்கிக் கப்பல்கள்: கவலை வேண்டாம் என சீனா விளக்கம்

**ayyasamy ram** · **ayyasamy ram** Sun Jul 05, 2015 8:15 am

கடற்கொள்ளைச் சம்பவங்களைத் தடுக்கவே, இந்தியப் பெருங்கடலில் சீன நீர்மூழ்கிக் கப்பல்கள் நிலை நிறுத்தப்பட்டுள்ளன. அதனால் இந்தியாவின் பாதுகாப்புக்கு எந்தவித அச்சுறுத்தலும் ஏற் படாது என்று சீன ராணுவம் தெரிவித்துள்ளது.

இதுகுறித்து ஷாங்காய் கப்பல் படைத் தளத்தின் தளபதி வெய் சியான்டாங் செய்தியாளர் களிடையே கூறியதாவது:

மற்ற கப்பல்களோடு கடற் கொள்ளைச் சம்பவங்களைத் தடுப்பதில் நீர்மூழ்கிக் கப்பல் களும் செயலாற்றும். எதிர்காலத்தில் சீன மற்றும் இந்திய கப்பல் படைகள் கடல்சார் பாதுகாப்பை உறுதி செய்ய இணைந்து பணியாற்றும்.

இந்நிலையில், இந்திய கடல் எல்லையைச் சுற்றி வளைக்கும் விதமாக சீனா தனது கப்பல்படை கப்பல்களை நிலை நிறுத்தி யுள்ளது என்று கூறுவது தவறான கருத்தாகும்.

நாங்கள் இவ்வாறு கப்பல்களை நிலைநிறுத்துவதன் மூலம் மற்ற நாடுகளை அச்சுறுத்துவது இல்லை.

சீன கப்பல் படையுடன் சேர்ந்து இந்திய கப்பல்படையும் இணைந்து ராணுவப் பயிற்சிகள் மேற்கொள்ள வேண்டும் என்று நாங்கள் விரும்புகிறோம். இவ்வாறு அவர் கூறினார்.

இந்தியா தவிர, பாகிஸ்தான், இலங்கை, வங்கதேசம், மாலத் தீவுகள் மற்றும் சோமாலியா ஆகியவற்றின் கடல் எல்லைகளிலும் சீனா தனது கப்பல் களை நிலைநிறுத்தியிருப்பது பெரும் விமர்சனத்துக்கு உள்ளாகி வருவது குறிப்பிடத் தக்கது.
============
தமிழ் தி இந்து காம்

வேல்முருகன் · வேல்முருகன் Sun Jul 05, 2015 6:28 pm

‘என்னம்மா இப்படி பண்றீங்களேம்மா…’

இந்தியப் பெருங்கடலில் சீன நீர்மூழ்கிக் கப்பல்கள்: கவலை வேண்டாம் என சீனா விளக்கம்