பார்த்தேன்... கேட்டேன்... சொல்கிறேன்

பார்த்தேன்... கேட்டேன்... சொல்கிறேன்...

ஆசிரியர் அனுபவத் தொடர்


அந்தப்
பெண்ணுக்கு இப்போது வயது 40. ஏறத்தாழ 20 ஆண்டுகளாக தான்
சுமந்துகொண்டிருக்கும் வேதனையுடன் இப்போது என்னைத் தேடி வந்திருக்கிறாள்.

படிக்கும்
காலத்தில் எல்லா இளம் பெண்களையும் போலத் துள்ளித் திரிந்தவள்தான்.
படித்து முடித்து திருமணம் முடிந்தவுடன்தான் அவள் வாழ்க்கையில் பிரச்சனை
தொடங்கியிருக்கிறது.

திருமணத்திற்குப்
பிறகு வேலைக்குச் சென்றாள். தொடர்ந்து கணிணியின் முன்பு அமர்ந்திருக்க
வேண்டிய வேலை. இதனால் உடல் ரீதியாகவும், மன ரீதியாகவும் இனம்புரியாத
அழுத்தம் அவள்மீது கவிந்தது.

கணவனுடன் முதலில் சின்னச் சின்ன சண்டையில் தொடங்கி, பிறகு பார்த்தாலே பத்திரகாளி ஆட்டம் போடத் தொடங்கிவிட்டாள்.

நாளாக நாளாக அவளது இந்தப் போக்கு அதிகமானதே தவிர, குறைந்தபாடில்லை.

நரம்பியல் வல்லுநர்கள், மனநல மருத்துவர்கள் என பல இடங்களுக்கும் போய்விட்டு கடைசியாக என்னிடம் வந்து சேர்ந்தள்ளாள்.

இப்போது அந்தப் பெண்ணின் மகளுக்கு 20 வயது நெருங்குகிறது.

அவளுடைய இந்தப் போக்கு அந்தக் குடும்பத்தையே கலக்கத்தில் ஆழ்த்தியிருந்தது.

நான் அந்தப் பெண்ணிடம் பேச்சுக் கொடுத்து விசாரித்தேன்.

அவள் மெல்ல பேசத் தொடங்கினாள்.

நான்
செய்வது தவறு என்று எனக்குத் தெரிகிறது. ஆனாலும் என்னைக் கட்டுப்படுத்திக்
கொள்ள முடியவில்லை. வேதாளம் முருஙகை மரத்தில் ஏறுவது போல் ஆகிவிடுகிறது.
என்னால் யாருக்கும் நிம்மதியில்லை. இப்போதெல்லாம் தற்கொலை செய்துகொள்ள
வேண்டும் என்று அடிக்கடி தோன்றுகிறது என்று கூறினாள்.

அந்தப் பெண் மிகவும் ஆபத்தான மன நிலையில் இருப்பது அவள் பேச்சிலிருந்தே புரிந்தது.

முதலில் மூளைக்கும், உடலின் இதரப் பகுதிகளுக்குமான இரத்த ஓட்டத்தைச் சீராக்குவதற்கான சிகிச்சையைத் தொடங்கினேன்.

தொடர்ந்து மூச்சுப் பயிற்சியினால் சரநிலையை ஒழுங்குபடுத்தினேன்.

தொடர்ந்து ஒரே இடத்தில் அமர்ந்து ஒரே வேலையை பல ஆண்டுகளாக செய்து கொண்டிருப்பதால் ஏற்பட்ட விளைவு இது.

முதுகுத்தண்டு,
மூளை இவற்றிற்கு அதிக அழுத்தம் ஏற்படும்போது நெற்றியில் உள்ள திலர்த
காலம் தொடங்கி உடலில் உள்ள வர்மப் புள்ளிகள் அனைத்தும்
பாதிக்கப்படுகின்றன.

இதை வெறும் மனநோய் என்று வகைப்படுத்தி அதற்கான சிகிச்சையை அளித்து வருவதால் எத்தனை ஆண்டுகள் ஆனாலும் குணம் தெரியாது.

வர்ம
யோக சிகிச்சை மூலம் மட்டுமே இதைக் குணப்படுத்த முடியும். புலன்களின்
இயக்கம் நரம்புகளின் மூலம்தான் நடைபெறுகிறது. நரம்புகளை இயக்குவது வர்மப்
புள்ளிகள்தான். வர்மப் புள்ளிகளை ஒழுங்படுத்தும்போது மூளை உட்பட உடலின்
அனைத்து இயக்கங்களும் ஒழுங்குக்கு வருகின்றன.

இப்போது அந்தப்பெண் குணமாகி குடும்பத்தாருடன் மகிழ்ச்சியாக இருந்துவருகிறாள்.

வெறும் மனப் பிரச்சனையாகப் பார்க்காமல் வர்ம அடிப்படையில் அவளுடைய நோயை அணுகியதால் தான் அவள் பூரண குணமடைய முடிந்தது.