உழைப்பு, உறக்கம், தாம்பத்யம்

seethamani · seethamani Mon Nov 16, 2009 1:59 pm

நல்ல உடலுழைப்பு இருந்தால் தான் தேவை இல்லாத அணுக்கள் தினந்தோறும் வெளியேறும். அப்பொழுது தான் உணவிலிருந்து எடுக்கக்கூடிய நல்ல அணுக்கள் சிற்றறைகளுக்குப் போய்ச் சேரும். உடலுக்குத் தேவையான அளவு உணவும், உழைப்பும் வேண்டும் என்பதோடு, போதிள அளவு ஓய்வும் வேண்டும். அந்த ஓய்வு நேரத்தில்தான், மனிதன் தான் செய்த தவறுகளை எல்லாம் சரி செய்யும் பணியில் இயற்கை ஈடுபடுகிறது. தாயார் குழந்தையைத் தூங்க வைத்துப் பார்த்துக் கொண்டு இருக்கிற மாதிரி இயற்கை நமக்கு உறக்கத்தைக் கொடுத்துவிட்டு எந்நெத் இடத்தில் நையச் செய்தோமோ, துவளச் செய்தோமோ அந்த இடத்தையெல்லாம் செப்பனிட்டுப் புதுப்பிக்கிறது. அதனாலே, உணவும் வேண்டும், உழைப்பும் வேண்டும், ஓய்வும் வேண்டும்.

அடுத்தது தாம்பத்யம். எல்லோருக்கும் இயற்கையான மற்றக் கழிவைப் போல அதுவும் ஒரு கழிவு. இயற்கையாக வேகம் வரும்போது காலத்தாலே நீக்கிக் கொள்ள வேண்டியதுதான். மிச்சத்தைக் கழிப்பது என்ற அளவுக்குத்தான் தாம்பத்யம் தேவையே தவிர இருக்கிற விந்து இருப்பில் குறைந்து விட்டால், அது உயிர்ச்சக்தியைக் குறைத்து விடும். உடலிலே உயிரைத் தாங்கி நிற்கக் கூடிய மின்கலம் இந்த விந்து நாதம் தான். அது குறையக் குறைய உயிர்ச்சக்தி குறையும். உயிர்ச்சக்தி குறையக் குறைய, சீவகாந்த சக்தி குறையும், அது குறைந்தால் உடல் முழுவதும் இயற்கையாக அடுக்கப்பட்டுள்ள சிற்றறைகள் (Cells) சீர்குலைந்து போகும்.

ஆகவே, குறிப்பிட்ட அளவு போக மீதியை தாம்பத்தியத்தில் கழிப்பது என்று வைத்துக்கொண்டால் பாதிப்பு இராது. தாம்பத்யத்தில் ஏதோ இன்பம் இருக்கிறது என்பதற்காக மேலும் மேலும் ஈடுபட்டால் விந்து இருப்பு குறைந்து நரம்புகள் தளர்ச்சியுறும். இன்பம் என்பதைவிடத் துன்பமில்லாமல் பார்த்துக் கொள்வதுதான் குறிக்கோள் என்ற விழிப்புணர்வுச் சிந்தனை இருந்தால், அது சரியான இடத்திற்கு கொண்டு வந்து விடும்.