சீன எழுதுபொருள் தயாரிப்பு நிறுவனம் இந்தியாவில் தொடக்கம்

-
–

எழுதுபொருள்களை அறிமுகப்படுத்தும் ஒய் பிளஸ் நிறுவனத்தின் சீன இயக்குநர் மயிங்டா டெரி மா, இந்திய இயக்குநர் அஸ்வின் குமார் டி ஜெயின், வேலம்மாள் கல்வி அறக்கட்டளையின் முதன்மை செயல் அதிகாரி எம்.வி.எம். வேல்முருகன், நிறுவனத்தின் சந்தைப்படுத்துதல் ஆலோசகர் இர்பான் சயீத் ஷேக்.

————————————————————————————

சீனாவில் பிரபலமாக உள்ள “ஒய் பிளஸ்’ எழுதுபொருள்கள் நிறுவனம் இந்தியாவில் வெள்ளிக்கிழமை தொடங்கப்பட்டது.

சீன நாட்டில் “ஒய் பிளஸ்” என்ற நிறுவனம் செயல்பட்டு வருகிறது. இந்த நிறுவனம் எழுதுபொருள்களான பென்சில், அழிப்பான், “ஷார்ப்பனர்’ உள்ளிட்ட பொருள்களை தயாரித்து உலகம் முழுவதும் விற்று வருகிறது. இந்த நிலையில் இந்த நிறுவனம் இந்தியாவில் உற்பத்தி, விற்பனையைத் தொடங்கியுள்ளது.

இந்த நிறுவனத்தின் இந்தியப் பிரிவை வேலம்மாள் கல்வி அறக்கட்டளையின் முதன்மை செயல் அதிகாரி எம்.வி.எம். வேல்முருகன் வெள்ளிக்கிழமை சென்னையில் நடைபெற்ற நிகழ்ச்சியில் தொடக்கி வைத்தார்.

இந்த நிகழ்ச்சியில், நிறுவனத்தின் சீன இயக்குநர் மயிங்டா டெரி மா, இந்திய இயக்குநர் அஸ்வின் குமார் டி ஜெயின், சந்தைப்படுத்துதல் ஆலோசகர் இர்பான் சயீத் ஷேக் உள்ளிட்டோர் கலந்து கொண்டனர்.

இந்த நிறுவனத்தின் 51 சதவீத பங்கு சீன நிர்வாகிகளிடமும், 49 சதவீத பங்கு இந்திய நிர்வாகிகளிடமும் இருக்கும். நிறுவனத்துக்கு சென்னையில் தயாரிப்பு நிலையமும் அமைக்கப்பட்டுள்ளது.

எழுதுபொருள் உற்பத்தி துறையில் சீன நிறுவனம் ஒன்று இந்தியாவில் முதலீடு செய்வது இதுவே முதல்முறை என்று நிறுவனத்தின் இந்திய இயக்குநர் அஸ்வின் குமார் டி ஜெயின் தெரிவித்தார்.

=தினமணி

T.N.Balasubramanian wrote:நல்ல செய்தி !
வேலை வாய்ப்புகள் தோன்றும் .

நன்றி ,ram .
ரமணியன்

மேற்கோள் செய்த பதிவு: 1148325
-
அப்படி ஒன்றும் வேலை வாய்ப்புகள் பெருகாது..!!
-
இந்தியாவில் இத்தொழிலில் இருப்பவர்கள்
சவாலை சந்திக்க நேரிடும்...என்றே கருதுகிறேன்