தும்மல்

**M.Jagadeesan** · **M.Jagadeesan** Sat Jun 27, 2015 6:58 pm

தும்மல்
=======

இரவுமணி10இருக்கும்.படுக்கலாம்என்றுபடுக்கைஅறைக்குச்சென்றேன்.படுக்கை யெல்லாம் தூசி படிந்து அலங்கோலமாகக் காட்சிஅளித்தது.படுக்கை விரிப்பை வராந்தாவுக்கு எடுத்துச்சென்று தூசி தட்டினேன்.தூசித்துகள்கள் மூக்கிலே ஏற பலமாக ஹா..ச்,ஹா..ச் சென்றுஇருமுறை தும்மினேன்.

" நூறாண்டு வாழ்க!" என்று சொல்லி சிரித்துக்கொண்டே என்மனைவிஜோதி வந்தாள்.திடீரென்று அவள் முகம் கறுத்தது."ஆமாம்! யாராவது நினைத்தால்தானே தும்மல் வரும்? இந்த நேரத்தில் யார் உங்களை நினைத்துக் கொள்கிறார்கள்? உண்மையைச் சொல்லுங்கள்!" என்றாள்

"என் நண்பர்கள் யாராவது நினைக்கலாம்;அல்லது எனக்குக் கடன் கொடுத்
தவன் யாராவது கொடுத்தகடன் வருமா,வராதா? என்று நினைத்திருக்கலாம்."என்று சொன்னேன்.

நான் சொன்ன பதிலால் அவள் சமாதானம் அடையாமல்,"அவர்கள் ஏன்இந்த இரவு நேரத்தில் உங்களை நினைக்கப் போகிறார்கள்.உங்களோடுபணிபுரியும் எவளாவது நினைத்திருக்கலாம் அல்லவா?ஆண்களை எப்போதும் நம்ப முடியாது."என்று சொல்லிக் கண்ணைக் கசக்கினாள்.

"ஜோதி! யாராவது நம்மை நினைத்தால் நமக்குத் தும்மல் வரும் என்பது
ஒரு நம்பிக்கை! படுக்கையிலுள்ள தூசியைத் தட்டினேன்.அதனால் தும்மல்
வந்தது;இதையெல்லாம் பெரிதுபடுத்தாதே!" என்று நான் சொல்லி முடிப்ப
தற்குள் என் மனைவி பலமாக "ஆ...ச்"சென்று தும்மினாள்.தும்மியவள்
என்னை மிரள,மிரளப் பார்த்தாள்.

"பயப்படாதே! ஜோதி! நீ என்னை நினைத்தது போல, நான் உன்னை நினைக்க மாட்டேன்" என்று நான் சொன்னவுடன் அவள் கண்களிலிருந்து பொல
பொலவென்று நீர் கொட்டியது.அப்படியே என்மீது சாய்ந்து கொண்டாள்.

வழுத்தினாள் தும்மினே னாக அழித்துஅழுதாள்
யாருள்ளித் தும்மினீர் என்று. ( புலவி நுணுக்கம் -1317 )

பொருள்: நான் தும்மியவுடன் என்னை வாழ்த்தியவள், பிறகு யாரோ ஒரு
பெண் நினைத்ததால் தான் எனக்குத் தும்மல் வந்தது என்று சொல்லி
அழுதாள்.

**T.N.Balasubramanian** · **T.N.Balasubramanian** Sat Jun 27, 2015 8:47 pm

மதியம் 2 மணியிலிருந்து ஒரே தும்மல் .
தலைப்பை கண்டதும் தும்மலுக்கு நிவாரணம் கிடைக்கும் என படித்தேன் .
ஏமாற்றமாக இருந்தாலும் , ஏமாற்றவில்லை .

ரமணியன்

shobana sahas · shobana sahas Sun Jun 28, 2015 2:19 am

அருமையான குட்டி கதை அய்யா . ரொம்ப நல்ல இருக்கு . சூப்பர் அருமையிருக்கு

**M.Jagadeesan** · **M.Jagadeesan** Sun Jun 28, 2015 9:02 am

ஷோபனாவுக்கு நன்றி !

**krishnaamma** · **krishnaamma** Sat Aug 22, 2015 2:38 pm

புரை ஏறினால் தானே யாரோ நினைத்துக்கொள் கிறார்கள் என்று சொல்லுவா?.....தும்மினால் கூடவா?............... அநியாயம்

**M.Jagadeesan** · **M.Jagadeesan** Sun Aug 23, 2015 7:49 am

krishnaamma wrote:புரை ஏறினால் தானே யாரோ நினைத்துக்கொள் கிறார்கள் என்று சொல்லுவா?.....தும்மினால் கூடவா?...............

[You must be registered and logged in to see this link.]
புரை ஏறினால் நம்மை யாரோ நினைத்துக் கொள்கிறார்கள் என்ற நம்பிக்கை பிற்காலத்தில் வந்தது .

**krishnaamma** · **krishnaamma** Tue Aug 25, 2015 9:55 am

M.Jagadeesan wrote:
krishnaamma wrote:புரை ஏறினால் தானே யாரோ நினைத்துக்கொள் கிறார்கள் என்று சொல்லுவா?.....தும்மினால் கூடவா?...............
[You must be registered and logged in to see this link.]
புரை ஏறினால் நம்மை யாரோ நினைத்துக் கொள்கிறார்கள் என்ற நம்பிக்கை பிற்காலத்தில் வந்தது .

[You must be registered and logged in to see this link.]

ஒ...ஐயா ! புன்னகை

........
//"பயப்படாதே! ஜோதி! நீ என்னை நினைத்தது போல, நான் உன்னை நினைக்க மாட்டேன்" என்று நான் சொன்னவுடன் அவள் கண்களிலிருந்து பொல
பொலவென்று நீர் கொட்டியது.அப்படியே என்மீது சாய்ந்து கொண்டாள்.//

என்பதற்கு பதில், ""பயப்படாதே! ஜோதி! இப்போ நான் தான் உன்னை நினைத்தென்"......"இவளுக்கு எப்படி சொல்லி புரியவைப்பது என்று".என்று சொல்லி சிரித்திருக்கலாம் அவர் புன்னகை

................
.
.
சும்மா ஒரு சஜஷன் தான் ஐயா புன்னகை

Sponsored content · Sponsored content

தும்மல்

தும்மல்

Re: தும்மல்

Re: தும்மல்

Re: தும்மல்

Re: தும்மல்

Re: தும்மல்

Re: தும்மல்

Re: தும்மல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக