தூர் வாராதே !

**M.Jagadeesan** · **M.Jagadeesan** Sat Jun 27, 2015 12:21 pm

தூர் வாராதே !
==========
உன் மனக் கிணற்றிலே குதித்து நான்
தூர் வாரிய போது அது
நிர்மலமாய் இருக்கக் கண்டு
நிம்மதியடைந்தேன்.
அங்கு,
என் நினைவைத் தவிர வேறு
ஆடவனின் ...இல்லையில்லை
அந்த ஆண்டவனின் நினைவுகூட
இல்லாதிருக்கக் கண்டு இன்பமடைந்தேன்.

உன் மனக் கிணற்றிலே குதித்து நான்
தூர் வாரியது போல
என் மனக் கிணற்றிலே குதித்துத்
தூர் வார நீ விரும்புகிறாய் !

அத்திப் பழத்தைப் பிட்டால் அத்தனையும் சொத்தைதான்
ஆண்களின் மனமும் அப்படித்தான்.
தூர் வாரத் தொடங்கினால் துர்நாற்றம் கிளம்பும்
துயரந்தான் மிஞ்சும்.

பொய், களவு, சூது, பொறாமை,பிறன்மனை நயத்தல் போன்ற
அள்ள அள்ளக் குறையாத அசிங்கங்கள்
அங்கே இருக்கக் கண்டு அதிர்ச்சி அடைவாய்!

முன்பொரு நாள்
மலையை மத்தாக்கி , பாம்பைக் கயிறாக்கித்
தேவர்களும், அசுரர்களும் கடலைக் கடைந்து
தூர் வாரியபோது
அமுதமும், ஆலகால விஷமும் தோன்றியதாம்.

என் மனதைத் தூர் வார விரும்பும் பெண்ணே!
உனக்கு ஓர் எச்சரிக்கை !
என் மனக் கிணற்றில் நீ தூர் வாரும்போது
அமுதம் தோன்றாது என்று அடித்துச் சொல்லுகின்றேன்.

என் மனச்
சேற்றிலே பிறந்த செந்தாமரை நீ!
இனி அங்குத்
தூர் சேரவிடாது தூய்மையோடு வைத்திருப்பேன்
என்று அந்தக்
கார்மேக வண்ணன் கண்ணனின் மீது......
இல்லையில்லை
ஒருவனுக்கு ஒருத்தி என்று வாழ்ந்த
இராமனின் மீது ஆணையிட்டு உரைக்கின்றேன்!

தமிழினியன் · தமிழினியன் Sat Jun 27, 2015 3:19 pm

அருமை ஐயா !

shobana sahas · shobana sahas Sun Jun 28, 2015 2:43 am

அருமை அய்யா தூர் வாராதே ! 103459460

**M.Jagadeesan** · **M.Jagadeesan** Sun Jun 28, 2015 9:00 am

நன்றி ஷோபனா .

**ayyasamy ram** · **ayyasamy ram** Sun Jun 28, 2015 6:19 pm

வேல்முருகன் · வேல்முருகன் Sun Jun 28, 2015 6:38 pm

அத்திப் பழத்தைப் பிட்டால் அத்தனையும் சொத்தைதான்
ஆண்களின் மனமும் அப்படித்தான்.
தூர் வாரத் தொடங்கினால் துர்நாற்றம் கிளம்பும்
துயரந்தான் மிஞ்சும்.

ஐயா இந்த உலகில் எத்தனையோ நல்ல ஆண் மகன்கள் மற்றும் மகான்கள் உள்ளனர் ....இதில் ஆண்கள் என்பதை விட என் மனதை என்று இருந்தால் ......எப்படி இருக்கும்......என்பது என் கருத்து..... தூர் வாராதே ! 1757813334