தாவரங்களுக்கும் விருப்பு- வெறுப்பு!

இந்த உலகில், நாம் அறியாத பல விஷயங்கள் அவ்வப்போது வெளிப்பட்டு, நம்மை ஆச்சரியத்தில் ஆழ்த்திக்கொண்டே இருக்கின்றன. அதிலும், லட்சக்கணக்கில் பரந்து விரிந்திருக்கும் தாவரங்கள், விலங்குகள் பற்றி நாம் அறிந்த விஷயங்களை விட அறியாத தகவல்கள் அதிகம்.

அந்த வரிசையில், மனிதர்களிடமும், விலங்குகளிடமும் இருப்பதைப் போலவே, தாவரங்களுக்கும் விருப்பும் வெறுப்பும் உண்டு என்கிறார்கள் தாவரவியல் அறிஞர்கள்.

உதாரணமாக, வெள்ளைப் பூண்டு செடிக்கு அருகில் நடப்படும் ரோஜா செடி மிக நன்றாக வளர்வதுடன், அதன் பூக்களும் பெரிதாக, நல்ல மணத்துடன் உள்ளன. இந்த ரோஜா செடியை பூச்சிகள் கூடத் தாக்குவதில்லை.

வெள்ளைப் பூண்டுச் செடியின் வேர்களிலிருந்து சுரக்கும் ஒருவகை நீரை ரோஜா செடியின் வேர்கள் உறிஞ்சிக்கொள்கின்றன. இதனால்தான் ரோஜா செடிக்கு அதீத பலமும், எதிர்ப்புச் சக்தியும் கிடைக்கிறது. பூண்டும் ரோஜாவும் நேசம் கொள்கின்றன. இவை தோழமைச் செடிகள் எனப்படுகின்றன.

ஆனால் முட்டைக்கோஸும், பீன்ஸும் இதற்கு நேர்மாறான உணர்ச்சிகளைக் காண்பிக்கின்றன. வெள்ளைப் பூண்டுச் செடிக்கு அருகே இச்செடிகளை நட்டால், இவை நலிவுறுகின்றன.

'ரூ' என்றொரு செடி இருக்கிறது. இதை வீடுகளில் ஜன்னல் பக்கம் வளர்த்தால் ஈக்கள் முதலானவை அந்த வீட்டினுள் நுழையாது. ஆனால் இதற்கும், மற்ற தாவரங்களுக்கும் அவ்வளவு ஒத்துப் போவதில்லை. மற்ற தாவரங்களை வெறுக்கும் இந்தச் செடி, அத்தியை மட்டும் மிகவும் நேசிக்கிறது. இதன் பக்கத்தில் அத்தியை வளர்த்தால் அது நல்ல வளர்ச்சி கண்டு சிறப்பான பலன் தருகிறது.

மனிதர்களைப் போலவே தாவரங்களின் விருப்பு, வெறுப்புக்கும் முழுமையான காரணத்தை இதுவரை கண்டுபிடிக்க முடியவில்லையாம்!

சூப்பர் .... எங்க ரோஜா செடியில் ஒன்றை மட்டும் ஒவ்வொரு வருடமும் பூச்சிகள் தாக்குகிறது.

நல்ல மனத்துடன் பெரிதாக பூக்கும் அந்த செடியின் பூவை முழுவதும் விரிந்து பார்த்து ஓரிரு வருடங்கள் ஆகிவிட்டது. இன்று உடனடியாக பூண்டு செடியை பக்கத்தில் நட்டுடவேண்டியது தான்.

ஜே.எஸ்.ஜான்சி, சிவா ஆகியோர்க்கு நன்றி !

விருப்புதான் செடிகளுக்கும் உண்டு ! - அதைக்
கண்டுபிடிச்சுக் காட்டறதுதான்
நம்மளோட பொறுப்பு!
விருப்புதான் செடிகளுக்கும் உண்டு !

நல்ல பகிர்வு சிவா, .....எங்கள் வீட்டில் துளசிக்கு அருகில் ரோஜா செடிகளுக்கு அருகில் வெங்காய  செடிகள் வைப்போம், சின்ன வெங்காய தோல், அந்த தண்ணீர் போன்றவை ரோஜா செடிகளுக்கு விடுவோம். ..பூ அடர்த்தியாய் சிவப்பாய் வரும் என்று எங்க அம்மா சொல்லுவா

துளசி செடியும்  அடத்தியாய், பூச்சிகள் பிடிக்காமல் வளரும்.

நல்ல தகவல். நன்றிகள்...

வித்தியாசமான தகவல்,  இணையத்தில்  தேடினால் தாவரம் மட்டுமன்றி  பிற விலங்குகளுடனும் தாவரங்கள் விருப்பு ,வெறுப்பை  காண்பிக்கின்றன  உதாரணமாக  தேனீ ,மாடு ....