நிலவுக்கோர் மடல்-முஹம்மத் ஸர்பான்

mohammed sarfan · mohammed sarfan Fri Jun 19, 2015 1:11 am

வண்ண வண்ண மலர்களை பறிக்கும்
கைகள்,அழகின் பிறப்பான நிலவை
சீண்டிப்பார்ப்பதற்காய் உருவாக்கப்பட்டது நாசா.

இருளில் தனிமை கொள்ளும் வெண்மதியே!
உன் தேகத்தை பெளர்ணமியாக ஒளித்துக்கொள்.
மனிதர்கள் கண்ணால் கற்பழித்துக் கொண்டிருக்கிறார்கள்.

மண்ணை நனைக்க பெய்யும் மழையின் போது
உன்னை காண முடிவதில்லை.நள்ளிரவில் விண்தூவும்
பனிச்சாரல் வீதியோரம் தூங்கும் ஏழைக்கு மருந்து
என்பதற்கு நீதான் சாட்சி

ஆலமரக்கிளைகளுக்கிடையில் உன்னை இயக்குனர்கள்
மறைக்கிறார்கள் ஆனால் உணவுக்காக உடலை விலை
பேசும் வறுமைப்பட்ட பெண்ணின் நிலை கண்டு நிலவு தான்
பூட்டப்பட்ட அறைகளுக்குள் ஒழிகிறது.

நிலவே! இவ்வுலகில் உனக்கென துணையை
தேடிக்கொள்! இளைஞர்கள் எல்லாம் உன்னை
கனவில் விபச்சாரியாக்குகிறார்கள்.செல்வர்கள்
உன் கழுத்தில் தாலி கட்டுவதற்காய் செவ்வாய்க்கு
கடவுச்சீட்டு வாங்கி விட்டார்கள்.

உன் அழகினை வரிகளிலும் இனி எழுதமாட்டேன்.
கலைஞன் என்ற ரீதியில் அன்பாய் இக்கடிதத்தை
தருகிறேன்.கிடைப்பதற்கு பல வருடங்கள் ஆகலாம்
அவர்கள் உன்னை அழிப்பதற்கு நெருங்கிவிட்டார்கள்.
நிலவே!! ஜாக்கிரதை.

Preethika Chandrakumar · Preethika Chandrakumar Fri Jun 19, 2015 10:38 am

அருமை!
சிறந்த சிந்தனைக்கு வாழ்த்துக்கள்! முஹம்மத் சர்பான்.

நிலவுக்கோர் மடல்-முஹம்மத் ஸர்பான்

நிலவுக்கோர் மடல்-முஹம்மத் ஸர்பான்

Re: நிலவுக்கோர் மடல்-முஹம்மத் ஸர்பான்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக