கிளை இல்லா மரம் ஏறினால் வழுக்கும் மரம் - விடுகதைகளுக்கு விடை சொல்லுங்கள்

**ayyasamy ram** · **ayyasamy ram** Tue Feb 03, 2015 2:45 am

1.செடியில் முளைக்காத இலை
நரம்பு இல்லாத இலை
அம்மா கொடுத்த இலை
அழுத்தினால் நொறுங்கி விடும்
வாயில் போட்டால் கரையும். அது என்ன?
-
2.உடல் மீது ஓடு உண்டு; ஆமை அல்ல
முக்கண் இருக்கும்; சிவனும் அல்ல
உள்ளமோ வெள்ளை; வெண்ணை அல்ல
நல்லதற்கும் கெட்டதற்கு நாயகனாம். அது என்ன?
-
3.ஆடிக்காற்றில் உதிரும் பழம்
ஓடிச் சிறுவர் பொறுக்கும் பழம்
கொழுகொழு என்ற கரும்பழம் அது என்ன?
-
4.ஆயிரம் ஆயிரம் முடிச்சும் உண்டு
ஆயிரம் ஆயிரம் ஓட்டையும் உண்டு. அது என்ன?
-
5.மண்ணாய் இருந்தவன்
பம்பரத்தில் சுழன்றவன்
நெருப்பினில் வெந்தவன்
எல்லார் வீட்டிலும் இருப்பவன் நான் யார்?
-
6.தண்ணீரில் நீந்தத் தெரியும் மீன் அல்ல
இரண்டு கால் இருக்கும்; நடக்கும்; மனிதன் அல்ல
இறக்கை உண்டு; ஆனால் பறக்காது. அது என்ன?
-
7.கிளை இல்லா மரம்
ஏறினால் வழுக்கும் மரம்
ஒற்றைப் பூவில் நூறு காய் காய்க்கும்
தின்ன காய் துவர்க்கும்
பழமோ இனிக்கும். அது என்ன??
-
8.தாளம் இல்லாமல் பாட்டுப்பாடுவார்; பாடகர் அல்ல
நோய் இல்லாவிட்டாலும் தேடி வந்து ஊசி குத்துவார்; மருத்துவர் அல்ல
வலையைக் கண்டால் மிரண்டுபோவார்; மீனும் அல்ல. அது என்ன?
-
9.பறக்கும் இது பறவை போல
தலைகீழாய்த் தொங்கும் கோட்டான் போல
பாலூட்டும் ஆனால் பசுவல்ல
பழம் தின்னும் கிளியும் அல்ல அது என்ன?
-
10.கூரை விட்டைப் பிரிச்ச ஓட்டு வீடு
ஓட்டு வீட்டுக்குள்ளே வெள்ளை மாளிகை
வெள்ளை மாளிகையின் நடுவே குளம். அது என்ன?
-
---------------------------------------------------

**சிவா** · **சிவா** Mon Jun 15, 2015 12:30 am

1) செடியில் முளைக்காத இலை
நரம்பு இல்லாத இலை
அம்மா கொடுத்த இலை
அழுத்தினால் நொறுங்கி விடும்
வாயில் போட்டால் கரையும். அது என்ன?

அப்பளம்
(அம்மா கொடுத்த இலை என்றதும் இரட்டை இலை என நினைத்தேன்)

2) உடல் மீது ஓடு உண்டு; ஆமை அல்ல
முக்கண் இருக்கும்; சிவனும் அல்ல
உள்ளமோ வெள்ளை; வெண்ணை அல்ல
நல்லதற்கும் கெட்டதற்கு நாயகனாம். அது என்ன?

தேங்காய்

3) .ஆடிக்காற்றில் உதிரும் பழம்
ஓடிச் சிறுவர் பொறுக்கும் பழம்
கொழுகொழு என்ற கரும்பழம் அது என்ன?

நாவல்பழம்

4) ஆயிரம் ஆயிரம் முடிச்சும் உண்டு
ஆயிரம் ஆயிரம் ஓட்டையும் உண்டு. அது என்ன?

வலை

5) மண்ணாய் இருந்தவன்
பம்பரத்தில் சுழன்றவன்
நெருப்பினில் வெந்தவன்
எல்லார் வீட்டிலும் இருப்பவன் நான் யார்?

பானை

**சிவா** · **சிவா** Mon Jun 15, 2015 12:35 am

7.கிளை இல்லா மரம்
ஏறினால் வழுக்கும் மரம்
ஒற்றைப் பூவில் நூறு காய் காய்க்கும்
தின்ன காய் துவர்க்கும்
பழமோ இனிக்கும். அது என்ன??

வாழை

6.தண்ணீரில் நீந்தத் தெரியும் மீன் அல்ல
இரண்டு கால் இருக்கும்; நடக்கும்; மனிதன் அல்ல
இறக்கை உண்டு; ஆனால் பறக்காது. அது என்ன?

வாத்து

8.தாளம் இல்லாமல் பாட்டுப்பாடுவார்; பாடகர் அல்ல
நோய் இல்லாவிட்டாலும் தேடி வந்து ஊசி குத்துவார்; மருத்துவர் அல்ல
வலையைக் கண்டால் மிரண்டுபோவார்; மீனும் அல்ல. அது என்ன?

கொசு