28வது முறை தேர்வெழுதி பத்தாம் வகுப்பு பாஸ் ஆன பியூன்

**ayyasamy ram** · **ayyasamy ram** Thu Jun 11, 2015 1:55 pm

மகாராஷ்டிராவின் முதல்வர் அலுவலகத்தில் பியூனாக இருக்கும் அவினாஷ் சவ்குல் பத்தாம் வகுப்பு தேர்வில் தேர்ச்சி பெற்றுள்ளார்.

பத்தாம் வகுப்பு தேர்ச்சி பெற்றது எப்படி செய்தியாகும் என்று கேட்கலாம். ஆனால், இவர் இதற்கு முன்பு 27 முறை பத்தாம் வகுப்பு தேர்வை எழுதியுள்ளார்.

ஒவ்வொரு முறையும் தோல்வியைத் தழுவிய அவினாஷ், மனம் தளராமல் 28வது முறையாக தேர்வெழுதி இறுதியாக தேர்வில் தேர்ச்சியும் பெற்றுவிட்டார்.

முதல்வர் தேவேந்திர பட்நவிசின் அலுவலகத்தில் பியூனாக இருக்கும் அவினாஷுக்கு தற்போது 50 வயதாகிறது.

–

தினமணி