இந்தியாவின் மிரட்டலுக்கு பயப்படும் கோழையல்ல நாங்கள்-பாகிஸ்தான் ஒரு மிகப்பெரிய அணு ஆயுத நாடு: முஷாரப் எச்சரிக்கை!

First topic message reminder :

இந்தியாவின் மிரட்டலுக்கு பயப்படும் கோழையல்ல நாங்கள் : பாக்., பதில்.....................



இஸ்லாமாபாத்: பாகிஸ்தான் ஒன்றும் மியான்மர் அல்ல. இந்தியா எல்லை தாண்டி வந்து விடுக்கும் மிரட்டலுக்கு பயப்படும் கோழை அல்ல பாக்., என அந்நாட்டு உள்துறை அமைச்சர் நிசார் அலி கான் தெரிவித்துள்ளார். மியான்மர் தாக்குதல் பாக்., உள்ளிட்ட நாடுகளுக்கு விடுக்கப்பட்டுள்ள எச்சரிக்கை என இந்தியா கூறியதற்கு பதிலளித்துள்ள பாக்., அமைச்சர் இவ்வாறு தெரிவித்துள்ளார்.

மற்ற நாடுகளுக்கு எச்சரிக்கை
மணிப்பூரில் இந்தியா ராணுவத்தினர் மீது பயங்கரவாதிகள் நடத்திய தாக்குதலில் ராணுவ வீரர்கள் 18 பேர் கொல்லப்பட்டனர். அந்த பயங்கரவாதிகள் மியான்மர் எல்லையில் பதுங்கி இருப்பதை அறிந்த இந்திய ராணுவம், மியான்மர் எல்லைக்குள் புகுந்து பயங்கரவாதிகள் முகாம் மீது அதிரடி தாக்குதல் நடத்தியது. இதில் 100 பயங்கரவாதிகள் கொல்லப்பட்டனர்.

மியான்மரில் நடத்தப்பட்ட தாக்குதல் குறித்து இந்திய தகவல் மற்றும் ஒளிபரப்புத்துறை அமைச்சர் ராஜ்யவர்தன் சிங் ரத்தோர் கூறுகையில், மணிப்பூரில் இந்திய ராணுவத்தினர் மீது பயங்கரவாதிகள் நடத்திய தாக்குதலுக்கு பதிலடியே மியான்மரில் பயங்கரவாத முகாம் மீது இந்தியாவின் தாக்குதல். இது மற்ற நாடுகளுக்கு இந்தியா விடுக்கும் எச்சரிக்கை என தெரிவித்தார்.

எந்தப் படை வந்தாலும் பதிலடி

இதற்கு பதிலளித்துள்ள பாக்., அமைச்சர் நிசார் அலி கான், மியான்மரில் நடந்ததைப் போல பாகிஸ்தானிலும் நடத்தலாம் என இந்தியா பகல் கனவு காணக் கூடாது. இது பாகிஸ்தான். மியான்மர் அல்ல. பாகிஸ்தானை இந்தியா மியான்மர் என்று நினைத்து விடக் கூடாது. எல்லை தாண்டி எந்தப் படை வந்தாலும் பாக்., படைகள் தக்க பதிலடி கொடுக்கும். எனவே இதுதொடர்பாக இந்தியாவும், இந்தியர்களும் பகல் கனவு காண்பதை நிறுத்த வேண்டும்.

பாகிஸ்தான் அமைதியை விரும்புகிறது

பாகிஸ்தானுக்கு எதிராக வெறுப்பை பரப்புவோர் தங்களது கண்களையும், காதுகளையும் நன்றாக திறந்து வைத்துக் கொள்ள வேண்டும். பாகிஸ்தான் ராணுவம் எத்தகைய சூழல்நிலைக்கும் தயாராகவே உள்ளது என்பதை அவர்கள் புரிந்து கொள்ள வேண்டும். பாகிஸ்தான் அமைதியை விரும்புகிறது என்பதை இந்தியா புரிந்து கொள்ள வேண்டும். அதேசமயம், இந்தியா ஆதிக்கம் செலுத்துவதை பாகிஸ்தான் ஒருபோதும் ஏற்காது என்றார் .

தினமலர்

பாலாஜி wrote:

சிவா wrote:பாகிஸ்தானின் இந்த அறிவிப்புக்கள் எனக்கு வடிவேலு காமெடிகளைத்தான் நினைவுபடுத்துகிறது!

மேற்கோள் செய்த பதிவு: 1143996

அதான் தல . இவிங்க எதுக்கு இப்போ தானே வந்து அட்டென்டன்ஷ் போடுறாங்க ......

மேற்கோள் செய்த பதிவு: 1144011

//மியான்மரில் நடத்தப்பட்ட தாக்குதல் குறித்து இந்திய தகவல் மற்றும் ஒளிபரப்புத்துறை அமைச்சர் ராஜ்யவர்தன் சிங் ரத்தோர் கூறுகையில், மணிப்பூரில் இந்திய ராணுவத்தினர் மீது பயங்கரவாதிகள் நடத்திய தாக்குதலுக்கு பதிலடியே மியான்மரில் பயங்கரவாத முகாம் மீது இந்தியாவின் தாக்குதல். இது மற்ற நாடுகளுக்கு இந்தியா விடுக்கும் எச்சரிக்கை என தெரிவித்தார்.//

இதை படிச்சுட்டாங்க பாலாஜி, அடுத்தது நாம் தான் என்று பயந்து கொஞ்சம் உளறிட்டங்க

பாகிஸ்தானின் உறுதித்தன்மையை தொடர்ந்து இந்தியா கெடுத்து வருகிறது என்று கூறிய பாகிஸ்தான் முன்னாள் அதிபர் பர்வேஸ் முஷாரப், பாகிஸ்தானை அணுசக்திநீக்கம் செய்ய இந்தியா தனது ஆக்ரோஷமான உத்திகளால் முயன்று வருகிறது என்று குற்றம்சாட்டினார்.

துனியா நியூஸிற்கு அவர் அளித்த பேட்டியின் போது, “அணுத்திறன்களை நாங்கள் பயன்படுத்த விரும்பவில்லை. ஆனால், எங்கள் இருப்பு அச்சுறுத்தலுக்குள்ளாகும் போது நாங்கள் யாருக்காக இந்த அணு ஆயுதங்களை வைத்துள்ளோம்?

எங்கள் மீது தாக்குதல் தொடுக்க வேண்டாம், எங்களது நாட்டு பிரதேச ஒற்றுமைகளுக்கு சவால் ஏற்படுத்த வேண்டாம், ஏனெனில் நாங்கள் ஒன்றும் சிறிய நாடல்ல, நாங்கள் பெரிய அணுத்திறன் நாடு. எங்களைத் தள்ளாதீர்கள்.

பாகிஸ்தானை அணுத்திறன் நீக்கம் செய்ய (இந்தியா) காணும் கனவு சாத்தியமல்ல என்பதில் நாம் உறுதியாக இருப்பது அவசியம். அவர்களது இறுதி ஆட்டம் நிறைவேறாமல் செய்ய வேண்டும்” என்று ஆவேசமாகப் பேசியுள்ளார் முஷாரப்

பாகிஸ்தானில் 120 அணு ஆயுதங்கள் இருப்பதாகக் கூறப்படுகிறது. வரும் காலங்களில் 200க்கும் மேற்பட்ட அணுசக்தி ஆயுதங்களை உற்பத்தி செய்யும் திறன் பாகிஸ்தான் 2020-ம் ஆண்டில் பெற்று விடும் என்று நிபுணர்கள் கூறுகின்றனர்.

பயங்கரவாதிகளை ஒழிக்க எல்லைக்கு அப்பாலும் செல்வோம் என்று இந்தியா, பாகிஸ்தானை எச்சரித்தையடுத்து முஷாரப் இவ்வாறு பதில் கூறியதாக தெரிகிறது.

இந்த வாரத்தில் நாகா போராளிகளை கொல்வதற்காக மியான்மரின் எல்லைப்பகுதியில் குறிப்பிடத்தகுந்த ராணுவ நடவடிக்கைகளை இந்திய ராணுவம் மேற்கொண்டது குறிப்பிடத்தக்கது.

இதனையடுத்து பாகிஸ்தான் பிரதமர் நவாஸ் ஷெரிப்பையும் தன் பங்குக்கு இந்தியாவுக்கு எதிர்ப்பு தெரிவிக்க வலியுறுத்தினார் முஷாரப்.

தி ஹிந்து