எங்கே தொலைத்தாய் - எம்.எம்.செந்தில் குமார்

**M.M.SENTHIL** · **M.M.SENTHIL** Wed Jun 03, 2015 11:28 am

நண்பா,
எங்கே தொலைத்தாய் - நீ
எங்கே தொலைத்தாய்!

ஐந்தறிவாம் மிருகத்துக்கு
அது கூட தன் இனம்
அடிபட்டு கிடந்தால்
ஓடோடி குரல் கொடுத்து
துணைக்கு அழைக்கும்
துக்கம் துடைக்க!!

ஆனாலும் நண்பா,
மனிதனுக்கு ஆறறிவாம்?????
அப்படி சொல்லித்தான்
வளர்த்தார்கள் நம்மை!!

இங்கே .....
குடும்பமாய் வந்தவர்கள்
லாரியில் அடிபட்டு
கை, கால் முறிந்து எலும்பு தெரிய
கத்திக் கொண்டிருக்கும்போது
ஓடோடி காப்பாற்றாவிட்டாலும்,
உயிர் பிரியும் அந்த
கடைசி நொடி வரை
சொல்போனில் படம் பிடித்து
வாட்ஸ் அப்பில் அனுப்புகிறாய்!!

எங்கே போனது
மனிதாபிமானம் என்ற
மனிதனின் குணம்!!

இந்தியாவில் நம் இனத்தை
காப்பாற்ற முன் வராத நாமா,
இலங்கையில் தொப்புள் கொடி
உறவுகளை காப்பாற்ற போகிறோம்!!

**M.M.SENTHIL** · **M.M.SENTHIL** Wed Jun 03, 2015 11:33 am

எனக்கு வந்த வீடியோவை
அனுப்பவில்லை யாருக்கும் நான்,
எதையும் தாங்கும்
இதயம் எனக்குண்டு
என்று சொல்லிய எனக்கே,
நேற்று முதல் சோறு இறங்கவில்லை!!

பாவம் அந்த குடும்பம்
குழந்தை இறந்து,
மனைவிக்கு கால் இழந்து
உயிர் பிரியும் ஓலம் !!
இப்போது நினைத்தாலும்
ஈரக்குலை நடுங்குகிறது!!

இறைவா,
என் துரோகிக்கும் வேண்டாம்
கோர மரணம்!!

**M.M.SENTHIL** · **M.M.SENTHIL** Wed Jun 03, 2015 12:40 pm

அலைபேசியில் அழகாய்
ரசித்து எடுக்க - அது
திருமண நிகழ்ச்சி இல்லை
காது குத்தோ, கிடா வெட்டோ இல்லை,
நமக்கு பிடித்த நாயகியின்
படப்பிடிப்பும் இல்லை
பின் ஏன்,
உன் மனதில் இப்படி ஒரு வன்மம்!!

காலனின் கணக்கு
தப்பாய் போனதாலோ என்னவோ
முழுவதும் சாகாமல்
கொஞ்சம், கொஞ்சமாய்
குற்றுயிரும், குலையுயிருமாய் !!

கனரக வாகனத்தின்
சக்கரத்தில் சிக்குண்டு
கண் முன்னே குழந்தையை இழந்து
வீர நடை போட்ட தன்
கால்களை இழந்து
ஐயோ, அம்மா என கதறும்
இந்த காட்சியை எடுக்கவா
அறிவியலின் அடுத்த
கட்டத்தில் நிற்கிறாய் நீ!!

அட அற்பப்பயலே,
உனக்கும் உண்டல்லவா
குடும்பமும், குட்டியும்
நாளை இதே நிலை
அவருக்கு நேர்ந்தால்
அதை நேரலையாக எடுத்து
அனுப்புவாயா??

மனிதா நீ மனிதனாக கூட
இருக்க வேண்டாம் - கொஞ்சம்
மனிதன் என்ற நினைவிலாவது இரு!!

**விமந்தனி** · **விமந்தனி** Wed Jun 03, 2015 1:52 pm

கனரக வாகனத்தின்
சக்கரத்தில் சிக்குண்டு
கண் முன்னே குழந்தையை இழந்து
வீர நடை போட்ட தன்
கால்களை இழந்து
ஐயோ, அம்மா என கதறும்
இந்த காட்சியை எடுக்கவா
அறிவியலின் அடுத்த
கட்டத்தில் நிற்கிறாய் நீ!!

ஆமாம், அறிவியலின் வளர்ச்சிக்காக பரவசம் கொள்வதா இல்லை மனிதன் தான் மனிதத்தை இழந்து நிற்பதை பார்த்து பரிதாபப்படுவதா என்று தான் புரியவில்லை. மனம் கனக்க செய்யும் கவிதை செந்தில்.

இந்த பதிவைத் துவங்கியவர் நன்றி கூறியுள்ளார் விமந்தனி

**M.M.SENTHIL** · **M.M.SENTHIL** Wed Jun 03, 2015 4:27 pm

விமந்தனி wrote:
கனரக வாகனத்தின்
சக்கரத்தில் சிக்குண்டு
கண் முன்னே குழந்தையை இழந்து
வீர நடை போட்ட தன்
கால்களை இழந்து
ஐயோ, அம்மா என கதறும்
இந்த காட்சியை எடுக்கவா
அறிவியலின் அடுத்த
கட்டத்தில் நிற்கிறாய் நீ!!
ஆமாம், அறிவியலின் வளர்ச்சிக்காக பரவசம் கொள்வதா இல்லை மனிதன் தான் மனிதத்தை இழந்து நிற்பதை பார்த்து பரிதாபப்படுவதா என்று தான் புரியவில்லை. மனம் கனக்க செய்யும் கவிதை செந்தில்.

மேற்கோள் செய்த பதிவு: 1141552

நன்றி அக்கா அன்பு மலர்

.

நேற்று எனக்கு வாட்ஸ் அப்பில் வந்த ஒரு வீடியோ மனதை ரொம்பவும் கலங்க வைத்து விட்டது. அதன் பாதிப்பே இக் கவிதை.

**krishnaamma** · **krishnaamma** Wed Jun 03, 2015 6:58 pm

உங்கள் கவிதை வரிகள் மனதை கனமாக்கிவிட்டது செந்தில் !

சரவணன் · சரவணன் Wed Jun 03, 2015 7:03 pm

போன் பேசிகிட்டே வண்டி ஒட்டுனாரா?

Preethika Chandrakumar · Preethika Chandrakumar Wed Jun 03, 2015 7:28 pm

எங்கே தொலைத்தாய் - எம்.எம்.செந்தில் குமார் 3838410834

shobana sahas · shobana sahas Thu Jun 04, 2015 2:11 am

நல்ல கவிதை நண்பரே . உண்மையில் நடப்பதையே எழுதி உள்ளீர்கள் . சோகமான கவிதை . எங்கே தொலைத்தாய் - எம்.எம்.செந்தில் குமார் 3838410834

எங்கே தொலைத்தாய் - எம்.எம்.செந்தில் குமார் 103459460

**M.M.SENTHIL** · **M.M.SENTHIL** Thu Jun 04, 2015 10:57 am

krishnaamma wrote:உங்கள் கவிதை வரிகள் மனதை கனமாக்கிவிட்டது செந்தில் !

மேற்கோள் செய்த பதிவு: 1141646

நன்றி அம்மா அன்பு மலர்

அந்த வீடியோவை பார்த்தது முதல் இந்த நிமிடம் வரை என்னால் சாப்பிட முடியவில்லை. இரண்டு நாட்களாக மனம் எதையோ பறிகொடுத்தது போலவே இருக்கிறது.. பாவம் அந்த குழந்தை...

துரோகிக்கும் கூட இப்படி ஒரு நிலை வரக்கூடாது..

Sponsored content · Sponsored content

எங்கே தொலைத்தாய் - எம்.எம்.செந்தில் குமார்

எங்கே தொலைத்தாய் - எம்.எம்.செந்தில் குமார்

Re: எங்கே தொலைத்தாய் - எம்.எம்.செந்தில் குமார்

Re: எங்கே தொலைத்தாய் - எம்.எம்.செந்தில் குமார்

Re: எங்கே தொலைத்தாய் - எம்.எம்.செந்தில் குமார்

Re: எங்கே தொலைத்தாய் - எம்.எம்.செந்தில் குமார்

Re: எங்கே தொலைத்தாய் - எம்.எம்.செந்தில் குமார்

Re: எங்கே தொலைத்தாய் - எம்.எம்.செந்தில் குமார்

Re: எங்கே தொலைத்தாய் - எம்.எம்.செந்தில் குமார்

Re: எங்கே தொலைத்தாய் - எம்.எம்.செந்தில் குமார்

Re: எங்கே தொலைத்தாய் - எம்.எம்.செந்தில் குமார்

Re: எங்கே தொலைத்தாய் - எம்.எம்.செந்தில் குமார்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக