நடிகர் ஜெய்சங்கர் இறந்த தினம்: ஜூன் 3- 2000

**சிவா** · **சிவா** Wed Jun 03, 2015 12:24 am

ஜெய்சங்கர் புகழ் பெற்ற தமிழ்த் திரைப்பட நடிகர் ஆவார். சங்கர் என்ற இயற்பெயர் கொண்ட இவருக்கு இவரது முதல் திரைப்படத்தின் இயக்குனர் ஜோசப் தளியத், ஜெய் என்ற பெயர்ச் சேர்க்கையை அளித்தார்.

பட்டதாரியான இவர், 1965-ல் இரவும் பகலும் என்ற திரைப்படத்தில் அறிமுகமானார். இதைத்தொடர்ந்து 200-க்கும் மேற்பட்ட திரைப்படங்களில் நடித்து முடித்தார்.

எம்.ஜி.ஆர், சிவாஜி கணேசன், ஜெமினி கணேசன் முதலியோர் நடித்த அதே கால கட்டத்தில் நடித்தாலும், இவருக்கென ரசிகர்கள் இருந்தார்கள். இவரது சமகால நடிகர்களான முத்துராமன், ரவிச்சந்திரன் போன்றோருடனும் இவர் பல படங்களில் இணைந்து நடித்துள்ளார்.

100-க்கும் மேற்பட்ட திரைப்படங்களில் நடித்த பிறகு, ரஜினிகாந்த் நடித்த முரட்டுக்காளையில் வில்லனாகப் புதிய பரிமாணத்தில் தோன்றி பாராட்டுக்களைப் பெற்றார். அதன்பிறகு, பல படங்களிலும் வில்லனாகவும், குணச்சித்திர நடிகராகவும் பரிமளித்தார்.

ஜெய்சங்கர் சண்டைப் படங்களில் அதிகம் நடித்திருந்தாலும், குடும்பக்கதைகளிலும் அதிகம் நடித்து பெயர் வாங்கினார். பல திரைப்படங்களில் துப்பறிபவராகவும் காவலராகவும் வேடம் ஏற்று நடித்ததால் இவரை தென்னிந்திய ஜேம்ஸ்பாண்ட் எனவும் ரசிகர்கள் அழைத்தனர்.

இவர் பற்பல திரைப்படங்களில் குறைந்த இடைவெளிகளில் தொடர்ந்து நடித்ததால், இவரது படங்கள் வாரம் ஒன்றென வெளிவந்த வண்ணம் இருந்ததன் காரணமாக இவர் 'Friday hero' (வெள்ளிக்கிழமை நாயகர்) எனவும் அழைக்கப்பட்டார். 2000-ஆம் ஆண்டு ஜூன் 3-ம் தேதி அன்று, சென்னையில் ஒரு தனியார் மருத்துவமனையில், தனது 62-ம் வயதில் ஜெய்சங்கர் மாரடைப்பால் காலமானார்.

shobana sahas · shobana sahas Wed Jun 03, 2015 12:31 am

அன்புள்ள மான் விழியே , பார்வை ஒன்றே போதுமே , போன்ற பாடல்களில் ஜெய் சங்கர் அழகோ அழகு . சிறந்த நடிகர் . திரு பாலச்சந்தர்க்கு ஜெய் சங்கர் ஐ மிகவும் பிடிக்குமாம் . அருமையான கலைஞன.

இந்த பதிவைத் துவங்கியவர் நன்றி கூறியுள்ளார் shobana sahas

**krishnaamma** · **krishnaamma** Wed Jun 03, 2015 12:43 am

அவர் தானே CID சங்கர்....................தென்னிந்திய ஜேம்ஸ்பாண்ட் !......நல்ல நடிகர் புன்னகை

balakarthik · balakarthik Wed Jun 03, 2015 10:50 am

யாருக்கும் வில்லனாகத ஒரே நடிகர் அன்றைய காலகட்டத்தில் சினிமாத்துறையில் எம் ஜி ஆர் சிவாஜியை பிடிக்காதவர் கூட இருந்தனர் இவரை பிடிக்காதவர் யாருமில்லை மேலும் பலரை தயாரிப்பாளராக ஆகியவர் இவர் என்றும் நாகேஷ் ஒருமுறை கூறியிருந்தார் இவரது மகன்களும் தந்தையை போல் மிக மிக நல்லவர்கள்

**M.M.SENTHIL** · **M.M.SENTHIL** Wed Jun 03, 2015 12:22 pm

நல்ல நடிகர், நல்ல மனிதர்...

சரவணன் · சரவணன் Wed Jun 03, 2015 12:23 pm

நல்ல மனிதரி, வெளியில் தெரியாமல் நிறைய உதவிகள் செய்ததாக கேள்விப்பட்டிருக்கேன்.
தென் இந்தியாவின் அப்போதைய ஜேம்ஸ் பாண்ட்.

Sponsored content · Sponsored content

நடிகர் ஜெய்சங்கர் இறந்த தினம்: ஜூன் 3- 2000

நடிகர் ஜெய்சங்கர் இறந்த தினம்: ஜூன் 3- 2000

Re: நடிகர் ஜெய்சங்கர் இறந்த தினம்: ஜூன் 3- 2000

Re: நடிகர் ஜெய்சங்கர் இறந்த தினம்: ஜூன் 3- 2000

Re: நடிகர் ஜெய்சங்கர் இறந்த தினம்: ஜூன் 3- 2000

Re: நடிகர் ஜெய்சங்கர் இறந்த தினம்: ஜூன் 3- 2000

Re: நடிகர் ஜெய்சங்கர் இறந்த தினம்: ஜூன் 3- 2000

Re: நடிகர் ஜெய்சங்கர் இறந்த தினம்: ஜூன் 3- 2000

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக