தி.மு.க. தலைவர் கருணாநிதி பிறந்த தினம்: ஜூன் 3-1924

**சிவா** · **சிவா** Wed Jun 03, 2015 12:20 am

First topic message reminder :

தி.மு.க. தலைவர் கருணாநிதி பிறந்த தினம்: ஜூன் 3-1924 - Page 2 10433103_998793863466152_1781344548436040710_n

மு. கருணாநிதி, இவரது இயற்பெயர் தட்சிணாமூர்த்தி (பிறப்பு ஜூன் 3, 1924) திராவிட முன்னேற்றக் கழகத் தலைவரும் முன்னாள் தமிழக முதல்வரும் ஆவார். 1969-ல் முதன் முறையாக தமிழக முதல்வரானார். மே 13, 2006-ல் ஐந்தாவது முறையாக முதலமைச்சராகப் பொறுப்பேற்றார்.

கருணாநிதி, தமிழ்த் திரையுலகில் கதை, உரையாடல் பணிகளில் ஈடுபாடு கொண்டவர். 'தூக்குமேடை' நாடகத்தின் போது எம். ஆர். ராதா 'கலைஞர்' என்ற பட்டம் அளித்தார். இன்றும் அப்பெயராலேயே ஆதரவாளர்களால் அழைக்கப்படுகின்றார். 2011 தமிழக தேர்தலில் திருவாரூர் தொகுதியில் போட்டியிட்டு தேர்ந்தெடுக்கப்பட்டார்.

நாகப்பட்டினம் மாவட்டத்தில் திருவாரூருக்கு அருகிலுள்ள திருக்குவளை என்னும் கிராமத்தில் ஜூன் 3, 1924-ல் முத்துவேலருக்கும் அஞ்சுகம் அம்மையாருக்கும் மகனாகப் பிறந்தார். இவரது இயற்பெயர் தட்சிணாமூர்த்தி. கருணாநிதி, தனது பள்ளிப் பருவத்தில் நாடகம், கவிதை, இலக்கியம் ஆகியவற்றில் அதிக ஆர்வம் கொண்டிருந்தார். நீதிக்கட்சியின் தூணாக கருதப்பட்ட பேச்சாளர் அழகிரிசாமியின் பேச்சால் ஈர்க்கப்பட்ட கருணாநிதி, தனது 13-வது அகவையில், சமூக இயக்கங்களில் முழுமையாக தன்னை ஈடுபடுத்திக்கொண்டார்.

கருணாநிதி தன்னுடைய 14 வது வயதில் நீதிக்கட்சித் தலைவர்களில் ஒருவரான அழகிரிசாமியின் பேச்சின்பால் ஈர்க்கப்பட்டு, அரசியலில் ஈடுபடலானார். அதன்பின் இந்தி எதிர்ப்பு போரட்டத்தின் மூலம் தன் அரசியல் தீவிரத்தைக் காட்டினார். அவர் வாழ்ந்த திருவாரூர் பகுதியில் இளைஞர்களை மாணவ நேசன் என்ற துண்டு கையெழுத்துப் பதிப்புகள் மூலம் ஒன்று திரட்டினார். அவ்விளைஞர் அணியை பின் மாணவர் அணியாக தமிழ்நாடு மாணவர் மன்றம் என்ற பெயரில் உருவாக்கினார். தமிழ்நாட்டில் உருவான முதல் திராவிட இயக்க மாணவர் அணி என்ற நிலையை ஏற்படுத்தினார்.

கருணாநிதியும் அவரது மாணவர் அணித் தோழர்களும் பல்வேறு குடிசை வாழ் மக்களிடையே சென்று சமூக பணிகளிலும், விழிப்புணர்வு வேலைகளிலும் ஈடுபட்டனர். இந்த நிலையில் அவர் துண்டுப் பதிப்பாகத் தொடங்கிய முரசொலி செய்தித்தாளாக, கட்சிப் பத்திரிகையாக உருவெடுத்தது. முரசொலி ஆரம்பித்த முதலாமாண்டு விழாவை தன் மாணவர் மன்ற அணித்தோழர்களான அன்பழகன், இரா. நெடுஞ்செழியன், மதியழகன் ஆகியோருடன் கொண்டாடினார்.

1957-ல் நடைபெற்ற திமுக இந்தி எதிர்ப்பு மாநாட்டில் தமிழ்நாட்டில் நடுவண் அரசால் இந்தி திணிக்கப்படுவதை வன்மையாக எதிர்ப்பதென தீர்மானம் நிறைவேற்றப்பட்டது. அக்டோபர் 13, 1957 அன்றைய நாளை இந்தி எதிர்ப்பு நாளாக பெருந்திரளான மக்களுடன் அமைதியான முறையில் கடைப்பிடிப்பது என முடிவானது.

இப்போராட்டத்துக்கு தலைமை தாங்கிய கருணாநிதி நடுவண் அரசின் இந்தி திணிப்பை எதிர்த்து இவ்வாறு முழக்கமிட்டார்: "மொழிப்போராட்டம்.. எங்கள் பண்பாட்டை பாதுகாக்க, இது எமது மக்களின் தன்மானம் மற்றும் எங்களது கட்சியின் அரசியல் கொள்கை.. மேலும்இந்தி என்பது உணவு விடுதியிலிருந்து எடுத்துச் செல்லும் உணவு (எடுப்பு சாப்பாடு), ஆங்கிலம் என்பது ஒருவர் சொல்ல அதன்படி சமைக்கப்பட்ட உணவு, தமிழ் என்பது குடும்பத் தேவையறிந்து, விருப்பமறிந்து, ஊட்டமளிக்கும் தாயிடமிருந்து பெறப்பட்ட உணவு” என்று அவர் கூறினார்.

அக்டோபர், 1963, இந்தி எதிர்ப்பு மாநாடு சென்னையில் (மதராஸ்) கூட்டப்பட்டது. நடுவண் அரசின் புரிந்துகொள்ளாமையை உணர்த்தும் விதமாக இந்திய அரசியலமைப்பு தேசிய மொழிகள் சட்ட எரிப்பு போராட்டம் நடத்துவெதென மாநாட்டில் தீர்மானிக்கப்பட்டது. நவம்பர் 16 அன்று அண்ணாதுரையும், நவம்பர் 19 அன்று கருணாநிதியும் கைது செய்யப்பட்டு 25 நவம்பர் அன்று உயர் நீதிமன்ற ஆணையால் விடுவிக்கப்பட்டனர்.

போட்டியிட்ட அனைத்து தேர்தல்களிலும் இவர் வெற்றிபெற்றார். 1957-ம் ஆண்டு சுயேச்சையாகவும் மற்ற அனைத்து தேர்தலிலும் திமுக வேட்பாளராகவும் போட்டியிட்டார். 1984ம் ஆண்டு நடந்த தேர்தலில் போட்டியிடவில்லை. 1957-ம் ஆண்டு திமுக தேர்தலில் போட்டியிட முடிவெடுத்து கருணாநிதி குளித்தலையில் போட்டியிட்டு வென்று, முதல் முறையாக திமுக சட்டமன்றத்தில் அடியெடுத்து வைக்கவும், முதல் முறையாக கருணாநிதி தனது சட்டமன்ற வரலாற்றைத் துவக்கவும் வழிவகுத்தது.

1967-ல் நடைபெற்றத் தேர்தலின் மூலம் திமுக முதல் முறையாக தமிழக ஆட்சியில் பங்குபெற்றது. நாவலர் இரா. நெடுஞ்செழியன் பொதுச் செயலாளராகவும், கருணாநிதி பொருளாளராகவும் கட்சியில் உயர்வு பெற்றனர். தி.மு.க.வின் தொடக்க கால உறுப்பினர் கருணாநிதி. அவர், 1957-ம் ஆண்டிலிருந்து தமிழக சட்டமன்ற உறுப்பினராகவும், கடந்த 40 ஆண்டுகளாக தி.மு.க.வின் தலைவராகவும் பதவி வகித்து வருகின்றார்.

தமிழகத்தின் முதல்வராக ஐந்துமுறை கருணாநிதி பதவி வகித்துள்ளார்.

1969-1971- அண்ணா மறைவுக்குப் பின் முதல் முறை ஆட்சி

1971-1976—இரண்டாவது முறையாக 1989- 1991- எம். ஜி.ஆர்., மறைவுக்குப் பின் மூன்றாம் முறை ஆட்சி 1996-2001—நான்காம் முறை ஆட்சி 2006-2011—ஐந்தாம் முறை ஆட்சி

rksivam · rksivam Wed Jun 03, 2015 3:12 pm

அன்னார் அனுபவிக்க வேண்டியது நிறைய இருப்பதால் நீடூடி நெடுங்காலம் வாழட்டும். அல்லாஹ் மட்டுமல்ல சகல கடவுள்களும் நம்மை காப்பாற்றுவார்கள்.

சிவம்

**ராஜா** · **ராஜா** Wed Jun 03, 2015 4:27 pm

balakarthik wrote:
வாழ்த்த மனமில்லை வருந்துகிறோம்

மேற்கோள் செய்த பதிவு: 1141445

தி.மு.க. தலைவர் கருணாநிதி பிறந்த தினம்: ஜூன் 3-1924 - Page 2 3838410834

அப்படியே வழிமொழிகிறோம் புன்னகை

**M.M.SENTHIL** · **M.M.SENTHIL** Wed Jun 03, 2015 4:31 pm

அண்ணா மூன்றெழுத்து
அறிவு மூன்றெழுத்து
கடமை மூன்றெழுத்து
தி.மு.க. மூன்றெழுத்து
அதுபோலவே
ஈழம் மூன்றெழுத்துதான்

இங்கே நான் இதை எழுத
காரணம் யாருக்கு தெரிகிறதோ இல்லையோ
டாக்டர்(?) கலைஞருக்கு தெரியுமென நினைக்கிறேன்..

மறந்துட்டேன்....
இதை நான் எழுதும்
ஈகரை தளமும் மூன்றெழுத்து புன்னகை

பாலாஜி · பாலாஜி Wed Jun 03, 2015 4:37 pm

M.M.SENTHIL wrote:அண்ணா மூன்றெழுத்து
அறிவு மூன்றெழுத்து
கடமை மூன்றெழுத்து
தி.மு.க. மூன்றெழுத்து
அதுபோலவே
ஈழம் மூன்றெழுத்துதான்

இங்கே நான் இதை எழுத
காரணம் யாருக்கு தெரிகிறதோ இல்லையோ
டாக்டர்(?) கலைஞருக்கு தெரியுமென நினைக்கிறேன்..

மறந்துட்டேன்....
இதை நான் எழுதும்
ஈகரை தளமும் மூன்றெழுத்து

மேற்கோள் செய்த பதிவு: 1141581

ஆமோதித்தல்

**M.M.SENTHIL** · **M.M.SENTHIL** Wed Jun 03, 2015 4:49 pm

பாலாஜி wrote:
M.M.SENTHIL wrote:அண்ணா மூன்றெழுத்து
அறிவு மூன்றெழுத்து
கடமை மூன்றெழுத்து
தி.மு.க. மூன்றெழுத்து
அதுபோலவே
ஈழம் மூன்றெழுத்துதான்

இங்கே நான் இதை எழுத
காரணம் யாருக்கு தெரிகிறதோ இல்லையோ
டாக்டர்(?) கலைஞருக்கு தெரியுமென நினைக்கிறேன்..

மறந்துட்டேன்....
இதை நான் எழுதும்
ஈகரை தளமும் மூன்றெழுத்து
மேற்கோள் செய்த பதிவு: 1141581

மேற்கோள் செய்த பதிவு: 1141585

நன்றி தல அன்பு மலர்

rksivam · rksivam Sun Jun 14, 2015 7:26 pm

மகன் மூன்றெழுத்து
மகள் மூன்றெழுத்து
பணம் மூன்றெழுத்து
பதவி மூன்றெழுத்து
ஆட்சி மூன்றெழுத்து

இவையெல்லாம் கண் முன் நின்றதால் மறதி எனும் மூன்றெழுத்தால் அண்ணா அறிவு கடமை தி மு க, ஈழம் எல்லாம் மறந்தார்.

குஷ்பு வும் மூன்றேழுத்துதானே.

சிவம்

Sponsored content · Sponsored content

தி.மு.க. தலைவர் கருணாநிதி பிறந்த தினம்: ஜூன் 3-1924

தி.மு.க. தலைவர் கருணாநிதி பிறந்த தினம்: ஜூன் 3-1924

Re: தி.மு.க. தலைவர் கருணாநிதி பிறந்த தினம்: ஜூன் 3-1924

Re: தி.மு.க. தலைவர் கருணாநிதி பிறந்த தினம்: ஜூன் 3-1924

Re: தி.மு.க. தலைவர் கருணாநிதி பிறந்த தினம்: ஜூன் 3-1924

Re: தி.மு.க. தலைவர் கருணாநிதி பிறந்த தினம்: ஜூன் 3-1924

Re: தி.மு.க. தலைவர் கருணாநிதி பிறந்த தினம்: ஜூன் 3-1924

Re: தி.மு.க. தலைவர் கருணாநிதி பிறந்த தினம்: ஜூன் 3-1924

Re: தி.மு.க. தலைவர் கருணாநிதி பிறந்த தினம்: ஜூன் 3-1924

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக