மறக்க முடியாத வர்த்தகச் சின்னங்கள்

First topic message reminder :

ஹெர்குலஸ் மிதிவண்டி ( 1950s - 1990s), டிவிஎஸ் - 50 ( 1980 - ..), பஜாஜ் செடாக் ( 1972 - 2005), யெஸ்டி : ( 1961 - 1995 ), டிவிஎஸ் - இண்ட் சுசுகி ( 1980s - 1990s )...
**************************************************************************************
உங்களோட சின்ன வயசப் பத்தி சொல்லச் சொன்னா, உங்களுக்கு என்னென்ன நினைவிற்கு வரும்?

சின்ன வயசு விளையாட்டுக்கள், நண்பர்கள், விழாக்கள், அப்புறம்...... நாம் பயன்படுத்திய பொருட்கள் அல்லது வர்த்தகச் சின்னங்கள் (பிராண்டுகள்). ஆமாங்க, நாம பார்த்துப் பழக்கப்பட்ட மறக்க முடியாத வர்த்தகச்சின்னங்கள் பத்தி தான் இங்கே பார்க்க போறோம்..

1. ஹெர்குலஸ் மிதிவண்டி ( 1950s - 1990s)

நமக்கு இந்த வண்டி அறிமுகம் ஆனதே எங்க வூட்டுக்கு வர்ற பால்காரர் மூலமாத்தான். அவரு வண்டி கைப்பிடில பூச்சுத்தி வச்சிருப்பாரு. அதனால விவரம் தெரியற வரைக்கும் இதுக்கு பேரு பூவண்டி.

இந்த வண்டில இருந்த வசதியப் பத்தி சொல்லனும்னா, குரங்குப் பெடல் போடலாம், டபுள்ஸ், டிரிபுள்ஸ் போகலாம், என்ன அடி அடிச்சாலும் தாங்கும். எத்தனையோ வீடுகள்ல குழந்தைகள உட்கார வைக்கற அளவுக்கு ஒரு சீட்டும் வச்சிருப்பங்க. இந்த வண்டில விளக்கு எரியலன்னு எங்கூரு காவல் நிலையத்துல பிடிச்சு வைச்சுக்கறது கூட நடக்கும் )



இந்த வண்டியோட செல்வாக்கு ஹீரோ ரேஞ்சர், BSA SLR எல்லாம் வர ஆரம்பிச்சவுடனே குறைய ஆரம்பிச்சிருச்சு.. ஆனாலும் நல்ல நேரம் எம்.ஜி.ஆர்ல ஆரம்பிச்சு, தலைவரோட அண்ணாமலை வரைக்கும் வந்த வண்டிங்கரங்காட்டி இதுக்கு எப்பவுமே நம்ம மனசுல ஒரு இடம் இருக்கத்தாங்க செய்யுது.

"ஓரம்போ.. ருக்குமணி வண்டி வருது" பாட்டைப் பொது இடங்கள்ல பாடத் தடை செஞ்சிருந்தாங்களாம். அந்த அளவுக்கு சைக்கிள் பிரபலமா இருந்ததுங்கறத இப்ப நம்ப முடியுதா?
*********
2. டிவிஎஸ் - 50 ( 1980 - ....)

"நம்ம ஊரு வண்டி டிவிஎஸ் XL", இந்த விளம்பரத்தப் பத்தி சொல்ல வேண்டியதில்லை.

இதுக்கு முன்னாடி இருந்த லூனா, சுவேகா மாதிரி வண்டியெல்லாம் என்ன முறுக்கினாலும் 30 கிமி வேகத்தைத் தாண்டாது. அந்த நேரத்துல தான் நம்ம டிவிஎஸ் - 50 வந்ததாம்.



நம்ம ஊருக்காரங்களக் கேட்டாத் தெரியும். மூனு சிலிண்டர ஏத்தி வச்சிட்டு, பின்னாடி ஒரு துணிக்கட்டையும் வச்சிட்டு போவாங்க பாருங்க. இப்ப இருக்கற மினிடார் (MINIDOR) செய்யற வேலைய இது செய்யும்.
ஒரு சின்னக் குடும்பத்துல இருக்கற அத்தனை பேரையும் ஏத்திட்டுப் போக முடியும். காலப்போக்குல டிவிஎஸ் - 50, XL SUPERஆ மாறிடிச்சு.

*******
3. பஜாஜ் செடாக் ( 1972 - 2005)

"ஹமாரா பஜாஜ்".. இந்த வாசகத்தக் கேட்காத ஆளே இருக்க முடியாதுன்ன நினைக்கிறேன்.



நம்ம ஊருல வங்கி மானேஜர், ஒரு சில பணக்காரங்க மட்டும் தான் இந்த வண்டிய வச்சிருக்காங்கனு நினைச்சுட்டு இருந்தேன், நான் ஒருமுறை ஹைதராபாத் போகிற வரைக்கும். நம்ம தமிழகத்தத் தவிர்த்துட்டுப் பார்த்தா மற்ற மாநிலங்கள்ல அதிகமா பார்க்க முடியறது இந்த வண்டி தாங்க.

"ஹமாரா பஜாஜ்"ங்கர வர்த்தக வசனத்துக்கு ஏத்த மாதிரி, ஒரு சின்ன குடும்ப முழுக்க இந்த வண்டில சவாரி செய்ய முடியும்..

நம்ம பஜாஜ் பல்சர் மற்றும் இதர 4 STROKE எஞ்சின் வண்டிக வர ஆரம்பித்த பிறகு இந்த வண்டியோட செல்வாக்கு குறைய ஆரம்பித்து விட்டது.

********

4. யெஸ்டி : ( 1961 - 1995 )

ராஜ்தூத், புல்லட் மாதிரி வண்டிகள் இருந்த போது கோலோச்சிய வண்டி தான் "யெஸ்டி". இப்ப ஒரு 40 வயதாகிறவங்களக் கேட்டுப் பாருங்க.. இந்த வண்டி தான் அப்போதைய இளைஞர்கள் விருப்பமாம்.



வண்டிய 'ஸ்டார்ட்' பண்ணவே கடினம்னாலும், இந்த வண்டி மேல மிகுந்த மோகமாம். இப்பவும், என் நண்பர் ஒருத்தர் இந்த வண்டிய பயன்படுத்தீட்டு இருக்கிறார்.. ******** 5. இண்ட் சுசுகி ( 1980s - 1990s ) இந்த வண்டி வந்த பிறகு தான் இருசக்கர வாகனங்களில் டிவிஎஸ் நிறுவனத்திற்கு ஒரு தனி இடம் கிடைத்தது. அடுத்ததாக வந்த AX-100R வரும் வரை இந்த வண்டி பிரபலமாக இருந்தது.



ன்னகை மன்னன் படத்தில் கமல், மௌன ராகம் கார்த்திக் என்று இந்த வண்டியும் மிகவும் பிரபலம் தான்.
********
என்ன தான் இப்போது எத்தனையோ இருசக்கர வாகனங்கள் வந்தாலும், மேலே குறிப்பிட்ட வர்த்தக சின்னங்களுக்கு நம் மனதில் ஒரு இடம் இருக்கத்தான் செய்கிறது.

லெஹர் 7அப் (1992 - ... ), மேங்கோ ஃப்ரூட்டி (1970s - ... ),ஜெம்ஸ் ( 1968 - ... ),நியூட்ரின் இனிப்பு வகைகள் ( 1960s - ...)கேம்லின் ( 1931 - ...),ஹீரோ பேனா (1968 - ... ), பிரில் ( 1964 - ..... ), நடராஜ் பென்சில் (1958 - ..)
************************************************************************************
வர்த்தகச் சின்னங்கள் ( பிராண்ட்ஸ்) என்றால் நாம் சிந்திப்பது ஆப்பிள், சாம்சங்க், பெப்சி, கோககோலா போன்ற நிறுவனங்களின் சின்னங்களைத் தான்.
இந்த அளவிற்குப் பெரிய நிறுவனங்களின் பொருட்களாக இல்லாவிட்டாலும் ஒரு சிலவற்றின் மதிப்பு மட்டும் குறைவதே இல்லை.

அந்த வரிசையில் நாம் காணப்போகும் வர்த்தகச் சின்னங்கள் கீழே..
கேம்லின் ( 1931 - ....... )

கணிதத்தில் வரும் வடிவியல் (ஜியாமெட்ரி) என்றாலே நமக்கு நினைவிற்கு வருவது கேம்லின் தான். எத்தனையோ வர்த்தகச் சின்னங்கள் வந்தாலும் கேம்லினிற்குத் தனி இடம் இருக்கத்தான் செய்கிறது.



ஹீரோ பேனா - (1968 - ... ):

இன்றைய தேதியில் சீனத் தயாரிப்பு என்றாலே போலியாக இருக்குமோ, தரக்குறைவான பொருளோ என்று பயப்படுகிறோம். ஆனால் ஒரு பொருள் "மே-இன்-சீனா" என்றால் பெருமிதம் கொள்ளும் அளவிற்கு இருந்தது என்றால் அது கட்டாயமாக ஹீரோ பேனாவாகத்தான் இருக்கும்.



அதுவும் பள்ளிக்காலத்தில், "ஹீரோ பேனா" வைத்திருப்பது "பார்க்கர் பேனா" வைத்திருப்பது போல. என்ன தான் ஹீரோ பேனாவில் அதிகமாக மையைச் சேர்த்து வைக்க முடியாது என்றாலும் ரெனால்ட்டு -045 போன்ற பேனாக்கள் வந்தாலும் இதன் மதிப்பு மட்டும் குறையவே இல்லை.

********
பிரில் - ( 1964 - ..... ):

பேனாவைப் பற்றிக் கூறிவிட்டு அதில் ஊற்றும் மையைப் பற்றிக் கூறவில்லை என்றால் நன்றாகவா இருக்கும்?



பேனா மை என்றால் "பிரில்" தவிர்த்து வேறு எந்த நிறுவனமும் இல்லை என்கிற நிலை, வேற எந்தத் துறையிலாவது இருக்க முடியுமா?
பள்ளிக்கூட இறுதி நாளில், நண்பர்களின் சட்டையில் மையை அடித்ததை நினைத்து பார்க்கும் போது கிடைக்கும் மகிழ்ச்சியில் பிரில்லுக்கும் ஒரு இடம் இருக்கத்தான் செய்கிறது )
*********
நடராஜ் பென்சில் - (1958 - .....) :

தூர்தர்சன் காலத்தில் ஒரு விளம்பரம் வரும், "மூன்று பென்சில்களுக்கான ஓட்டப்பந்தயம் அது, மற்ற பென்சில்களின் முனை உடைந்து விடும், நடராஜ் மற்றும் முன்னேறி வெற்றியடையும்"



இன்றும் கடையில் போய் பென்சில் வாங்கினால் நமக்குக் கடைக்காரர் தருவது நடராஜ் பென்சிலைத்தான். என்ன தான் அப்சரா போன்ற போட்டி நிறுவனங்கள் இருந்தாலும் நடராஜின் மீது நமக்கு ஒரு தனிப்பற்று தான் ( நடராஜ் என்ற பெயர்க் காரணமோ?)
********
நியூட்ரின் இனிப்பு வகைகள் ( 1960s - ...... )

பச்சை நிற காகிதத்தில் சுற்றப்பட்டிருக்கும் மிட்டாய் தான் நியூட்ரின் மிட்டாய் வகைகள். எனக்குத் தெரிந்து 15 பைசாவிற்கு விற்றது.



கேட்பரீஸின் எக்ளைர்ஸ், டைரி மில்க் போன்ற மிட்டாய் வகைகள் விலை அதிகமானதால், நியூட்ரின் இனிப்பு வகைகள் எளியவர்களின் தேவையைப் பூர்த்தி செய்வதாக இருந்தது.

ஆசை படம் வந்த நேரத்தில் இருந்து இதே நிறுவனத்தின் ஆசை மிட்டாயும் வெகுவாகப் பிரபலமடைந்திருந்தது.
********
ஜெம்ஸ் ( 1968 - .... )
"ஒரு சிறுவன் மைதானத்தில் மட்டையைப் பிடித்துக்கொண்டு இருப்பான். இன்னொரு சிறுவன் பந்தை வீச அது நேராக சிறுவனின் வாயில் போய் விழும். பார்த்தால் அவன் வீசியது ஜெம்ஸ் மிட்டாயை....". தூர்தர்சன் காலத்தில் பார்த்த அழகான விளம்பரம் இது.



எப்போதாவது ஜெம்ஸ் மிட்டாய் வாங்கும் அளவிற்கு காசு கிடைப்பதுண்டு. இந்த ஜெம்ஸ் மிட்டாய் விற்பனையில் தான் எத்தனை வர்த்தக உத்திகள். ஒரு முறை பார்த்தால் பொம்மைகளுடன் வரும், சில சமயம் பால்ரச குண்டுடன் வரும். (அது தான் நகர்த்தி நடுவில் சேர்ப்போமே.. )

கண்ணைக் கவரும் நிறத்தில் வருவதால், குழந்தைகள் மத்தியில் ஜெம்ஸிற்கு ஒரு தனி இடம் தான்.

********
லெஹர் 7அப் - (1992 - ... )

இப்பொழுது எப்படி வோடபோன் விளம்பரங்கள் பிரபலமோ, அந்த அளவிற்கு அந்த விளம்பரமும் பிரபலம் தான். பிடோ-டிடோவின் துறுதுறுப்பான வடிவமைப்பே இந்த குளிர்பானத்தை விளம்பரப்படுத்தப் போதுமானதாக இருந்தது.



கோல்ட்-ஸ்பாட், டொரினோ போன்ற வர்த்தகச்சின்னங்கள் மந்தமடையத்தொடங்கிய நேரம் தான் இந்த 7அப் குளிர்பான விற்பனை சூடானது.

**********

மேங்கோ ஃப்ரூட்டி - (1970s - ....... )

"மேங்கோ ஃப்ரூட்டி ஃப்ரெஸ் அன் ஜூசி ".. இந்த விளம்பரம் தெரியாதவர்களே இருக்க முடியாது.
மாஸா, ஸ்லைஸ் போன்ற வர்த்தகச்சின்னங்கள் வருவதற்கு முன்பிருந்தே மாம்பழ ருசியுள்ள குளிர்பானம் என்றால் அது ஃப்ரூட்டி தான். கடும்போட்டியை சமாளித்து இன்றும் புதுப்புது வடிவங்களில் வந்து கொண்டு தான் இருக்கிறது.





நன்றி:- செந்திலின் பக்கங்கள்

ஆவின் பால் பாட்டில் களில் வரும் முன்பு....அலுமினியம் மூடி போட்டிருக்கும், சிவப்பு, பச்சை நீலம் கோடுகளை வைத்து, வெண்ணை இன் அளவை அறிந்து கொள்ளலாம்....மறுநாள் பாட்டில்களை அலம்பி தந்துவிட்டு பால் பாட்டில்களை வாங்கிக் கொள்ளணும் ...இப்போ எல்லாம்  கவர் வந்து விட்டது...............

அந்த மூடிகள் பாத்திரம் தேய்க்க உதவும், அலம்பி சேர்த்து வைத்தால், எடைக்கு   எடுத்துக்கொண்டு சேமியா தருவார்கள் அல்லது பணம் தருவார்கள்

அந்த பாட்டில் கிட்ட தட்ட இப்படி இருக்கும்

balakarthik wrote:

krishnaamma wrote:உஜ்ஜாலா.............நான் உஜ்ஜலாவுக்கு மாறிட்டேன்..............

நாங்க ரீகல் உபயோகிப்போம் அப்புறம் நாங்களும் உஜாலா உபயோகிக்க ஆரம்பித்தோம் இப்பொழுது நீலமே உபயோகிப்பதில்லை

நான் எப்பவும் 'ராபின் ப்ளூ' தான் ......இந்த உஜாலா வயலட்டாக இருக்கும்

ராஜா wrote:வெளிநாட்டில் வேலை செய்யும் மகன் நச்சரிப்பு தாங்கமுடியாமல் சில பெற்றோர் விசிட் விசாவில் வந்திருப்பார்கள் , வந்த கொஞ்ச நாளுக்காக பேன்ட் போடணுமா என்று கூச்சப்பட்டு அப்படியே வெட்டி சட்டையில் இங்கு மால்களில் பராக்கு பார்த்துகிட்டு போவதை பார்க்கும் போதெல்லாம் மனைவியிடம் சொல்வேன். "எங்கப்பா அம்மாவும் இருந்திருந்தால் இப்படி தானே வேட்டி / புடவை கட்டிக்கொண்டு நம்ம கூட நடந்து வருவார்கள்" என்று

நிச்சயமாக தல அதுசரி அங்க வேட்டி கட்ட அனுமதி உண்டா பிரெச்சனை எதுவும் பண்றதில்லையே

balakarthik wrote:
ஆமாம் சர்ப் அப்பொழுது பிராண்டட் பொருள் உயர் வர்கத்தினர் மட்டுமே வாங்க முடியும் என்றும் நிர்மா மிக சல்லீசாக கிடைத்ததால் சர்பின் மார்கெட் சரிந்ததும் பின்பு சர்ப் நிறுவனம் அதிரடியாக விலை குறைத்து நிர்மாவின் மார்கெட்டை காலி பண்ணியதாகவும் கேள்விபட்டுள்ளேன்

நாங்க நிமா லாம் யூஸ் பண்ணினதில்லை சாமி.. DGM சோப்பு தான். நீல கலர்ல இருக்கும். வெள்ளை ஜவுதால் ல சுத்தி இருக்கும் சதுரமா..நல்ல சல்லுசா இருக்கு. லைபாய் மாதிரி இதும் சீக்ரம் கரையாது, நுரையும் வராது.

சரவணன் wrote:

balakarthik wrote:
ஆமாம் சர்ப் அப்பொழுது பிராண்டட் பொருள் உயர் வர்கத்தினர் மட்டுமே வாங்க முடியும் என்றும் நிர்மா மிக சல்லீசாக கிடைத்ததால் சர்பின் மார்கெட் சரிந்ததும் பின்பு சர்ப் நிறுவனம் அதிரடியாக விலை குறைத்து நிர்மாவின் மார்கெட்டை காலி பண்ணியதாகவும் கேள்விபட்டுள்ளேன்

நாங்க நிமா லாம் யூஸ் பண்ணினதில்லை சாமி.. DGM சோப்பு தான். நீல கலர்ல இருக்கும். வெள்ளை ஜவுதால் ல சுத்தி இருக்கும் சதுரமா..நல்ல சல்லுசா இருக்கு. லைபாய் மாதிரி இதும் சீக்ரம் கரையாது, நுரையும் வராது.

மேற்கோள் செய்த பதிவு: 1141156


அது என்ன சோப்பு சரவணன்?

அது டி.ஜி.எம். (DGM ) சோப்பு. நீலமா இருக்கும். எவ்ளோ தேச்சாலும் நுரை வரவே வராது அபோது 50 பைசாவுக்கு கிடைத்தது. அந்த படம் கிடைக்கலை.

சரவணன் wrote:அது டி.ஜி.எம். (DGM ) சோப்பு. நீலமா இருக்கும். எவ்ளோ தேச்சாலும் நுரை வரவே வராது அபோது 50 பைசாவுக்கு கிடைத்தது. அந்த படம் கிடைக்கலை.

மேற்கோள் செய்த பதிவு: 1141187

ம்..ஓகே .ஓகே......ponds கூட பெரிய தகர டின் இல் வரும் ......தேடினேன் கிடைக்கலை

krishnaamma wrote:

சரவணன் wrote:அது டி.ஜி.எம். (DGM ) சோப்பு. நீலமா இருக்கும். எவ்ளோ தேச்சாலும் நுரை வரவே வராது அபோது 50 பைசாவுக்கு கிடைத்தது. அந்த படம் கிடைக்கலை.

மேற்கோள் செய்த பதிவு: 1141187

ம்..ஓகே .ஓகே......ponds கூட பெரிய தகர டின் இல் வரும் ......தேடினேன் கிடைக்கலை

ஆமாம் உருளை வடிவமாக நீண்டு இருக்கும் பள்ளியில் மூன்று துளைகளை இட்டு தண்ணீர் நிரப்பி அறிவியல் பாடம் நடத்துவார்கள். அதை வைத்து நீராவி போட் செய்வோம் (ஆனால் நாங்கள் செய்யும் படகு தண்ணிரில் விட்டால் ஓடாது )

சரவணன் wrote:

krishnaamma wrote:

சரவணன் wrote:அது டி.ஜி.எம். (DGM ) சோப்பு. நீலமா இருக்கும். எவ்ளோ தேச்சாலும் நுரை வரவே வராது அபோது 50 பைசாவுக்கு கிடைத்தது. அந்த படம் கிடைக்கலை.

மேற்கோள் செய்த பதிவு: 1141187

ம்..ஓகே .ஓகே......ponds கூட பெரிய தகர டின் இல் வரும் ......தேடினேன் கிடைக்கலை

ஆமாம் உருளை வடிவமாக நீண்டு இருக்கும் பள்ளியில் மூன்று துளைகளை இட்டு தண்ணீர் நிரப்பி அறிவியல் பாடம் நடத்துவார்கள். அதை வைத்து நீராவி போட் செய்வோம் (ஆனால் நாங்கள் செய்யும் படகு தண்ணிரில் விட்டால் ஓடாது )

எறும்பு பொடி போட்டு வச்சு உபயோகிப்போம் நாங்கள் எறும்பை கொள்ள நல்ல வசதியா இருக்கும்

balakarthik wrote:

ராஜா wrote:வெளிநாட்டில் வேலை செய்யும் மகன் நச்சரிப்பு தாங்கமுடியாமல் சில பெற்றோர் விசிட் விசாவில் வந்திருப்பார்கள் , வந்த கொஞ்ச நாளுக்காக பேன்ட் போடணுமா என்று கூச்சப்பட்டு அப்படியே வெட்டி சட்டையில் இங்கு மால்களில் பராக்கு பார்த்துகிட்டு போவதை பார்க்கும் போதெல்லாம் மனைவியிடம் சொல்வேன். "எங்கப்பா அம்மாவும் இருந்திருந்தால் இப்படி தானே வேட்டி / புடவை கட்டிக்கொண்டு நம்ம கூட நடந்து வருவார்கள்" என்று

நிச்சயமாக தல அதுசரி அங்க வேட்டி கட்ட அனுமதி உண்டா பிரெச்சனை எதுவும் பண்றதில்லையே

மேற்கோள் செய்த பதிவு: 1141152


இது போல family visit விசாவில் வருபவர்களை அவ்வப்போது பார்க்கிறேன் பாலா , எதுவும் பிரச்சினை இருப்பது போல தெரியவில்லை.

ஒருமுறை எனது நண்பர் ஒருவர் வேட்டி கட்டிக்கொண்டு LULU வந்தார் , எதுவும் பிரச்சினையாகவில்லை இது நடந்தது 2007/2008 திருமணத்திற்கு முன் bachelor accomodation ல இருந்தபோது