உதவ முடியுமா உறவுகளே

**Aathira** · **Aathira** Sat May 30, 2015 7:59 pm

First topic message reminder :

சிறந்த எழுத்தாளராகவும் பத்திரிகையாளராகவும் நூல் வடிவமைப்பாளராகவும் (லேஅவுட் டிசைனராகவும்) இருந்த ஆர்டிஸ்ட் திரு ராஜா என்பவர் கடந்த 8 ஆண்டுகளாக சிக்கன் குனியா நோயினால் தாக்கப் பட்டு முடக்கு வாதம் போல படுத்த நிலையில் இருக்கின்றார். அதாவது கை, கால்களெல்லாம் முறுக்கிக் கொண்ட நிலையில் உள்ளார். அப்படியே ஆளை வைத்துக் கொண்டு கையில் ஒரு சிறு கண்ணாடியைப் பிடித்துக் கொண்டு அதில் குறை நிறைகளைப் பார்த்துத் திருத்தம் சொல்லி, எப்படியோ இதுநாள் வரை பல நூல்களை வடிவமைத்துத் தந்து கொண்டும் இருக்கின்றார். தற்போது ஒன்பதாவது உலகத்தமிழ் ஆராய்ச்சி மாநாட்டின் மலரையும் ஈப்போ கவிதை மாநாட்டு மலரையும் வடிவமைத்தவர் இவர். இப்போது மிகவும் உடல்நிலைப் பாதிக்கப் பட்ட நிலையில் உள்ளார். சென்னை, தாம்பரத்தில் உள்ள ஒரு நாட்டு மருத்துவ மனையில் 3 மாதங்கள் ( 2 மண்டலம்) தங்கி மருத்துவம் செய்து கொண்டால் சரியாகும். சரியாகவில்லையென்றாலும் நோயின் வீரியம் கொஞ்சம் குறையும் என்று நம்புகின்றார். அதற்கும் 50 முதல் 60 ஆயிரம் வரை செலவு ஆகும் என்ற நிலையில் என்னால் முடிந்த சிறு உதவியைச் செய்தேன். பெரிய உதவி என்னால் செய்ய இயலவில்லை. என் உறவுகள் எவறேனும் உதவ முடியுமா?

இவரைப் பற்றி முன்னதாகவே ஈகரையில் எழுதியிருக்கிறேன் என்று நினைக்கின்றேன். சோழ நாடு, மகளிர் முரசு, மலேசியாவில் வெளியான மீண்டும் உயர்வோம் முதலிய மாத இதழ்களை வடிவமைத்தவர். இப்போது எல்லா நூல்களும் நின்று விட்டன.

**Aathira** · **Aathira** Mon Oct 05, 2015 5:15 pm

இந்தத் திரியை மேலே கொண்டு வர வேண்டிய அவசியம் ஏற்பட்டுள்ளது. உறவுகள் மன்னிக்க.

சிலர் வலக்கை செய்தது இடக்கைக்குத் தெரியக் கூடாது என்று உதவி செய்து உள்ளனர். அவர்களுக்கு என் மனம் நிறைந்த நன்றிகள்.

மூட்டு மாற்று அறுவைச் சிகிச்சைக்கு முன்னெடுத்துச் சென்றுள்ளது அவரது மருத்துவ நிலை.
முடிந்தால் உதவுங்கள் உறவுகளே. அரசு மருத்துவ மனையில் அனுமதிக்கப் பெற்றுள்ளார். மருத்துவம் இலவசம். ஆனால் அன்றாடச் செலவுக்குத் திண்டாடுகிறார்.