எனது கவிதைகள் !

**M.Jagadeesan** · **M.Jagadeesan** Sat May 16, 2015 8:38 pm

First topic message reminder :

மெரீனா
=======
அதுவொரு அழகிய நிலாக் காலம்
கடற்கரை பூண்டது விழாக் கோலம்
சித்திரை மாதக் கத்திரி வெய்யிலில்
நித்திரை துறந்த இத்தரை மக்கள்

காற்று வாங்க கடற்கரை மணலில்
களிப்புடன் அமர்ந்து கடலை நோக்க
அழகிய நிலவு மெல்ல எழுந்து
அடிவா னத்தில் ஒளிக்கரம் நீட்ட
பழகிய நட்பில் பரவைக் காதலி
அலைக்கரம் கொண்டு அக்கரம் பற்றும்.

நிலவும் கடலும் நடத்தும் காதலை
உலவும் தென்றலும் உடுக்களின் தொகுதியும்
பறவைக் கூட்டமும் பலபட நின்று
மறைவாய் நோக்கி மகிழ்ச்சியைக் காட்டும்.

நடுக்கடல் தன்னில் நாவாய்க் கூட்டம்
அடுக்கிய அலையின் அன்புக் கரத்தால்
ஆட்டும் அசைவில் தன்னை மறந்து
அழகிய குழந்தை போலத் தூங்கும்.

அலைகடல் தன்னில் பரதவர் கூட்டம்
வலையினை வீசி மீன்களைப் பிடிக்க
கடற்கரை மணலில் கன்னியர் கூட்டம்
கண்வலை வீச காளையர் சிக்குவர்.

மைவிழி மாதர் மையலில் சிக்கிக்
கைப்பொருள் இழந்த காளையர் ஒருபால்
கூடிய எடையைக் குறைக்க வேண்டி
ஓடும் முதியோர் கூட்டம் ஒருபால்
குதிரை முதுகில் ஏறி அமர்ந்து
அதிர ஓட்டும் ஆடவர் ஒருபால்
கடற்கரை மணலில் சிறுகுழி தோண்டிக்
குடிநீர் விற்கும் கூட்டம் ஒருபால்
வடையும் பஜ்ஜியும் வஞ்சிர மீனும்
கடைகளில் வாங்கும் கூட்டம் ஒருபால்
கைவினைக் கலைஞர் உழைப்பினில் எழுந்த
கடல்படுப் பொருட்களின் காட்சிகள் ஒருபால்
இத்தகுக் காட்சிகள் மொத்தமும் கொண்ட
மெத்தகுக் கடற்கரை மெரீனா என்னும்
உலகின் அழகிய இரண்டாம் கடற்கரை.

**M.Jagadeesan** · **M.Jagadeesan** Thu Jun 04, 2015 1:51 pm

மார்கழி பீடையா ?
==================
மார்கழி மாதத்தின் மகிமையினைக் கேளீரே!
...மாதத்தில் மார்கழியாய் கண்ணன் இருக்கின்றான்!
பார்க்கும் இடமெல்லாம் பனியின் ஆதிக்கம்!
...பாவை நோன்புக்கு மார்கழியே நன்னாளாம்!
நேர்த்தியாய் கோலங்கள் தெருவை அலங்கரிக்கும்!
...நேயர்தம் பஜனையொலி எங்கும் எதிரொலிக்கும்!
யார்சொன்னார் மார்கழியைப் பீடை மாதமென?
...ஏசுபிரான் அவதாரம் மார்கழியே அறிந்திடுவீர்!

**ayyasamy ram** · **ayyasamy ram** Thu Jun 04, 2015 6:10 pm

**M.Jagadeesan** · **M.Jagadeesan** Thu Jun 04, 2015 7:21 pm

அய்யாசாமி ராம் அவர்களின் பாராட்டுக்கு நன்றி !

balakarthik · balakarthik Thu Jun 04, 2015 7:23 pm

M.Jagadeesan wrote:மார்கழி பீடையா ?
==================
மார்கழி மாதத்தின் மகிமையினைக் கேளீரே!
...மாதத்தில் மார்கழியாய் கண்ணன் இருக்கின்றான்!
பார்க்கும் இடமெல்லாம் பனியின் ஆதிக்கம்!
...பாவை நோன்புக்கு மார்கழியே நன்னாளாம்!
நேர்த்தியாய் கோலங்கள் தெருவை அலங்கரிக்கும்!
...நேயர்தம் பஜனையொலி எங்கும் எதிரொலிக்கும்!
யார்சொன்னார் மார்கழியைப் பீடை மாதமென?
...ஏசுபிரான் அவதாரம் மார்கழியே அறிந்திடுவீர்!

கவிதை நன்று ஐயா எனது கவிதைகள் ! - Page 7 3838410834

**M.Jagadeesan** · **M.Jagadeesan** Thu Jun 04, 2015 7:26 pm

பாலாவின் பாராட்டுக்கு நன்றி !

balakarthik · balakarthik Thu Jun 04, 2015 7:37 pm

ஐயா மார்கழி மாதைத்தை பீடு மாதம் என்று கூறுவார்கள் அதுவே மருவி பீடை மாதம் என்று ஆனது என்று நினைக்கிறேன்

**M.Jagadeesan** · **M.Jagadeesan** Thu Jun 04, 2015 7:49 pm

நமது சொந்தக் காரியங்களை யெல்லாம் ஒதுக்கி வைத்துவிட்டு இந்த ஒரு மாதமாவது இறைவனின் மேல் நமது முழு சிந்தனையையும் செலுத்த வேண்டும் என்ற காரணத்தினால்தான் மார்கழியில் திருமணம் முதலான சுபநிகழ்ச்சிகளைத் தவிர்த்தார்கள் நம் முன்னோர்கள். பக்தி மார்க்கத்திற்கு வழிகாட்டும் மாதமாக மார்கழியைக் கருதினார்கள். வீடுபேறு எனும் மோட்சத்தினை அடைய உதவும் மாதம் இது. பீடு என்றால் பெருமை மிகுந்த அல்லது உயரிய என்று பொருள். பீடு உடைய மாதமாகிய இதனை பீடை மாதம் என்று கூறுவது முற்றிலும் தவறு. இத்துணை சிறப்பு வாய்ந்த இந்த மாதத்தில் நாமும் அதிகாலை நேரத்தில் மட்டுமாவது இறைவனின் மீது சிந்தனையைச் செலுத்துவோம்; வாழ்வினில் வளம் பெறுவோம்..!

திருக்கோவிலூர் -K.B.ஹரிபிரசாத் சர்மா

balakarthik · balakarthik Thu Jun 04, 2015 7:52 pm

தகவலுக்கு மிக்க நன்றி ஐயா அதுமட்டுமல்லாது வியாழன் கிரகத்தை வெறும் கண்கலாலையே பார்கமுடிந்த மாதம் இந்த ஒரு மாதம்த்தான்

சரவணன் · சரவணன் Thu Jun 04, 2015 8:15 pm

நல்லா அருமையா எழுதிருக்கார் அய்யா! மகிழ்ச்சி

**M.Jagadeesan** · **M.Jagadeesan** Thu Jun 04, 2015 10:41 pm

நன்றி சரவணன் !

Sponsored content · Sponsored content

எனது கவிதைகள் !

எனது கவிதைகள் !

Re: எனது கவிதைகள் !

Re: எனது கவிதைகள் !

Re: எனது கவிதைகள் !

Re: எனது கவிதைகள் !

Re: எனது கவிதைகள் !

Re: எனது கவிதைகள் !

Re: எனது கவிதைகள் !

Re: எனது கவிதைகள் !

Re: எனது கவிதைகள் !

Re: எனது கவிதைகள் !

Re: எனது கவிதைகள் !

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக