கூந்தல் வளர்ச்சிக்கு உதவும் உணவுகள்!

நீளமாக கூந்தலுக்காக ஒவ்வொருவரும் அதிகம் மெனக்கெடுவது உண்டு. கடைகளில் விற்கப்படும் எண்ணெய்களையும், வீட்டிலேயே தயாரிக்கும் எண்ணெய்களையும் பயன்படுத்துகிறோம். இது அனைவருக்கும் பலனை தந்துவிடுவதில்லை.

ஆனால், உடலுக்குத் தேவையான ஊட்டச்சத்துக்கள் கிடைத்துவிட்டால், ஆரோக்கியமான உடலும், அழகான கூந்தலையும் பெற்றுவிடலாம். வைட்டமின்களும், புரதமும் கூந்தல் வளர்வதற்கு உதவுகின்றன. எந்தெந்த சத்துக்கள் கூந்தல் வளர்ச்சிக்குத் தேவை? என்பது பற்றி விளக்குகிறார் ட்ரைகாலஜிஸ்ட் தலத் சலீம்.

புரதமே ஆதாரம்

அமினோ அமிலங்கள் நிறைந்தவை புரதம். முடி, புரதத்தால்தான் உருவாகிறது. முடி வளர்வதற்கு அமினோ அமிலங்களும், புரதமும் அவசியம். 90 சதவிகிதம் முடிகள் வளரும் நிலையில் இருக்கும், 10 விகிதம் முடிகள் உறங்கிக் கொண்டிருக்கும். ஓய்வு நிலையைக் கடந்த பிறகும், முடிகள் உதிரத் தொடங்கும். புதிதாக முடிகளும் வளரும். அதாவது 50 - 100 முடிகள் வரை உதிர்ந்தால், அது இயல்பு.

வளர்ச்சியை தரும் வைட்டமின்கள்

வைட்டமின் (அ) பயோடின் சத்து, செல்களை உற்பத்தி செய்யும். செல்களைப் புதுப்பிக்கும். இதனால் கூந்தல் உதிர்வது தடுக்கப்படுகிறது.

உணவுகள்: வேக வைத்த முட்டை, ஈஸ்ட், காலி ஃப்ளவர், ராஸ்பெர்ரி, வாழை, வால்நட், பாதாம்.

வைட்டமின் பி6: டெஸ்டோஸ்டீரான் ஹார்மோனின் செயல்பாட்டை சமன்படுத்தும். இதனால் முடி வளர்வதற்கான தடைகளையும் மாற்றும் வல்லமை இதற்கு உண்டு.

உணவுகள்: ஃபோலிக் அமிலங்கள் நிறைந்த உணவுகள்

வைட்டமின் ஏ: கூந்தல் கருப்பாகவும், பளபளப்பாகவும் வளர உதவும். கூந்தலை வலுப்படுத்தி அடர்த்தியாக்கும்.

உணவுகள்: உருளை, கேரட், ஈரல், முட்டை, பால், கீரைகள், உலர் அத்தி, மாம்பழம்.

வைட்டமின் பி12: கூந்தல் உதிர்வதைத் தடுக்கும். உடலில் உள்ள இரும்புச் சத்துக் குறைபாட்டைப் போக்கும்.

உணவுகள்: முட்டை, சீஸ், பால், யோகர்ட்.

வைட்டமின் சி: முடி வளர்ச்சிக்கு உதவும். இளநரையைப் போக்கும். வறட்சியை நீக்கும்.

உணவுகள்: எலுமிச்சை, கொய்யா, ஸ்டார்பெர்ரி.

வைட்டமின் ஈ: ரத்த ஓட்டத்தைச் சீராக்கும். இதனால் அனைத்துவிதமான கூந்தல் பிரச்னையும் தீரும்.

உணவுகள்: பாதாம், மீன், பால், வேர்க்கடலை, கீரைகள், சூரியகாந்தி விதைகள், உலர் மூலிகைகள்.

இதனால எனக்கு அதாவது உங்க மாப்ளைக்கு ஏதாவது பயன் உண்டா? நல்லா பாத்து சொல்லுங்க மாமா
அங்கள்.