நீச்சல் குளத்தில் மூழ்கி நடிகர் எம்.ஆர்.ஆர்.வாசுவின் மகன் சாவு

**ayyasamy ram** · **ayyasamy ram** Sun May 10, 2015 8:25 am

-

மறைந்த நடிகர் எம்.ஆர்.ஆர்.வாசுவின் மகன் குன்றத்தூர் அருகே நீச்சல் குளத்தில் மூழ்கி வெள்ளிக்கிழமை இரவு இறந்தார்.

பழம்பெரும் நடிகர் எம்.ஆர்.ராதாவின் பேரனும், மறைந்த நடிகர் எம்.ஆர்.ஆர்.வாசுவின் மகனுமான எம்.ஆர்.ஆர்.வாசுசதீஷ் (44), சென்னை மேற்கு மாம்பலம், போஸ்டல் காலனியில் குடும்பத்துடன் வசித்து வந்தார்.

சின்னத்திரை நடிகரான இவர், ரியல் எஸ்டேட் தொழிலும் செய்து வந்தார். இவர் குன்றத்தூர் அருகே பூந்தண்டலம் பகுதியில் அமைந்துள்ள தனியார் விடுதிக்கு தனது நண்பர்களுடன் வெள்ளிக்கிழமை சென்றுள்ளார். அங்கு சினிமா படப்பிடிப்புக்காக இடங்களைத் தேர்வு செய்துவிட்டு, இரவு விடுதியில் தங்தியுள்ளார்.

பின்னர் நீச்சல் குளத்தில் குளித்தபோது எதிர்பாராத விதமாக நீச்சல் குளத்தில் வாசுசதீஷ் மூழ்கியுள்ளார். அருகில் இருந்தவர்கள் வாசுசதீஷை மீட்டு மாங்காடு பகுதியில் உள்ள தனியார் மருத்துவமனையில் சேர்த்தனர். அங்கு பரிசோதனை செய்த மருத்துவர், வாசுசதீஷ் இறந்து விட்டதாகக் கூறினர். இதுகுறித்து குன்றத்தூர் போலீஸார் விசாரிக்கின்றனர்.
=
தினமணி

**Dr.சுந்தரராஜ் தயாளன்** · 03/09/2011

எதிர்பாராத விதமாக.....என்றால் அதிக மதுவின் தாக்கத்தால் என்றும் பொருள்கொள்ளலாம் சோகம்

**ராஜா** · **ராஜா** Sun May 10, 2015 12:23 pm

Dr.சுந்தரராஜ் தயாளன் wrote:எதிர்பாராத விதமாக.....என்றால் அதிக மதுவின் தாக்கத்தால் என்றும் பொருள்கொள்ளலாம்

மேற்கோள் செய்த பதிவு: 1135816 சூப்பருங்க

உண்மை ஐயா

**T.N.Balasubramanian** · **T.N.Balasubramanian** Sun May 10, 2015 1:14 pm

தண்ணிலே கண்டம் என்று இதைத்தான் கூறுவார்களோ !

அன்னாரது குடும்பத்திற்கு ஆழ்ந்த அனுதாபங்கள்

ரமணியன்

**M.Jagadeesan** · **M.Jagadeesan** Sun May 10, 2015 3:13 pm

இந்தத் தலைமுறையில் யாருக்கும் நீச்சல் தெரியாது. அதனால் வந்த வினை இது. மேலும் நீச்சல் கற்றுக் கொள்வதற்கு ஏற்ற சூழ்நிலையும் தற்போது இல்லை. நீர், நெருப்பு, மின்சாரம் இவைகளிடம் நாம் எச்சரிக்கையாக இருக்கவேண்டும்.

**krishnaamma** · **krishnaamma** Sun May 10, 2015 7:48 pm

Dr.சுந்தரராஜ் தயாளன் wrote:எதிர்பாராத விதமாக.....என்றால் அதிக மதுவின் தாக்கத்தால் என்றும் பொருள்கொள்ளலாம்

மேற்கோள் செய்த பதிவு: 1135816

இருக்கும்.................இருக்கும்.............இது போல நீச்சல் குளங்கள் பெரும்பாலும் 5 - 5 1/2 தானே வெச்சிருப்பா?............... அநியாயம்