மன உளைச்சலால் தூக்கம் வரவில்லையா?: இதோ, அறுபதே வினாடிகளில் நிம்மதியான உறக்கத்துக்கு சுலபமான வழி

First topic message reminder :

பணிச்சுமை, குடும்பப் பிரச்சினை, கடன் தொல்லை போன்றவை மனதின் பெரும்பகுதியை ஆக்கிரமித்துக் கொள்ளும் வேளைகளில் ஏராளமானவர்கள் இரவு வேளைகளில் தூக்கம் வராமல் துன்பப்படுவதுண்டு.

           விடியும்வரை புரண்டுப் புரண்டு படுத்தும் தூக்கம் வராமல் அவதிப்படும் சிலர் மறுநாள் காலை தங்களது வழக்கமான பணிகளில் ஈடுபடுகின்றனர். இதன் விளைவாக ஞாபகமறதி உள்ளிட்ட பல்வேறு எதிர்வினைக்கு இவர்கள் ஆளாகிப்போகும் வாய்ப்புகள் அதிகம் உள்ளது. இதைப்போன்றவர்களுக்கு ஆறுதல் அளிக்கும் விதமாக அறுபதே வினாடிகளில் எளிதாக உறங்கும் முறையை அமெரிக்காவின் ஹார்வார்ட் பல்கலைக்கழகத்தை சேர்ந்த உடற்கூறியல் நிபுனரான டாக்டர் ஆண்ட்ரூ வெய்ல் என்பவர் கண்டுபிடித்துள்ளார்.

இந்த எளிதில் உறங்கும் கலைக்கு ’4-7-8 டெக்னிக்’ என அவர் பெயர் சூட்டியுள்ளார். இந்தக் கலையை பயன்படுத்தி உறங்கச் செல்பவர்கள் நிம்மதியான உறக்கத்துக்கு பின்னர், மறுநாள் காலை புத்துணர்ச்சியுடன் விழிக்கவும் முடியும் என ஆண்ட்ரூ வெய்ல் கூறுகிறார்.

இந்த முயற்சியின் முதல்படியாக, கண்களை மூடியபடி நான்கு வினாடிகளுக்கு மூச்சினை நன்றாக உள்ளே இழுக்க வேண்டும். அந்த மூச்சுக் காற்றை ஏழு வினாடிகளுக்கு நாசிக்குள் நிறுத்திவைத்து அமைதியாக இருக்க வேண்டும். பின்னர், 8 வினாடிகளுக்கு மூச்சுக்காற்றை ஒரே சீராக வெளியேற்ற வேண்டும்.

இப்படி, தொடர்ந்து மூன்று முறை (57 வினாடிகளுக்கு) செய்ய வேண்டும். அடுத்த 3 நிமிடங்களுக்குள் உங்களுக்கு நிச்சயமான, நிம்மதியான உறக்கம் வந்துவிடும் என இவர் கூறுகிறார்.

இது எப்படி சாத்தியம் ஆகிறது?.., இந்த முறையில் உங்கள் நுரையீரலுக்குள் மூச்சுக்காற்றை நிறுத்தி வைக்கும் அந்த 7 வினாடிகள் முக்கிய பங்காற்றுகின்றது. இதன் மூலம் நுரையீரல் முழுவதும் ஆக்சிஜன் பரவுகின்றது. இது உடலை தளர்வடையச் செய்து, ஆசுவாசப்படுத்துகின்றது.

அதேவேளையில், இத்தனை வினாடிகளுக்கு இதை செய்ய வேண்டும் என உங்கள் மனதையும் நீங்கள் கட்டுப்பாட்டுக்குள் கொண்டு வருவதால், நினைவை பாதிக்கும் தேவையற்ற அழுத்தமும், எரிச்சலும் தானாகவே மனதைவிட்டு வெளியேறி விடுகின்றது. இந்த முறைகளின் மூலம் மனதை விட்டு விலகாமல் அட்டை போல ஒட்டிக் கொண்டிருக்கும் தேவையற்ற மனக்கவலைகளையும் வெளியேற்றி விட்டால், அடுத்த வினாடியே நிம்மதியான உறக்கம் உங்களை தழுவிக் கொள்ளும் என டாக்டர் ஆண்ட்ரூ வெய்ல் உறுதியுடன் கூறுகிறார்.

krishnaamma wrote:

ராஜா wrote:

T.N.Balasubramanian wrote:

ராஜா wrote:60 வினாடியா , too much

எங்ககிட்ட இருக்குற மருந்து 15 வினாடிகளில் அலேக்கா தூக்கிட்டு போயி தூக்கம் வர வச்சுடும்
- பாலாஜி & ராஜா

மேற்கோள் செய்த பதிவு: 1135234

பாலாஜி & ராஜா---பெயர்தான் எடுக்கப்பட்டு விட்டதே , எந்தன் விருப்பத்திற்கிணங்க .
மறுபடியும் மலரும் நினைவுகளா ?

ரமணியன்  

புரியவில்லையே , நான் கீழே signature போடுவது போல பெயரை தான் போட்டுள்ளேன் , நீங்க என்ன சொல்லுரிங்கன்னு புரியலையே ,


இப்ப கூட login பண்ண முடியுதே , " எடுக்கப்பட்டுவிட்டது "  என்று ஐயாவே சொல்லுறாரே என்னடா இது ஒரே கண்பீசனா இருக்கு. மணி வேற இப்ப தான் 5.30 ஆகுது அதுக்குள்ளே தூக்க மருந்து சாப்பிட முடியாது...... அவ்வ்வ்வ்வ்வ்

மேற்கோள் செய்த பதிவு: 1135294

இல்லை ராஜா, முன்பு உங்க பேரும் பாலாஜி பேரும்'smilies ' இல் இருந்ததை ஒருவர் தவறாக பயன் படுத்தியதால் எடுத்து விட்டார் இல்லையா சிவா......இப்போ மீண்டும் நீங்க கூட்டணி  போல பேரை போட்டிருக்கீங்க அது தான் ஐயா கேட்கிறார்  

ஐயோ ஐயோ இதை கூட புரிஞ்சுக்க முடியாத அளவுக்கு ஒன்னும் நான் இல்லை , நான் சொல்லியதை நீங்க எந்த அளவிற்கு புரிஞ்சுகிட்டிங்கன்னு நீங்க LKG lesson எடுப்பதில் இருந்தே தெரியுது