கோடையில் குளிர்விக்கும் ‘நுங்கு’

நுங்கை, கோடை காலத்தில் சாப்பிடக் கிடைக்கும் ஒரு சுவையான உணவுப்பொருளாகத்தான் நாம் கருதுகிறோம். ஆனால் உண்மையில் நுங்கு ஒரு மருந்துப் பெட்டகம், வெயில் கொளுத்தும் கோடையில் நம்மைப் பாதுகாக்க இயற்கை அளித்துள்ள வரம்.

பனைவெல்லம், பனங்கற்கண்டு, பனங்கிழங்கு, மட்டை, ஓலை என பனையில் இருந்து கிடைக்கும் அனைத்துப் பொருட்களுமே மருத்துவக் குணம் வாய்ந்தவை.

அது போலத்தான் நுங்கும். குடலுக்குக் குளிர்ச்சி ஏற்படுத்தக்கூடியது இது. நுங்கில் வைட்டமின் பி, சி, இரும்புச்சத்து, கால்சியம், துத்தநாகம், சோடியம், மெக்னீசியம், பொட்டாசியம், தயாமின், அஸ்கார்பிக் அமிலம் மற்றும் புரதம் போன்ற சத்துகள் அதிகம் காணப்படுகின்றன.

நுங்குக்குக் கொழுப்பைக் கட்டுப்படுத்தி, உடல் எடையைக் குறைக்கும் தன்மை அதிகம். நுங்கு நீர், வயிற்றை நிரப்பி, பசியையும் தூண்டும். செரிமான சக்தியை சிறப்பாக்கும். இதனால் சாப்பிடப் பிடிக்காமல் இருப்பவர் களுக்கு நல்ல பசி ஏற்படும்.

மலச்சிக்கல் மற்றும் வயிற்றுப் போக்கு இரண்டுக்குமே நுங்கு ஒரு சிறந்த மருந்து.

சிலருக்கு உடல் உஷ்ணம் காரணமாக எவ்வளவுதான் தண்ணீர் குடித்தாலும் தாகம் அடங்காது. அவர்கள் நுங்கைச் சாப்பிட்டால் தாகம் அடங்கி விடும்.

ரத்தசோகை உள்ளவர்கள் நுங்கைத் தொடர்ந்து சாப்பிட்டு வந்தால் விரைந்து குணமாகி உடல் சுறுசுறுப்பாகும்.

நுங்கில் அந்தியூசைன் எனும் ரசாயனம் இருப்பதால் பெண்களுக்கு மார்பகப் புற்றுநோய்க் கட்டிகள் வருவதைத் தடுக்கும்.

வெயில் காலத்தில் அம்மை நோய்கள் வருவதைத் தடுத்து உடலுக்கு நோய் எதிர்ப்பு சக்தியைத் தரும்.

கோடை காலத்தில் பலரும் வியர்க்குருவால் அவதிப்படுவார்கள். அதற்கு நுங்கு ஒரு நல்ல மருந்து. நுங்கை வியர்க்குருக்கள் மீது பூசினால் அவை மறையும்.

இந்தக் கோடை காலத்தில் இளம் நுங்கு வாங்கிச் சாப்பிட்டு அதன் இனிய பலன்களைப் பெறலாம்!

சென்னை மாதவரம் பால்பண்ணை அருகே
palm factory ஒன்று இருந்தது .இப்போ இருக்கிறதா தெரியாது ?
அங்கு பதநீர் கிடைக்கும் .
அதன் ருசி அலாதி .

ரமணியன்

நுங்கு பற்றிய பதிவு அருமை
ஒரு நாளைக்கு ரூபாய் 150 முதல் 200 வரை இங்கு வாங்குகிறோம் தல
3 நுங்கு பத்து ரூபாய்

சென்னை ஹைகோர்ட்டுக்கு எதிரேயுள்ள குறளகத்தில் பதநீர் விற்கிறார்கள். வெயில் நேரத்தில் குடிக்க மிகவும் அருமையாக இருக்கும். உடலுக்கும் நல்லது. ஒரு பாக்கெட் விலை 12 ரூபாய். நான் பாரிமுனை செல்லும்  வேலை இருந்தால், தவறாமல் குறளகம் சென்று இரண்டு பாக்கெட் பதநீர் சாப்பிடுவேன்.

'ஜில் ' என்று இருக்கு நீங்கள் போட்ட பதிவு சிவா

சிவா