சாலைகளுக்கு போடப்படும் தாரின், வேதியியல் பெயர் ஆஸ்பால்ட்

**சிவா** · **சிவா** Tue Apr 28, 2015 2:09 am

சாலைகளுக்கு போடப்படும் தாரின், வேதியியல் பெயர்தான் ஆஸ்பால்ட். கச்சா எண்ணெயின் உயவுப் பொருட்களில் இதுவும் ஒன்று. கரிய நிறமுடைய இது குளிர்ந்த நிலையில் கெட்டியாக இருக்கும். சூடாக்கி காய்ச்சினால் 230 டிகிரி சென்டிகிரேடு வெப்பநிலையில் உருகத் தொடங்கும். எண்ணெய் சுத்திகரிப்பு ஆலைகளின் கழிவில் இருந்து 95 சதவீதம் தார் பெறப்படுகிறது. சில இடங்களில் மட்டும் தார் இயற்கையாகவே கிடைக்கிறது. 'டிரினிடாட்' ஏரியில் ஆஸ்பால்ட் இயற்கையில் மிகுதியாக கிடைக்கிறது. 10 முதல் 15 மில்லியன் டன்கள் வரை இங்கு தார் உள்ளது.

தார் மனிதர்களின் சமீபத்திய கண்டுபிடிப்பு அல்ல. கி.மு. 2500-ம் ஆண்டிலேயே தார் பயன்படுத்தியதற்கான சான்றுகள் கிடைத்துள்ளன. இன்று பாகிஸ்தானில் உள்ள புராதன நகரமான மொகஞ்சதாரோவின் கட்டிடங்களில் செங்கற்களை இணைத்து சுவர் எழுப்ப தார் பயன்படுத்தப்பட்டிருப்பதாக புதைபொருள் ஆய்வாளர்கள் கூறுகிறார்கள்.

தாரும், சரளைக்கற்களும் கலந்த கலவை தார்மகடாம் எனப்படும். முதன் முதலில் சாலைகளில் தார் பரப்பி பயன்படுத்தியவர்கள் இங்கிலாந்துக்காரர்கள். ஹாம்ஷயரில் 1845-ல் முதன் முதலில் தார் சாலை அமைத்தார்கள். இருந்தாலும் 1920-க்கு பிறகுதான் சாலைகள் அமைக்க பெருமளவில் தார் தேவைப்பட்டது. காற்றடைத்த டயர்களுக்கு தார் சாலைகளே ஏற்றதாக இருந்ததால், உலகெங்கிலும் தார் சாலைகள் பெருகின.

**T.N.Balasubramanian** · **T.N.Balasubramanian** Tue Apr 28, 2015 8:09 am

நாம் கூறுகிற தார் ரோடு , ஆங்கிலத்தில் கூறும்போது ,
அஸ்ஃபால்டெட் (Ashphalted road ) ரோட் என்றே அழைக்கப்படுகிறது .

ரமணியன்

சாலைகளுக்கு போடப்படும் தாரின், வேதியியல் பெயர் ஆஸ்பால்ட்

சாலைகளுக்கு போடப்படும் தாரின், வேதியியல் பெயர் ஆஸ்பால்ட்

Re: சாலைகளுக்கு போடப்படும் தாரின், வேதியியல் பெயர் ஆஸ்பால்ட்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக