நீ...!!

*
நீ மழையாக இல்லாவிட்டால் என் அன்பே
ஒரு மரமாக இரு
வளமுள்ள ஒரு மரமாக இரு
நீ மரமாக இல்லாவிட்டால் என் அன்பே
ஒரு கல்லாக இரு
ஈரலிப்புள்ள கல்லாக இரு
நீ கல்லாக இல்லை என்றால் என் அன்பே
ஒரு சந்திரனாக இரு
அன்புள்ள ஒரு பெண்ணின் கனவில் ஒரு சந்திரனாக இரு
ஒரு பெண் தன் மகனின்
சவ அடக்கத்தின் போது இப்படிச் சொன்னாள்.
ஆதாரம் ; மஹ்மூத் தர்வீஷ் கவிதைகள் பக்கம் 86
தமிழாக்கம் : எம்.எ. நுஃமான்.

நன்றாக இருக்கிறது

"ஈரலிப்புள்ள " அர்த்தம்தான் புரிய மாட்டேன் என்கிறது .

ரமணியன்

அதன் அர்த்தம் நுஃமான் சாரைத் தான் கேட்கவேண்டும் சார்....

அகராதிகளை குடைந்த போதும் கிடைக்கவில்லை .
வழக்கு சொல்லாக இருக்குமோ ?
ரமணியன்

மஹ்மூத் தர்வீஷ் (1941 - 9-8-2008)
-
பலஸ்தீனிய தேசிய கவிஞர்

-
கவிதை அருமை - நல்ல பகிர்வு

அடப் பாவமே !

ரமணியன்

-

- (1941 - 9-8-2008)

ayyasami ram ,
நீங்கள் மூலக் கவிஞரை மகமத் தர்வீஷ் ஐ கூறுகிறீர்களோ .
அவர்தான் ஆகஸ்ட் 2008 இல் மறைந்தார் .
MA நு ஃ மான் என்று தவறாக எண்ணிவிட்டீர் என நினைக்கிறேன் .

ரமணியன்

புகைப்படத்தில் இருப்பவர்தான் (1941 - 9-8-2008)-

மஹ்மூத் தர்வீஷ்- ஆவார்
-
================================================
-=

-
எம். ஏ. நுஃமான்(1944)

-
ஈழத்திலிருந்து தமிழ்சார்ந்து செயற்படும் ஆளுமைகளுள் முக்கியமானவர். கவிஞராகவும் சிறுகதையாசிரியராகவும் வெளிப்பட்ட இவர் க. கைலாசபதி, கா. சிவத்தம்பி ஆகியோரின் திறனாய்வு மரபில்வைத்து எண்ணப்பட வேண்டிய விமர்சகர்களுள் ஒருவர்.

மார்க்சியக் கோட்பாட்டின்மீது நம்பிக்கை கொண்டவராக இருந்தபோதிலும் அவற்றின் பெயரால் இலக்கியத்தை எளிமைப்படுத்துவதற்கு அப்பால் நிற்கும் வெகுசிலரில் ஒருவர். சிதம்பரம் அண்ணாமலைப் பல்கலைக்கழகத்தில் மொழியியலில் முனைவர் பட்டம் பெற்றார்.

இலங்கைப் பேராதனைப் பல்கலைக்கழகத்தில் தமிழ்ப் பேராசிரியராகப் பணிபுரிந்தார். மரபான இலக்கியத்திலும் இலக்கணத்திலும் புலமைகொண்ட அவர் நவீன இலக்கியக் கோட்பாடுகள் பற்றி எழுதியும் விவாதித்தும் வருகிறார். தமிழில் கால்கொண்ட அமைப்பியல், பின்அமைப்பியல் பற்றி இவர் எழுதிய கட்டுரைகள் முக்கியமானவை. தமிழ்மொழியோடு ஆங்கிலம், சிங்களம் ஆகிய மொழிகளையும் பயின்று தனது விமர்சனச் செயற்பாட்டை அமைத்துக்கொண்டவர். ஆங்கிலத்திலிருந்து பாலஸ்தீனக் கவிதைகள் உள்ளிட்டவற்றை மொழிபெயர்த்த இவரின் கவிதைகள், ஆங்கிலம், சிங்களம், கன்னடம் ஆகிய மொழிகளில் மொழிபெயர்க்கப்பட்டுள்ளன.

ஆசிரியர், இணையாசிரியர், பதிப்பாசிரியர், இணைப் பதிப்பாசிரியர், மொழிபெயர்ப்பாளர் என்ற வகையில் 25 நூல்களுக்குமேல் இவர் வெளியிட்டுள்ளார். ஈழத்தின் கடந்த தலைமுறையினரோடு படைப்புப் பணியைத் தொடங்கிய எம்.ஏ. நுஃமான் இளைய தலைமுறைப் படைப்பாளிகளோடும் உறவைப் பேணிவருபவர்.

கவிதை அருமை!தகவலுக்கு மிகவும் நன்றி!