ருத்ரா (இ.பரமசிவன்) கவிதைகள்

**முனைவர் ம.ரமேஷ்** · 21/08/2011

First topic message reminder :

ருத்ரா (இ.பரமசிவன்) கவிதைகள் - மின்னஞ்சலில் வரும் இவரின் கவிதைகள் என்னை வெகுவாகக் கவர்ந்துள்ளதால் தொடர் பதிவாக பதிய விரும்புகிறேன்... உங்களுக்கும் பிடிக்கும். புதுக்கவிதையில் இது புதுமாதிரி....

காதலர் தினம்
=========================================ருத்ரா

சுட்டெரிக்கும் சூரியன் கூட‌
கடலில் முகம் கழுவி
காற்றில் பல் தேய்த்து
பளிச்சென்று காத்திருக்கும்...
எங்கோ ஒதுங்கி இருக்கும்
அந்த மேக மங்கை
தன் முகம் தழுவி
கொடுக்கும் முத்தத்திற்கு
காத்திருக்கும்.
பிப்ரவரி பதினாலு
எனும் காலண்டர் தாள்
நரம்புக்குள்
ஆயிரம் மகரயாழை
நிமிண்டி விடும்.
இது வெள்ளைக்காரனின்
கருப்பு நிழல் என்று
வெறுப்பு கொள்வோரே
உங்கள் செல்லரித்த‌
சுவடிகளைத்தடவிப்பாருங்கள்
அங்கே ஒரு "காந்தர்வ"முறையில்
இளம் உள்ளங்கள்
காதலின் கிலுகிலுப்பைகளை
ஒலித்துக்கொண்டிருப்பது கேட்கும்.
இன்னும்
நம் எட்டுத்தொகையும் பத்துப்பாட்டும்
வால் எயிறு ஊறி
சொல் குழறிய மாணிக்கப்பரல்களில்
ஒலித்து ஒலித்து விளையாடும்
ஒளிப்பூக்கள் சிதறும்.
எலும்பு இற்று குருதி வற்றி
இதயத்தின்
ஓட்டைக்கசிவுகளில்
முனகும் துடிப்புகளில்
காலம் உன்னை
துவைத்துக் கசக்கிப்பிழியும்
நாட்களில்
நீ கொளுத்திப்பார்க்கும்
மத்தாப்புக்குச்சிகள் இது தானே!
மனிதா!
மழலை போல
இன்னொரு இனிய‌
தெய்வீக மொழியை உன்னால்
கேட்க முடியுமா?
சமுதாய வளர்ச்சியின்
ஒரு மழலை உருவகம்
இது.
இதைத்தகர்க்கவா
வெறும் சம்ப்ரதாயங்களின்
வெடிமருந்தை
மூட்டை கட்டி
முதுகில் சுமந்து கொண்டிருக்கிறாய்
எதிர்ப்பு என்ற பெயரில்?
வேண்டாம்..ஜாக்கிரதை!
வீணாய் நீ
வெடித்துச்சிதறாதே!
கண்ணாடிச்சிறகுகளில்
சர சரக்கும் தட்டாம்பூச்சிகளே!
உங்கள்
கனவுகளைச்செதுக்கி
கல்வெட்டு ஆக்கிக்கொள்ளுங்கள்.
________________

**முனைவர் ம.ரமேஷ்** · 21/08/2011

இருட்டை மேலும் இருட்டாக்கும்
வினோதமான நட்சத்திரம்
இந்த "செட்டிங்க்" வானத்தில்.

சூபர் ஸ்டார்

**முனைவர் ம.ரமேஷ்** · 21/08/2011

வயதுக்கு வருவது வருடங்கள் அல்ல‌
அது ஆணி அடித்து தொங்குவது
வானவில் காலண்டர்.

காதலுக்கு முன்.

**முனைவர் ம.ரமேஷ்** · 21/08/2011

குகைக்குள் ரயில்.
வெளியே வந்த போது
பயணமே தொலைந்து போனது.

காதலுக்கு பின்.

**முனைவர் ம.ரமேஷ்** · 21/08/2011

தூங்குவதற்காக படுக்கை.
இது கனவுக்காக மட்டுமே
படுக்கை.

காதலுக்கு முன்னும் பின்னும்.

**முனைவர் ம.ரமேஷ்** · 21/08/2011

நடப்பும் நினைப்பும்
தலை கீழாய் செய்யும்
யோகாசனம்.

சினிமா

**முனைவர் ம.ரமேஷ்** · 21/08/2011

கானல் நீர்.!
கங்கைகளும் காவிரிகளும்
இன்னும் இங்கு தான்.உற்பத்தி.

ஜனநாயகம்

**முனைவர் ம.ரமேஷ்** · 21/08/2011

தமிழ் நாட்டில் எல்லோரும்
இந்தி பேசினால் போதும்
இந்நேரம் இது ஜீரணமாயிருக்கும்.

இலங்கை

**முனைவர் ம.ரமேஷ்** · 21/08/2011

புல்லெல்லாம்
நடுங்கின‌
அந்த "டாங்கியை"ப் பார்த்து.

நத்தை

**முனைவர் ம.ரமேஷ்** · 21/08/2011

கிளை ஒடிந்து ஒடிந்து
நிலவைச் சவைத்து
கொப்புளிக்கிறது

தடாகம்.

**முனைவர் ம.ரமேஷ்** · 21/08/2011

ஆண்மைக்கு
பெண்மையின் அண்மை வேண்டும்.
பெண்மைக்கு
உண்மையான ஆண்மை வேண்டும்.

ஈர்ப்பு

Sponsored content · Sponsored content

ருத்ரா (இ.பரமசிவன்) கவிதைகள்

ருத்ரா (இ.பரமசிவன்) கவிதைகள்

Re: ருத்ரா (இ.பரமசிவன்) கவிதைகள்

Re: ருத்ரா (இ.பரமசிவன்) கவிதைகள்

Re: ருத்ரா (இ.பரமசிவன்) கவிதைகள்

Re: ருத்ரா (இ.பரமசிவன்) கவிதைகள்

Re: ருத்ரா (இ.பரமசிவன்) கவிதைகள்

Re: ருத்ரா (இ.பரமசிவன்) கவிதைகள்

Re: ருத்ரா (இ.பரமசிவன்) கவிதைகள்

Re: ருத்ரா (இ.பரமசிவன்) கவிதைகள்

Re: ருத்ரா (இ.பரமசிவன்) கவிதைகள்

Re: ருத்ரா (இ.பரமசிவன்) கவிதைகள்

Re: ருத்ரா (இ.பரமசிவன்) கவிதைகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக