கோவில் அர்ச்சகர்களின் பூணூல் அறுப்பு: ஆறு பேர் கைது

சென்னையில் நேற்று இரவில், இரண்டு இடங்களில் கோவில் அர்ச்சகர்களின் பூணூல் அறுக்கப்பட்டு, தாக்கப்பட்டது தொடர்பாக ஆறு பேர் கைதுசெய்யப்பட்டுள்ளனர்.

சென்னை மைலாப்பூர் முண்டக்கண்ணியம்மன் கோவில் தெருவில் வசிக்கும் விஸ்வநாத குருக்கள் என்பவர் நேற்று இரவு தனியாக நடந்து வந்து கொண்டிருந்தபோது, மோட்டர் சைக்கிள்களில் வந்த சிலர், திடீரென அவரைத் தாக்கி, அவரது பூணூலை அறுத்ததாகக் கூறப்படுகிறது.

76 வயதாகும் விஸ்வநாதன் காரணீஸ்வரர் கோவிலில் அர்ச்சகராக பணிபுரிந்துவருகிறார்.

மயிலாப்பூர் காவல் நிலையத்தில் காரணீஸ்வரர் கோவில் அர்ச்சகர்கள் இந்தச் சம்பவம் தொடர்பாக புகார் அளித்தனர்.

இந்த சம்பவம் நடந்து சிறிது நேரம் கழித்து, மேற்கு மாம்பலத்தில் வசிக்கும் சந்தான கோபாலன் என்ற 69 வயது முதியவர் ஒருவரும் தாக்கப்பட்டார்.

இந்தச் சம்பவங்கள் தொடர்பாக திராவிடர் விடுதலைக் கழகத்தைச் சேர்ந்த நான்கு பேர் முதலில் கைது செய்யப்பட்டனர். பிறகு இருவர் கைது செய்யப்பட்டனர்.

கைது செய்யப்பட்டவர்கள் மீது கும்பலாகக் கூடுதல், அவதூறாக பேசித் தாக்குதல், கொலை மிரட்டல் விடுத்தல் ஆகிய 8 பிரிவுகளின் கீழ் வழக்கு பதிவு செய்யப்பட்டுள்ளது.

இந்தத் தாக்குதல் சம்பவங்களையடுத்து, காரணீஸ்வரர் கோவில் அர்ச்சகர்கள், சிவாச்சாரியார் சங்கங்களைச் சேர்ந்தவர்கள், பாரதீய ஜனதாக் கட்சியைச் சேர்ந்தவர்கள் ஆகியோர் மைலாப்பூரில் பிற்பகலில் ஆர்ப்பாட்டம் நடத்தினர்.

திராவிடர் விடுதலைக் கழகம் உள்ளிட்ட கட்சிகளைத் தடைசெய்ய வேண்டுமென்றும் அவர்கள் கோரினர்.

இது தொடர்பாக திராவிடர் விடுதலைக் கழகத்தைச் சேர்ந்த வழக்கறிஞர் அருள்,ஊடகங்களிடம் பேசிய போது, பாஜகவின் எச். ராஜா போன்றவர்கள் பெரியார் குறித்து அவதூறாகப் பேசுவதுதான் இது போன்ற சம்பவங்களைத் தூண்டிவிடுகிறது என்று குறிப்பிட்டார்.

காந்தியைப் பற்றிக் கூடத்தான்
அவதூறாகப் பேசுகிறார்கள்...
-
பேச்சு சுதந்திரம் உள்ள நாடு...
-
அநாகரிக செயலை செய்தவர்களுக்கு வக்காலத்து வாங்கும்
செயல்...

அட போங்கடா நீங்களும் உங்க கட்சிகளும், ராஜான்னு ஒருத்தன் பேசினா, நீங்க அவன அடிக்கலாமுல்ல., அத விட்டு விட்டு அர்ச்சகரை ஏண்டா அடிக்க போறீங்க....

நம்ம ஐயா சொன்னது போல ஆண்மை அற்றவர்கள் அவர்கள்.

சமமானவர்களிடம் காட்டுவதே வீரம்
இதை அறியாதவர்களிடம் இல்லை ஈரம்
இவர்கள் பூமிக்கே ஒரு பாரம்
இதைப் பேசுவதில் இல்லை ஒரு சாரம்
இது தான் கலியுகத்தின் நேரம்

ரொம்பவும் சந்தோஷம், பெரியாரின் கொள்ள்கைகள் அவரது வார்த்தைகளை நம்புபவர்கள் அவர் சொன்னவைகளை உண்மை என நிரூபிக்க பார்க்கிறார்கள். பர்தா போட்ட முகமதிய பெண்ணை பற்றியும் அங்கி அணிந்த கிறித்தவ பாதிரியார் பற்றியும் பேச திராணி அற்ற ஆண்மக்கள். வயது முதிர்ந்த பெரியவர்களை துன்புறுத்தி இருக்கிறார்கள். இந்த விஷயம் கலைஞர் காதிலே விழாது. அவர் பகுத்தறிவு வாதி. தாலி அறுக்கலாம் பூணூல் அறுக்கலாம், தமிழகம் திருந்திவிடுமா? பெரியார் ஒரு முறை தமிழர்கள் காட்டுமிராண்டிகள் என்று கூறியதை நிரூபிக்கும் வரை விடுவதில்லை என உறுதி பூண்டிருக்கிறார்கள் திராவிட விடுதலை கழகத்தினர்.

வாழ்க பெரியாரிசம்

சிவம்