இன்று முதல் பிஎஸ்என்எல் ஊழியர்கள் 2 நாள் வேலைநிறுத்தம்

**ayyasamy ram** · **ayyasamy ram** Tue Apr 21, 2015 11:18 am

நஷ்டத்தில் இயங்கி வரும் பிஎஸ்என்எல் நிறுவனத்தை மறுசீரமைக்கும் நடவடிக்கையில் ஈடுபடாத மத்திய அரசைக் கண்டித்து, நாடு முழுவதும் உள்ள அந்நிறுவன ஊழியர்கள் செவ்வாய்க்கிழமை (ஏப்.21) முதல் இரண்டு நாள்கள் வேலை நிறுத்தப் போராட்டத்தில் ஈடுபடவுள்ளனர்.

இதுகுறித்து, பிஎஸ்என்எல் தொழிற்சங்கங்களின் ஒருங்கிணைப்பாளர் வி.ஏ.என். நம்பூதிரி தில்லியில் செய்தியாளர்களிடம் திங்கள்கிழமை கூறியதாவது: கடந்த 2000-ஆம் ஆண்டில், பிஎஸ்என்எல் நிறுவனத்திடம் ரூ.40,000 கோடி கையிருப்பு இருந்தது. ஆனால், அந்தப் பணம் முழுவதும் கடன்களுக்கான வட்டித் தொகைக்காகவும், 2ஜி அலைக்கற்றை வாங்குவதற்காகவும் செலவிடப்பட்டுவிட்டது.

பிஎஸ்என்எல் நிறுவனத்தை சரிவிலிருந்து மீட்க வேண்டியது குறித்து விவாதிப்பதற்காக விரிவான ஆலோசனைக் கூட்டம் நடத்துமாறு மத்தியத் தொலைதொடர்புத் துறை அமைச்சர் ரவிசங்கர் பிரசாத்திடம் பல முறை கோரிக்கை விடுக்கப்பட்டது. ஆனால், அதுகுறித்து அவர் இன்னமும் முடிவு செய்யவில்லை.

பிஎஸ்என்எல் ஊழியர்கள் வேலைநிறுத்தம் தொடர்பாக அறிவிப்பு வெளியிட்டு ஐந்து மாதங்களாகியுள்ள நிலையில், இந்த விவகாரம் குறித்து வரும் 25-ஆம் தேதி கூட்டம் நடத்த தற்போதுதான் தொலைதொடர்புத் துறை அழைப்பு விடுத்துள்ளது.

பிஎஸ்என்எல் நிறுவனத்துக்கு கடந்த 2000-ஆம் ஆண்டு ரூ.7,500 கோடியை மத்திய அரசு கடனாக வழங்கியது. அதற்கு வட்டியும், முதலுமாக ரூ.12,500 கோடியை அரசு திரும்ப எடுத்துக்கொண்டது. அதே போல், ஸ்பெக்ட்ரம் அலைக்கற்றை ஒதுக்கீட்டு ஏலத்திலும் தனியார் நிறுவனங்களுக்கே முக்கியத்துவம் அளிக்கப்பட்டது.

இதுபோன்ற காரணங்களால் கடுமையான நஷ்டத்தை பிஎஸ்என்எல் நிறுவனம் சந்தித்து வருகிறது என்றார் வி.ஏ.என். நம்பூதரி.
=
தினமணி

இன்று முதல் பிஎஸ்என்எல் ஊழியர்கள் 2 நாள் வேலைநிறுத்தம்

இன்று முதல் பிஎஸ்என்எல் ஊழியர்கள் 2 நாள் வேலைநிறுத்தம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக