டிவிட்டரின் மருத்துவ சேவை

**சிவா** · **சிவா** Tue 21 Apr 2015 - 0:25

சமூக வலைத்தளங்களில் ஒன்றான டிவிட்டர், வாடிக்கையாளர்களுக்கு மருத்துவம் சார்ந்த புதிய சேவையை அறிமுகம் செய்துள்ளது. நோய் மற்றும் மருத்துவம் சார்ந்த கருத்துகளை டிவிட்டரில் வெளியிடும்போது அது சார்ந்த மருத்துவ சிகிச்சை எங்கு கிடைக்கும், எந்த மருத்துவமனையில் நோயாளிக்கு இடம் உள்ளது என்பது போன்ற விவரங்களையும் பக்கவாட்டில் இடம் பெறச் செய்கிறது டிவிட்டர்.

இதனால் பாதிக்கப்பட்டவர்களும், அவர்களை சார்ந்தவர்களும் விழிப்புணர்வுடன் செயல்பட்டு ஆரோக்கியம் காக்கலாம். முதல்கட்டமாக அமெரிக்காவில் இந்த வசதி அறிமுகம் செய்யப்பட்டு உள்ளது.

**சிவா** · **சிவா** Tue 21 Apr 2015 - 0:28

தானாக சார்ஜ் ஆகும் கேமரா!

தானாக சார்ஜ் ஆகிக் கொள்ளும் டிஜிட்டல் கேமராவை இந்திய வம்சாவழி விஞ்ஞானி கண்டுபிடித்துள்ளார். கொலம்பியா பல்கலைக்கழகத்தில் பேராசிரியராக பணியாற்றி வரும் கே.நாயர் மற்றும் குழுவினர் இந்த சாதனையை நிகழ்த்தி உள்ளனர்.

இவர்கள் உருவாக்கி உள்ள கேமராவில் பேட்டரி கிடையாது. சிறிய சூரியசக்தி தகடு உள்ளது. கேமராவின் மையப் பகுதியில் இருக்கும் இமேஜ் சென்சார் கருவி, புகைப்படம் எடுக்கும்போது குறைகடத்தியாக இருந்து, மின்உற்பத்தி செய்யும். இதனால் புகைப்படம் எடுப்பதற்கான ஆற்றல் கிடைப்பதால் இதை சார்ஜ் செய்ய வேண்டிய அவசியம் இல்லை. இதன் சக்தியைக் கொண்டு வினாடிக்கு ஒரு படம் எடுக்கும் வகையில் இந்த கேமரா வடிவமைக்கப்பட்டு இருக்கிறது.

**சிவா** · **சிவா** Tue 21 Apr 2015 - 0:29

விக்கிபீடியா அப்ளிகேசன்

தகவல் களஞ்சியமாக விளங்கும் விக்கிபீடியா தற்போது ஐ.ஓ.எஸ். தளத்தில் இயங்கும் புதிய அப்ளிகேசனை வெளியிட்டு உள்ளது.

ஸ்மார்ட்போன்கள் மற்றும் டேப்லட்களில் விக்கிபீடியாவின் முகப்பு பக்கத்தை அலங்காரமாக காண்பிக்கவும், தேடல் முடிவுகளை எளிதாகவும், வேகமாக தரும் வகையிலும் இது வடிவமைக்கப்பட்டிருக்கிறது.

விக்கிபீடியாவில் 288 மொழிகளில் 3 கோடியே 40 லட்சம் கட்டுரைகள் இடம் பெற்றுள்ளன. மாதம்தோறும் 50 கோடி பேர் இந்த தளத்திற்கு வந்து செல்கிறார்கள்.

**சிவா** · **சிவா** Tue 21 Apr 2015 - 0:30

திகைக்க வைக்கும் கார்

அமெரிக்காவில் பள்ளி மற்றும் பல்கலைக்கழக மாணவர்களுக்கான, '2015 ஷெல் எகோ மராத்தான்' எனும் போட்டி அறிவிக்கப்பட்டது.

இதில் மாணவர்கள் தங்கள் சொந்த தயாரிப்பு வாகனங்களை பங்கு பெற வைக்கலாம். போட்டியில் டொரான்டோ பல்கலைக்கழகத்தை சேர்ந்த 'சூப்பர்மைலேஜ் டிசைன் டீம்' குழுவினர், அனைவரையும் வியக்க வைக்கும் கார் ஒன்றை அறிமுகப்படுத்தினார்கள்.

3 சக்கரத்தில் பந்தயக்கார் வடிவில் உருவாக்கப்பட்டிருந்த இந்தக் கார், ஒரு காலன் பெட்ரோலுக்கு 3 ஆயிரத்து 421 மைல்கள் பயண தூரம் தரக்கூடியது. அதாவது 4.5 லிட்டர் எரிபொருளுக்கு 5 ஆயிரத்து 504 கிலோமீட்டர் தூரம் பயணிக்கலாம். 80 பவுண்ட் எடை கொண்ட இந்த கார், 45 சிசி திறன்கொண்ட பெட்ரோலிய என்ஜினால் இயங்குகிறது.