நாளை அட்சய திருதியை --நீங்கள் செய்யவேண்டியது

**T.N.Balasubramanian** · **T.N.Balasubramanian** Mon Apr 20, 2015 6:39 pm

First topic message reminder :

நாளை அட்சய திருதியை --நீங்கள் செய்யவேண்டியது

தானத்தில் சிறந்தது அன்னதானம் என்பார்கள். அட்சய திரிதியை நாளில் அன்னதானம் செய்தால் அள்ள
அள்ள குறையாத செல்வம் பெருகும் என்பது நம்பிக்கை. சித்திரை மாத வளர்பிறையில் வரும் திருதியை நாளே அட்சய திருதியை எனப்படுகிறது.எல்லா நலன்களையும் குறைவிலாது அள்ளிக் கொடுக்கும் இந்தத் திருதியை நன்னாளை அட்சய திருதியை என அழைத்துப் போற்றிக் கொண்டாடினர். அதனால் தான் மிக விலையுயர்ந்ததாகக் கருதப்படும் தங்கத்தை அன்று மக்கள் வாங்குகின்றனர். அட்சய திரிதியை நாளில்
தானம் செய்வது சிறந்தது. அதுவும் ஏழைகளுக்கு அன்னதானம் அளித்தால் செல்வவளம் பெருகும்
என்கின்றனர் முன்னோர்கள்.

அட்சய திரிதியை சிறப்பு அன்னபூரணி தேவி அவதரித்ததும் அட்சய திருதியை நாளில்தான். வியாச மஹரிஷி சொல்லச் சொல்ல பிள்ளையார் மஹாபாரதம் எழுதத் துவங்கியதும் இந்த நாளில்தான். குபேரன்,
மஹாலட்சுமியைத் துதித்து என்றும் வற்றாத செல்வம் நிறைந்த சங்க நிதியையும், பதும நிதியையும்
பெற்றதும் அட்சய திருதியை நாளில்தான். புண்ணிய நதியான கங்கை நதி வானத்திலிருந்து பாரத
மண்ணுக்கு வந்ததும் இந்த நாளில்தான். தானம் செய்யுங்கள்
வட மாநிலங்களில் அட்சயதிருதியை நாளை அலா தீஜ் என்ற பெயரில் கொண்டாடுகிறார்கள். அன்று புதிதாக தொழில் ஆரம்பிக்கவும், உழவுத் தொழிலைத் தொடங்கவும், முன்னோர்கள் பித்ருக்கள் காரியங்கள்
செய்யவும் ஏற்ற நாளாக இந்த நாளைக் கருதுகிறார்கள். எந்தப் பெயரில் அழைக்கப்பட்டாலும் அட்ச திருதியை நாள் மிகவும் சிறப்பு வாய்ந்த நாள் என்பதில் மாற்றுக் கருத்து இல்லை. திருமகளின் அருள்
அட்சயமாக நம் மனைகளில் நிறைந்திருக்க அட்சய திருதியை அன்று லட்சுமி வழிபாடு செய்தும் தயிர் சாதம், புதிய வஸ்திரம் முதலியவை தானம் அளித்தும் தெய்வங்களை வழிபடுவதன் மூலம் அளவற்ற செல்வம் பெருகும் என்பது நம்பிக்கை.

27 நட்சத்திரகாரர்கள் தானம் அளிக்கவேண்டிய பொருட்கள்
அஸ்வினி: கதம்ப சாதம் தானம். ஏழை மாணவர்கள் படிக்க உதவலாம்.
பரணி: நெய் சாதம் தானம், ஏழை நோயாளிகளுக்கு உதவலாம்.
கார்த்திகை: சர்க்கரைப் பொங்கல் தானம்; பார்வையற்ற ஏழைகளுக்கு உதவலாம்.
ரோகிணி: பால் அல்லது பால் பாயசம் தானம்; ஏழை நோயாளிகளுக்கு உதவலாம்.
மிருகசீரிடம்: சாம்பார் சாதம் தானம், உடல் ஊனமுற்றவர்களுக்கு உதவலாம்.
திருவாதிரை: தயிர் சாதம் தானம்; ஏழை மாணவர்களின் உயர்கல்விக்கு உதவலாம்.
புனர்பூசம்: தயிர் சாதம் தானம்; கால்நடைகளுக்கு கடலை தானியம் கொடுக்கலாம்.
பூசம்: மிளகு கலந்த சாதம் தானம்; கால்நடைகளுக்கு எள்ளுப்புண்ணாக்கு கொடுக்கலாம்.
ஆயில்யம்: வெண்பொங்கல் தானம்; பசுமாட்டுக்கு பச்சைப்பயிறைக் கொடுக்கலா ம்.
மகம்: கதம்ப சாதம் தானம்; கால்நடைகளுக்கு கொள்ளு தானியம் கொடுக்கலாம்.
பூரம்: நெய் சாதம்; மன நோயாளிகளுக்கு உதவலாம்.
உத்திரம்: சர்க்கரைப் பொங்கல் தானம்; கால்நடைகளுக்கு கோதுமை அளிக்கலாம்.
அஸ்தம்: பால் பாயசம் தானம்; மனநலம் பாதிக்கப்பட்டவர்களுக்கு உதவலாம்.
சித்திரை: துவரம் பருப்பு கலந்த சாம்பார் சாதம் தானம்; விபத்தில் சிக்கியவர்களுக்கு உதவலாம்.
சுவாதி: உளுந்து வடை தானம்; வயதானவர்களுக்கு உணவு, உடை வாங்கித் தரலாம்.
விசாகம்: தயிர்சாதம் தானம்; கால்நடைகளுக்கு கடலை தானியம் கொடுக்கலாம்.
அனுஷம்: மிளகு கலந்த சாதம்;வாயில்லா ஜீவன்களுக்கு எள்ளு சாதம் கொடுக்கலாம்.
கேட்டை: வெண்பொங்கல் தானம்; பசு மாட்டுக்கு பச்சைப்பயிறு கொடுக்கலாம்.
மூலம்: கதம்ப சாதம் தானம்; ஏழைகளுக்கு உதவலாம்.
பூராடம்: நெய் சாதம் தானம்; ஏழைத் தம்பதிக்கு உதவலாம்.
உத்திராடம்: சர்க்கரைப் பொங்கல் தானம்; ஏழை நோயாளிகளுக்கு உதவலாம்.
திருவோணம்: சர்க்கரை கலந்த பால் தானம்; வறுமையிலிருப்பவர்களுக்கு நெல் தானம் செய்யலாம்.
அவிட்டம்: சாம்பார் சாதம் தானம்; கால்நடைகளுக்கு துவரை வாங்கித் தரலாம்.
சதயம்: உளுந்துப் பொடி சாதம் தானம்; கால்நடைகளுக்கு உளுந்து தீவனம் தரலாம்.
பூரட்டாதி: தயிர் சாதம் தானம்; பிறருக்கு இயன்ற உதவி செய்யலாம்.
உத்திரட்டாதி: மிளகு சாதம் தானம்; ஏழைகளுக்கு உணவு, உடை தானம் சிறந்தது.
ரேவதி: வெண் பொங்கல் பிரசாதம் தானம் நல்லது. பறவைகள், விலங்குகளுக்கு உணவளிக்கலாம்.

வணங்கவேண்டிய தெய்வங்கள்
அஸ்வினி, மகம், மூலம்: விநாயகர்
பரணி, பூரம், பூராடம்: ரங்கநாதர்
ரோகிணி, அஸ்தம், திருவோணம்: சிவன்
மிருகசீரிஷம், சித்திரை, அவிட்டம்: துர்க்கை
திருவாதிரை, சுவாதி, சதயம்: பைரவர்
புனர்பூசம், விசாகம், பூராட்டாதி: ராகவேந்திரர்
பூசம், அனுஷம், உத்திரட்டாதி: சிவன்
ஆயில்யம், கேட்டை, ரேவதி: பெருமாள்
உத்திரம், உத்திராடம், கார்த்திகை: முருகன்

நன்றி : தட்ஸ் தமிழ்

ரமணியன்

**krishnaamma** · **krishnaamma** Tue Apr 21, 2015 12:34 pm

T.N.Balasubramanian wrote:கடத்தல் தங்கம் தின மலர் செய்தி

ஒரே ஆண்டில் கடத்தி கொண்டு வரப்பட்ட தங்கம் 1000 கோடி டன்.
ஜனத்தொகை 130 கோடி
அப்பிடி என்றால் ஒருவருக்கு கடத்தி கொண்டு வரப்பட்ட தங்கம் எவ்வளவு .?

ரமணியன்

மேற்கோள் செய்த பதிவு: 1131908

வாவ்! அதிர்ச்சி

**ayyasamy ram** · **ayyasamy ram** Tue Apr 21, 2015 1:25 pm

இந்தப் பூமியில் உள்ள எத்தனையோ கனிமங்களில் தங்கமும் ஒன்று. ஆனால், எப்படியோ அது மனிதகுலத்தை வசீகரித்து விட்டது.

'எல்லாம் என்னுடையது’ என்றது தங்கம்.
'எல்லாம் என்னுடையது’ என்றது வாள்.
'என்னால் எல்லாவற்றையும் வாங்க முடியும்’ என்றது தங்கம்.
'என்னால் எல்லாவற்றையும் பறிக்க முடியும்’ என்றது வாள்.

- ரஷ்ய கவிஞர் புஷ்கினின் இந்தக் கவிதை, யுத்தத்துக்கும் தங்கத்துக்குமான தொடர்பை விவரிக்கிறது.

**ராஜா** · **ராஜா** Tue Apr 21, 2015 1:53 pm

T.N.Balasubramanian wrote:நன்றி , தவறு என் பக்கம் தான் .
படித்த செய்தி 1000 கோடி மதிப்புள்ள தங்கம்
பதிவிட்டதோ 1000 கோடி டன்.
Raja wrote:1000 கோடி டன் என்பது தவறான செய்தியாக இருக்கும் ஐயா , நம் அரசாங்கம் worldbank இல் deposit பண்ணியுள்ளதே 21 லட்சம் டன் என்று படித்துள்ளதாக நினைவு ,

1000 கோடி டன் நம்மிடம் இருப்பு இருந்தால் , நம் பணத்தின் மதிப்புக்கு உலகின் எந்த நாடும் பக்கத்தில் வர முடியாது
அதுவும் 100% உண்மையே . அப்போ நாம் வைப்பதே சட்டம் .

ரமணியன்

ஆம் ஐயா ,

சில வருடங்களுக்கு முன் , ஒவ்வொரு நாட்டின் பணமதிப்பும் எப்படி மதிப்பிடபடுகிறது , நமக்கு தேவையான பணத்தை நாமே அச்சடித்துகொண்டால் என்ன என்று எண்ணம் வந்தது , அப்போது தான் இதை பற்றி தேடி படித்தேன்.

இந்திய குடும்பங்களில் உள்ள தங்க நகைகளை அனைத்தையும் ஒரே நேரத்தில் அரசாங்கத்திடம் கொடுத்தோமானால் , அடுத்த நாள் இந்தியா தான் உலகின் பணக்கார நாடாக இருக்கும் என்பது எனது எண்ணம் புன்னகை

**T.N.Balasubramanian** · **T.N.Balasubramanian** Tue Apr 21, 2015 2:23 pm

இந்திய குடும்பங்கள் --எவ்வளவு பேர் உண்மையை சொல்லுவார்கள் --தெரியாது .
தங்கம் வைத்து இருந்தாலோ /போட்டுக் கொண்டு இருந்தாலோ தண்டனை என்று
சட்டம் இயற்றவேண்டும் .
கோவில்களில் -தங்கம் இருக்கும் --அதற்கு கணக்கு இருக்கும் -HRCE அவர்களும் ,கணக்கு காண்பித்து
மொத்த தங்கத்தையும் அரசுக்கு கொடுத்து விடவேண்டும் .

திருப்பதி கோவில் , வட நாட்டில் உள்ள நாத்த்வாரா கோவில்களில் உள்ள நகைகள் மதிப்பு யாருக்காவது தெரியுமா ?

( உறவுகளே --இவை எல்லாம் நடக்கப் போவதில்லை --என்னை ,ஒரு மாதிரி பார்க்கவேண்டாம் )

ரமணியன்

**விமந்தனி** · **விமந்தனி** Tue Apr 21, 2015 11:28 pm

ராஜா wrote:1000 கோடி டன் நம்மிடம் இருப்பு இருந்தால் , நம் பணத்தின் மதிப்புக்கு உலகின் எந்த நாடும் பக்கத்தில் வர முடியாது

அந்த திருநாள் என்று வருமோ....?

**விமந்தனி** · **விமந்தனி** Tue Apr 21, 2015 11:31 pm

ராஜா wrote:இந்திய குடும்பங்களில் உள்ள தங்க நகைகளை அனைத்தையும் ஒரே நேரத்தில் அரசாங்கத்திடம் கொடுத்தோமானால் , அடுத்த நாள் இந்தியா தான் உலகின் பணக்கார நாடாக இருக்கும் என்பது எனது எண்ணம்

அப்படி ஒரு சந்தர்ப்பம் ஏற்பட்டால் அதில் என் குடும்பமும் ஒன்றாக கண்டிப்பாக இருக்கும்.

**விமந்தனி** · **விமந்தனி** Tue Apr 21, 2015 11:41 pm

T.N.Balasubramanian wrote:இந்திய குடும்பங்கள் --எவ்வளவு பேர் உண்மையை சொல்லுவார்கள் --தெரியாது .

அவர்களை விடுங்கள் ஐயா. ஒரு சாதாரண இந்திய குடும்பத்தில் அதிகபட்சமாக 10 சவரங்களுக்கு மேல் இருக்காது. அதை கொடுப்பதில் எந்த வித தயக்கமும் அவர்களிடம் இருக்கப்போவதும் இல்லை. ஆனால், நாட்டை ஆண்டு கொண்டிருக்கும் அடிமட்ட கவுன்சிலரில் இருந்து உச்ச பட்ச அதிகாரம் உள்ள முதலைகள் வரையுள்ளவர்களின் நகைகளை கைப்பற்றினாலே போதுமே... சுவிஸ் பேங்க் வரை கூட செல்லவேண்டி இருக்காது.

T.N.Balasubramanian wrote:தங்கம் வைத்து இருந்தாலோ /போட்டுக் கொண்டு இருந்தாலோ தண்டனை என்று
சட்டம் இயற்றவேண்டும் .
கோவில்களில் -தங்கம் இருக்கும் --அதற்கு கணக்கு இருக்கும் -HRCE அவர்களும் ,கணக்கு காண்பித்து
மொத்த தங்கத்தையும் அரசுக்கு கொடுத்து விடவேண்டும் .

திருப்பதி கோவில் , வட நாட்டில் உள்ள நாத்த்வாரா கோவில்களில் உள்ள நகைகள் மதிப்பு யாருக்காவது தெரியுமா ?

( உறவுகளே --இவை எல்லாம் நடக்கப் போவதில்லை --என்னை ,ஒரு மாதிரி பார்க்கவேண்டாம் )

ரமணியன்

Sponsored content · Sponsored content

நாளை அட்சய திருதியை --நீங்கள் செய்யவேண்டியது

நாளை அட்சய திருதியை --நீங்கள் செய்யவேண்டியது

Re: நாளை அட்சய திருதியை --நீங்கள் செய்யவேண்டியது

Re: நாளை அட்சய திருதியை --நீங்கள் செய்யவேண்டியது

Re: நாளை அட்சய திருதியை --நீங்கள் செய்யவேண்டியது

Re: நாளை அட்சய திருதியை --நீங்கள் செய்யவேண்டியது

Re: நாளை அட்சய திருதியை --நீங்கள் செய்யவேண்டியது

Re: நாளை அட்சய திருதியை --நீங்கள் செய்யவேண்டியது

Re: நாளை அட்சய திருதியை --நீங்கள் செய்யவேண்டியது

Re: நாளை அட்சய திருதியை --நீங்கள் செய்யவேண்டியது

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக